Il Tavulin litterar fa viadi en l'Asia. En il center da l'emissiun stattan dus romans ch'èn ambientads en pajais asiatics.Al Tavulin litterar sa scuntran questa giada Bettina Vital, romanista ed amatura da cudeschs, e Claudia Knapp, dunna da cultura e cuntadina d'ulivas.«Cox oder Der Lauf der Zeit» da l'autur austriac Christoph Ransmayr e «Kirschblüten und rote Bohnen» da Durian Sukegawa. Nus giain en China ed en il Giapun ed entupain artisans che vivan lur passiun.A Tokio fa il cuschinunz Sentaro en ses pitschen bistro «dorayakis», omlettas giapunaisas cun ina pasta da fava. Grazia a la dunna veglia Tokue mida el il recept da la pasta e survegn tuttenina puspè tschaffen vi da sia lavur.L'urer inglais Alister Cox construescha uras per l'imperatur da la China. Tut sto esser pussaivel, fin ch'il regent immortal giavischa in di in'ura per l'eternitad.Redacziun e moderaziun: Esther Krättli