Oolfant se potgooi

Hierdie week wil ek praat oor die een ding wat ek sien die meeste tuisskoolma’s pootjie om suksesvol met tuisonderrig te wees.

Dis nie ʼn gebrek aan kennis of vaardigheid nie.

Ook nie aan inligting nie.

Ook nie aan dissipline of wilskrag nie.

Dis eintlik iets waarmee alle mense sukkel. Die uwe inkluis.

Maar laat ek vir jou sê as jy hierdie een ding bemeester gaan tuisonderwys spesifiek en die lewe oor die algemeen vir jou baie, baie makliker raak.

Is jy reg? Dit gaan jou oneindig baie help as jy kan leer om meer geduldig te wees.

·         Hoe leer jy jouself om meer geduldig te wees?

Dis die vraag wat ek hierdie week in die potgooi vir jou beantwoord.

·         En hoekom sal ons al die moeite doen om geduldig te wees?

·         Is geduldig ooit die beste manier om seker te maak mens vorder vinniger?

Ja, ook daardie vrae beantwoord ek vir jou.

My een kursus wat opgestel is met hierdie beginsels van geduldig wees in gedagte is my 30-weke-taalkursus 15-Minuut-Afrikaans. Elke weeksdag werk die kinders met ʼn enkele storiesin op ʼn slag. Hulle leer woordsoorte daarin identifiseer, hulle gebruik die sinnetjie vir afskryf en woordeskat en spelling. Dis min werk, maar die feit dat mens dit elke dag doen lewer uiteindelik wonderlike resultate.

Dit sluit mooi aan by my eie leuse wat ek so graag vir jou herhaal: bietjie werk + elke dag = reuseresultate.

Ilse van Jaarsveld skryf só oor 15-Minuut-Afrikaans: “My seun (11) se redenasievermoë het verbeter en selfs sy probleemoplossingsvaardigheid. Hy het eers moedeloos geword met woordsoorte soek, maar soos hy gevorder het, het dit pret geword en dit was amper soos wegkruipertjie speel.”

En hier is Anelle Burger se terugvoering: “Ek was aan die begin huiwerig, want vir Engels gebruik ons 'n program wat baie sterk op grammar fokus. Maar ek staan nou verstom. My kind se begrip, spel en identifiseer van woordsoorte het merkbaar verbeter.

“Die kort lesse pas hom ook. Dit het vir my na te min gevoel, maar ek is verkeerd bewys.

“Ons is nou net oor halfpad en ek is sommer al hartseer dat die program nie langer is nie.”

Ek hoop hierdie potgooi-episode help jou sommer baie om meer geduld aan die dag te lê. Nes ek hoop ʼn kursus soos 15-Minuut-Afrikaans gee vir jou genoeg steierwerk om Afrikaanse taalleer moeiteloos en met vreugde aan te pak.

Klik hier as jy na 15-Minuut-Afrikaans wil gaan kyk.

ʼn Jong Afrikaanse vriendin wat ek hier in Amerika het, het nou die dag die oulikste ding denkbaar met haar sesjarige seuntjie gedoen. Ek wil dit graag met jou deel, want ek dink wat sy gedoen het, was briljant en kan enige ma help.

Sy het twee woelige seuntjies. Sulke blondekoppies wat nooit vir ʼn oomblik stilsit nie. Die ouer boetie is nou ses en hy teken verskriklik goed. Die jonger enetjie is vier en hy is net so lief vir teken soos ouboet, maar sy vaardigheid is nog nie daar nie.

Op ʼn braai met ʼn paar Suid-Afrikaanse vriende sit die ouer outjie en teken. Jonger boet hardloop rond met sy vetkryt en soek na ʼn plek waar hy ook kan teken. Al wat hy in die hande kry is ouboet se spesiale tekenboek en entoesiasties begin hy daarin krap.

Ouboet ontplof en is op die punt om vir Kleinboet aan te rand oor die skade wat hy aangerig het, toe sy Ma hom aan die skouers vat, reg in die oë kyk en die belangrikste sinnetjie sê wat ons vir ons kinders kan sê.

In hierdie week episode praat ek oor daardie sinnetjie en ook die vyf maniere waarop ons ons kinders met hulle emosies kan help.

In my skryfkursus Sinne wat sing verwys ek ook na die vier groot kategorieë waarin ons emosies kan verdeel:

·         Mad

·         Bad

·         Sad

·         Glad

Een van die groot voordele van stories is juis dat dit ons help om ander mense en onsself beter te kan verstaan.

Dis wat Christelle Nel oor die kursus te sê het:

“Ons het vreeslik baie pret met jou kursusse. 

“Die hele jaar wat ons al die Sinne wat Sing doen, sien ek hoe my seun eers gesukkel het, en ewe skielik lyk dit vir my of hy snap wat hy moet doen.  Ek help ook eers, maar hy moet dan sy eie woorde soek en mag nie myne gebruik nie. 

“Dit begin nou vir hom maklik raak en ek sien die liggie het aangegaan.  My hart pomp sommer tjoklits daaroor. 

“Baie dankie dat jy hierdie kursusse gemaak het.”

Sinne wat sing behandel bykans 30 skryftegnieke met jou kinders aan die hand van oulike stories wat die kinders moet verbeter.

Klik HIER om na Sinne wat sing te gaan kyk.

Hierdie week in die potgooi praat ek met tuisskoolma, Stephané Burger oor die Amerikaanse hoërskooldiploma as ʼn matriekopsie vir SA tuisskolers.

Daar was ʼn paar heerlike verrassings wat in die onderhoud opgeduik het.

Soos dat ʼn tuisgeskoolde kind wat die Amerikaanse hoërskooldiploma verwerf het, toelating gekry het vir Veeartsenykunde by die Universiteit van Pretoria, een van die studierigtings met baie streng keuringsvereistes.

Afrikaans as ʼn byvak was nog altyd ʼn taamlike maklike opsie hier. Stephané is juis besig om die kurrikulum wat sy vir haar eie seun (nou in graad elf) opgestel het te verwerk om dit aan ander tuisskolers beskikbaar te stel.

Maar mens kan selfs ʼn stappie verder gaan en Afrikaans as voertaal vir jou kind se hoërskooldiploma gebruik.

Sy verduidelik ook presies wat jou kind sal moet doen om wel universiteitsvrystelling te kry as julle hierdie pad inslaan.

Soos wat Stephané dit so netjies opsom, die Amerikaanse hoërskooldiploma is nie noodwendig ʼn maklike roete na matriek nie, maar dit is beslis een wat baie vryheid bied.

Kry hier meer inligting oor die dienste wat Stephané aanbied:

Of stuur vir haar ʼn e-pos by:

[email protected]

Hierdie week deel ek graag weer met jou die raad wat ek vir ʼn moedelose tuisskoolma gegee het. Sy het gekla dat sy sukkel om ʼn tuisskoolroetine te vestig.

As ek so na die e-posse kyk wat by my opdaag weet ek sy is nie die enigste een wat probleme daarmee het nie. Daarom het ek gedink om dit met almal te deel. Miskien is jou situasie nie presies dieselfde as hierdie tuisskoolma sʼn nie, maar jy sal wel sekere idees kan gebruik.

Ek het veral twee voorstelle gemaak wat sy kan doen om die probleem vir haarself op te los.

1.       Maak lysies van dinge wat positief is en wat wel werk

2.       Pasop vir twee denkfoute wat ons almal maak

Dit was vir my baie lekker om hierdie spesifieke episode saam te stel en op te neem omdat dit so propvol praktiese raad is.

Gaan loer gerus ook na my aanlyn kursus oor tuisonderwys:

KLIK HIER om na 21 dae na sukses as tuisskoolma te gaan kyk.

“Intelligensie bepaal maar 15% van jou kind se uiteindelike lewensukses,” sê veteraantuisskoolma en leefgids Lindi Potgieter.

So baie keer fokus ons as tuisskolers meestal op akademiese mylpale vir ons kinders en skeep soms hulle emosionele intelligensie af.

In hierdie potgooiepisode praat Lindi hoe jy self jou kind se leefgids of “life coach” kan word.

Sy haal ʼn paar interessante sienings op oor wat sy die “coach approach” tot ouerskap noem. Soos byvoorbeeld hoe belangrik kommunikasie is. Dit sluit natuurlik luister in, maar ook die kuns om die regte vraag op die regte tyd vir jou kind te kan vra.

Hierdie week is ek baie opgewonde om groot nuus met jou te deel. My dogter, Annamaria het ʼn internskap losgestaan by die bekende animasie-ateljee Pixar.

Maklik was dit nie aldag nie. Hier teen die middel van haar opleidingstyd was Annamaria so moedeloos en oortuig dat sy nie goed genoeg is nie. Dit was ongelooflik om te sien hoe sy haarself afgerig het om haar kop reg te kry. Sy moes bly uitsorteer wat sy moet doen om haar vaardigheidsvlak te verbeter. Een van die moeilikste dinge wat sy byvoorbeeld moes doen is om haar doelbewuste blootstelling aan kritiek meer te maak.

Ek hoop van harte die onderhoud wat ek met haar gevoer het, gaan jou en jou kinders inspireer om deur te druk en aan te hou op pad na julle drome.

Hier is meer inligting oor van die animasieskole en gratis sagteware waarvan ons gepraat het.

https://www.animationmentor.com/

https://www.theanimcourse.com/

https://www.blender.org/

En hier is die video oor die twaalf beginsels van animasie:

Vir meer inligting

Hierdie week is ek baie opgewonde om groot nuus met jou te deel. My dogter, Annamaria het ʼn internskap losgestaan by die bekende animasie-ateljee Pixar.

Maklik was dit nie aldag nie. Hier teen die middel van haar opleidingstyd was Annamaria so moedeloos en oortuig dat sy nie goed genoeg is nie. Dit was ongelooflik om te sien hoe sy haarself afgerig het om haar kop reg te kry. Sy moes bly uitsorteer wat sy moet doen om haar vaardigheidsvlak te verbeter. Een van die moeilikste dinge wat sy byvoorbeeld moes doen is om haar doelbewuste blootstelling aan kritiek meer te maak.

Ek hoop van harte die onderhoud wat ek met haar gevoer het, gaan jou en jou kinders inspireer om deur te druk en aan te hou op pad na julle drome.

Hier is meer inligting oor van die animasieskole en gratis sagteware waarvan ons gepraat het.

https://www.animationmentor.com/

https://www.theanimcourse.com/

https://www.blender.org/

En hier is die video oor die twaalf beginsels van animasie:

Vir meer inligting

Hierdie week wil ek vir jou nog idees en insigte oor terugvertelling deel.

Dalk wonder jy hoekom ek so opgepluk is met terugvertel. Laat ek gou vir jou ʼn paar van die voordele noem.

1. As mens praat oor die opvoedkundige voordele daarvan, gaan al die liggies aan wat ons weet van hoe ons kinders se breine werk, hoe leer plaasvind en hoe hulle ʼn kennissisteem vir hulleself bou. Terugvertel kry regmerkie op regmerkie.

2. Dis ʼn aktiwiteit wat heeltemal gratis en verniet is. Ek weet baie mense trek op die oomblik finansieel swaar en ek wil graag vir jou ʼn tuisskoolaktiwiteit gee wat nie net baie, baie effektief is nie, maar ook uiters bekostigbaar. Al wat jy moet doen, is om jou kinders net aan die praat te kry

3. Om met jou kinders te gesels, en om hulle sover te kry om hulle gedagtes met jou te deel, is baie aangenaam. En dis ʼn wonderlike manier om jou band en verhouding met jou kinders te versterk.

Vir hierdie episode oor terugvertelling gaan steek ons kers op spraak- en taalterapeut Hannekie Verwoerd. Wat Hannekie se raad so waardevol maak, is dat sy self tuisskoolma is en vyf kinders het, behalwe vir die feit dat sy ook ʼn florerende spraakterapeutpraktyk bedryf.

Sy het verder ʼn baie meer analitiese benadering tot terugvertel as wat ek het en wat ek in die vorige potgooi met jou gedeel het. Maar dit gee vir jou ʼn ander perspektief, ekstra invalshoeke om dit aan te pak.

Hannekie se wenke kom uit ʼn onderhoud wat ek so twee jaar gelede met haar gevoer het. Die inligting daarin is net te goed om dit nie weer ʼn keer met jou te deel nie.

As jy, soos ek, glo dat tuisonderwys baie makliker en baie lekkerder as skool kan wees EN boonop baie beter resultate as skool moet oplewer, gaan kyk gerus na die oolfant se e-kursusse: https://oolfant.com/kursusse

Een van die sleutels waarmee Charlotte Mason reken kinders toekomsdeure vir hulself oopsluit is deur terug te vertel van wat hulle so pas gelees of geleer het. As kinders terugvertel druk hulle in hulle eie woorde uit wat hulle ingeneem en verstaan het. Terugvertel laat jou kinders beter onthou en beter begryp. Boonop leer hulle so om hulle gedagtes te orden. Terugvertel is ʼn kragtige pyl in jou tuisskoolkoker. 

In hierdie episode hoor jy van ʼn hele klomp wenke en idees wat jy kan gebruik om terugvertel makliker deel van julle tuisskooldag te kan maak.

Vir meer inligting

Is jy lus om jou kinders se onderwys heeltemal anders aan te pak as wat jy op skool gedoen het? Kom ek stel jou dan voor aan iemand wat onderwyswêreld van haar tyd se aannames en gebruike omgekeer het. Haar naam was Charlotte Mason. 

In hierdie potgooiepisode stel laat ek jou kennis maak met haar bekendste idees. Mag dit vir jou hope inspirasie bied.

Skryf hier in vir oolfant se gratis aanlyn kursus oor tuisonderwys:

https://tuisskool-in-afrikaans.teachable.com/p/gratis-verniet

En hier is skakels na van die ander hulpbronne waarna ek verwys:

https://www.luistervinkstories.co.za/

https://www.south-african-homeschool-curriculum.com/voetspore

https://stacey135.wixsite.com/edusensefunschool/

https://lomi.co.za/sommer-pret/

Vir meer inligting