MANNLEGI ÞÁTTURINN FIMMTUDAGUR 18.JÚNÍ

UMSJÓN GUÐRÚN GUNNARSDÓTTIR OG MARGRÉT BLÖNDAL

Matarspjallið að þessu sinni snýst um sólskinsmat, sumsé mat sem framkallar bros á vör, sólskin í hjartað og gleður öll skilningarvitin í sólinni. Hefur maður lyst á einhverju sérstöku í sól ? Nú virðist vera vinsælt að fá sér drykk og smárétti á hamingjustundum síðdegis, hvort sem fólk býður heim eða fer á veitingastaðina. Nú er staðan þannig að allir veitiingastaðir og barir loka kl.23.00 og fólk sem ætlar að fá sér smárétti og drykk, fer fyrr af stað og svo eru allir komnir heim fyrir miðnætti. Sigurlaug Margrét veltir þessu fyrir sér í dag.

Föstudagsgesturinn okkar á sér langa athafnasögu og eiginlega má segja að ferillinn hann hafi verið samofinn íslenskri dægurmenningu undanfarna sex áratugi - hann var einu sinni pikkaó á Borginni, byggði upp stærstu og vinsælustu skemmtistaði landsins og eftir að hann hætti að vinna - eins og hann orðar það sjálfur - hefur hann byggt upp hótel í Grímsnesinu sem varð fyrst íslenskra hótela til að fá fimm stjörnur. Já föstudagsgesturinn okkar heitir Ólafur Laufdal og við byrjum auðvitað bara á byrjuninni.