Johan van Lill kyk na tegnologie in die klaskamer. Hy loer in by die Hoërskool Hexvallei op De Doorns om te hoor hoe hulle dit maak werk.

Johan van Lill praat met dr. Jannie le Roux, 'n motiveringspesialis, oor hoe onderwysers nie net die leerders nie, maar almal om hulle inspireer. Die meeste van ons onthou 'n besondere onderwyser wat 'n verskil in ons lewe gemaak het.

Johan van Lill kyk na die deurvloei van matrieks na universiteit. Prof. Servaas van der Berg en dr. Hendrik van Broekhuizen, albei ekonome by die Universiteit Stellenbosch, het onlangs gekyk na statistiek oor matrieks en hoeveel van hulle later grade behaal.

Johan van Lill kyk na die vak Geskiedenis en die uitdagings wat daar is met die onderrig van die vak in die toekoms.

Johan van Lill kyk na die vak Geskiedenis en die uitdagings wat daar is met die onderrig van die vak in die toekoms.

Johan van Lill kyk na die befondsing van onderwysprojekte. Skole en onderwysorganisasies het baie keer ekstra geld nodig vir verdienstelike projekte. Francois Viviers, uitvoerende bemarkingsbestuurder by Capitec Bank, verduidelik hoe maatskappye na sulke aansoeke kyk. Dr. Niel le Roux en Nelmarie Kemp van die Stigting vir die Bemagtiging deur Afrikaans verduidelik ook hoe so 'n borgskapaansoek moet lyk, en gee wenke oor watter slaggate om te vermy.

Johan van Lill praat met dr. Jeanette de Klerk-Luttig oor die kommunikasie tussen onderwysers en ouers. En Fanie Kriel, 'n pastorale sielkundige, bespreek die rol van leerlingrade op laerskool.

Johan van Lill gesels met dr. Melodie de Jager, 'n ontwikkelingskenner, oor hoe mens leerders se breine kan “wakker maak” deur beweging, en hulle sodoende gereed kry om makliker aktiwiteite in die klaskamer te verrig.

Johan van Lill praat met Con Koegelenberg van die Weskusskool op Saldanha oor die voordele wat 'n vaardigheidskool vir leerders wat nie-akademiese aangelê is, inhou. Johan gesels ook met die geestesbreier, Gielie Hoffmann.

Johan van Lill praat met prof. Elda de Waal, onderwysregkenner aan die Noordwes-Universiteit se Vaaldriehoek-kampus, oor skoolmeisies wat ontevrede is met die reëls oor haarstyle by 'n paar skole. Wat sê die Skolewet oor haartsylreëls, en wat is die rol wat die gedragskode van 'n skool hierin speel.