Kæru vinir nær og fjær! Við óskum ykkur gleðilegs sunnudags og færum ykkur þennan þátt úr smiðju Undralandsins á silfurfati. Verði ykkur að góðu og njótið dagsins.

Það var góð orka í Undralandinu í dag þar sem ýmsar umræður áttu sér stað. Aron spreytir sig m.a. á spurningum úr Ungfrú Ísland, en það er vægast sagt ólíklegt að hann muni stíga á svið í síðkjól í bráð. Eigiði dásamlegan sunnudag elsku vinir og munið að vera góð hvort við annað.

Gleðilegan sunnudag gott fólk. Ekki láta eftirsjá vera hluti af þínu lífi. Ekki heldur trúa öllu sem þú heyrir. Fleira var það ekki frá Ólafssonum, nema það sem kemur fram í þættinum. 

Já kæru hlustendur, í dag bjóðum við upp á 52 mínútur af heilaleysi, en aftur á móti áhugaverðum umræðum um byggingar, þrælahald og margt fleira. Hafið það náðugt þennan sunnudaginn.

Þeir mættu til okkar tveir helstu sérfræðingar landsins í Napóleon fræðunum, þeir Níels Thibaud og Gunnar Smári. Þeir hafa unnið hörðum höndum að uppsetningu á Níels er Napóleon undanfarið og koma því glóðvolgir í Undralandið. Þessi þáttur er sá fyrsti í röðinni "Einræðisherrar" en við munum koma til með að fá fleira skemmtilegt fólk til að ræða við okkur um helstu einræðisherra mannkynssögunnar.

Gleðilegan sunnudag kæru Undralendingar. Við Ólafssynir færum ykkur 155.þátt Undralandsins. Í þættinum ræðum við stórleikara, óskarinn, minnisglöp og fleira skemmtilegt. Verið góð hvort við annað.

Það var ýmislegt sem kom til umræðu í þætti dagsins eins og titill þáttarins segir til um, en líklega var óvæntasta uppákoma þáttarins sú að það færðist til hljóðnemi í stúdíóinu þegar að talið barst að draugum. Ekki missa af þessum, kæru Undralendingar!

Þeir Ólafssynir voru á ferð og flugi um helgina ásamt Agli Ploder, góðvini þáttarins. 

Já kæru hlustendur! Það getur eiginlega ekki annað verið en að við séum bara dýr á tilraunastofu einhversstaðar. Góðu fréttirnar eru hins vegar þær að það eru allar líkur á því að við munum komast að því í náinni framtíð og þá verður það væntanlega skammtatölvan sem mun leysa það vandamál. Spurningin er hins vegar sú hvað í fjandanum við gerum þegar við áttum okkur á því að við lifum í hermi? 

Já kæru Undralendingar - mætið óttanum ykkar. Eigið yndislega viku!