Johan van Lill praat met Sonja Engelbrecht, adjunkhoof by Laerskool Simonsberg, oor die uitdagings wat grondslagfase-onderwysers in die klaskamer beleef.

Johan van Lill praat met dr. Jurie Joubert, 'n historikus en onderwyskundige, oor die vak geskiedenis, hoe ons oor die verlede moet dink, en hoe geskiedenis in skole aangebied behoort te word.

Johan van Lill praat met Magriet Groenewald, 'n kenner van sosiale media, oor jy jou leerders slim maak met hulle slimfone. Dis ‘n groot bekommernis dat leerders nie altyd besef wat die impak van die internet en sosiale media op hulle lewe is nie. Wat kan ek as onderwyser hieraan doen?

Johan van Lill praat met Quinton Adams, 'n opvoedkundige sielkundige, oor hoekom werkloosheid onder die jeug steeds so hoog is. Watter rol moet onderwys daarin speel om dit te verbeter?

Johan van Lill praat met proff. Mariette en Roelf Reyneke van die Universiteit van die Vrystaat oor die impak van trauma in skole. Wat is trauma, en hoe behoort dit deel te vorm van die skool se beleid en kultuur? Baie keer dink onderwysers dat as hulle skree en baklei, dan is die leerders still en luister, wat nie die waarheid is nie. Die kinders is dan in vrees , en kan niks inneem.

Johan van Lill met praat Ronel van Dijk, 'n onderwyser by Paarlskool vir neuraal gestremde leerders in Brackenfell, oor hoe die pandemie hulle skool en aktiwiteite beïnvloed het. Sy vertel van die kreatiewe planne wat hulle gemaak het om steeds die beste onderrig moontlik vir hulle leerders te gee.

Johan van Lill praat met Hennie Mentz, ‘n legende in onderwys vir leerders met leerhindernisse en tans skoolhoof van ‘n assisted learning-skool in Durbanville. Ons gesels oor die verskil tussen hoofstroom, LSEN en assisted learning. Laasgenoemde is ‘n inklusiewe model wat steeds as ‘n vorm van hoofstroomonderwys beskou word.

Johan van Lill praat met prof. Mariette Reyneke en prof. Roelf Reyneke van die Universiteit van die Vrystaat oor regstellende of herstellende dissipline waar die fokus nie op straf is nie, maar eerder op wat die invloed van een leerder se gedrag op ‘n ander is. Boelies het dikwels onderliggende probleme wat daartoe lei dat hulle ander kinders boelie, en dit moet ook aangespreek word, want om die boelie te straf help hom nie om sy sosiale probleme op te los nie.

Johan van Lill praat met Juané van der Merwe van Fedsas en prof. Mariette Reyneke van die Universiteit van die Vrystaat oor hoe onderwysers konflik, aanranding en dreigemente in die klaskamer moet hanteer. Wat is die wetlike aspek, veral as leerders video's van voorvalle maak en dit op sosiale media versprei.

Johan van Lill praat met prof. Ignatius Gous oor hoe tradisionele onderwys die konsep van sukses teenoor mislukkig (dat jy of reg of verkeerd is) by leerders gevestig het. Opvoedkundiges is dit eens dat jy uit jou foute moet leer.