Oolfant se potgooi

Vandag wil ek met jou praat oor die vraag hoekom ons sekere dinge vir ons kinders leer. As ma’s eers besef hulle kan vir hulle kinders leer net wat hulle wil, is dit interessant dat hulle hul begin afvra, maar wat is die nut van sekere kennis. Is dit ooit nodig? Een ma het haarself afgevra wat is die nut van leer oor woordsoorte soos naamwoorde en werkwoorde.

Kry binne-in hierdie gratis kursus toegang tot die twee gratis lesse van 15-Minuut-Afrikaans:

https://tuisskool-in-afrikaans.teachable.com/p/gratis-verniet

En as jy gereed is om te gaan inskryf vir 15-Minuut-Afrikaans, doen dit hier:

https://tuisskool-in-afrikaans.teachable.com/p/15-minuut-afrikaans

Tuisonderwys het 5 ooreenkomste met 'n vliegtuigrit. Dit gaan jou help om ʼn duidelike prentjie in jou kop te kry waaraan jy kan dink as jy weer begin twyfel oor jou sukses met tuisonderrig.

Hier is die vyf punte:

1. Hou kontak met die toring

2. Dien ʼn vlugplan in

3. ʼn Vliegtuig het net twee dinge nodig om aan te hou vlieg

4. ʼn Vliegtuig is 90% van die tyd van koers af

5. Sit eerste jou eie suurstofmasker op

Hier is die YouTube video waarna ek verwys:

https://youtu.be/ph2QajNj6VA

En hier is die artikel oor die matriekopsies:

https://oolfant.com/matriek-vir-tuisskolers/

Stel jy belang in 21 dae na sukses as tuisskoolma? Meer inligting hier:

https://tuisskool-in-afrikaans.teachable.com/p/21-dae-na-sukses-as-tuisskoolma/

Ek wil vandag graag met jou praat oor die belangrikheid om jou kinders goed te leer skryf. 

Al hoe meer mense begin besef dat om hulle vlot op papier te kan uitdruk belangriker is as om eindelose sinne van lydend na bedrywend te verander. Of om lyste en lyste idiome en verkleinwoorde uit hulle koppe te leer.

Vir verreweg die meeste mense is al die soorte bywoorde wat mens kry by die een oor in en die ander een uit. Maar hulle sal waarskynlik vir die res van hulle beroepslewe moet onthou hoe struktureer mens ’n stuk skryfwerk.

As jy jou kind vra om oor enigiets te skryf, is hy of sy verplig om hulle gedagtes te orden. Hulle moet feite en idees met mekaar in verband bring. Hulle moet die logiese gate in hulle argumente raaksien.

Dis gesofistikeerde take, maar dis uitstekende take. Skryf leer jou kind dink, maar in die proses van skryf leer jou kind ook om inligting te verwerk en regtig sy of haar eie te maak.

Gee vir jou kinders die voorsprong dat hulle so skryf dat ander mense inderdaad wil lees wat hulle geskryf het.

In hierdie episode gee ek vir jou 7 wenke oor leer skryf gee wat jy by 5 ander tuisskoolma’s kan leer. 

Vir meer inligting oor die 3-in-1-Afrikaans pakket, klik op hierdie skakel:

tuisskool-in-afrikaans.teachable.com/p/3-in-1-afrikaans-verstek

Die Leer Lees met Tippie reeks is sommer baie gewild onder tuisskolers. Daarom is dit vir my ʼn groot voorreg om hierdie week met Reinette Lombard te gesels, een van die “ma’s” van Tippie. Die ander “ma” is Reinette se eie ma, José Palmer.

Ek was baie bly om te hoor die Tippie boekies het glad nie ʼn graadfokus nie. Dit maak dit natuurlik ook baie maklik vir tweedetaalsprekers om Afrikaans deur Tippie te leer.

Reinette, die remediërende terapeut, en José, die skryfster, benader lees op ʼn eklektiese manier. Hulle glo dus kinders leer die beste as hulle foneties leer lees, maar hulle benut ook sigwoorde om die hele proses makliker te maak. 

Lekker luister na al Reinette se raad en wenke oor leer lees.

Vir meer inligting oor Tippie, besoek gerus hierdie Facebookblad: https://www.facebook.com/learntoreadtippie

Of hierdie YouTube kanaal:
 https://www.youtube.com/channel/UCMm1w-aHyTPze81kvA2Itcw

Vandag wil ek vir jou vertel van ʼn oulike aktiwiteit wat jy met jou kinders kan doen. Die aktiwiteit pas my fyn want hy kry sommer ʼn klomp regmerkies.

Dit gaan jou niks kos nie.

En dit vat nie baie tyd nie. 

Verder bied dit hope pret. 

Maar amper die belangrikste: hierdie aktiwiteit het geweldige groot voordele met baie leer wat vir jou kinders kan plaasvind.

Lekker luister. 

In hierdie episode gesels ek oor ʼn paar e-posse wat ek en ʼn tuisskoolma onlangs vir mekaar geskryf het. Uit hierdie korrespondensie kan jy vyf lesse leer wat tuisonderwys baie makliker vir jou kan maak.

1.       Maak jou emosies los van jou kind se prestasie

2.       Hou rekening met jou kind se ouderdom

3.       Jou kind se houding teenoor leer is van kardinale belang

4.       Vergeet die ewige getoetsery

5.       Speeltyd is groeityd

Skryf hier in vir gratis aanlyn kursus waarvan ek praat: https://tuisskool-in-afrikaans.teachable.com/p/gratis-verniet

Vandag praat ons oor woorde en woordspeletjies. Sanet du Toit van Pretoria is my gas. Ek en Sanet het in 2017 kennis gemaak toe sy my vertel het van die teëltjies vir ʼn woordboubordspeletjie wat sy maak. 

Verlede jaar het alles vir haar verander toe 'n SA bordspeletjievervaardiger haar genader het om ʼn volwaardige bordspeletjie te begin ontwikkel. 

Ons gesels oor speletjies en entrepreneurskap. En hoekom tuisskolers so lief is vir bordspeletjies.

Meer inligting hier:

https://www.facebook.com/TelJouWoorde

https://www.spoetnik.co.za/african-safari

In hierdie week se potgooi-episode gesels ek en Janet Kieswetter land en sand oor hoe om jou kinders te leer lees. Janet is ʼn tuisskoolma met vyf meisiekinders. Sy het (of is besig) om hulle al vyf met sukses te leer lees. En sy het oulike, kreatiewe planne wat dinge vir jou makliker kan maak.

Vind hier meer uit oor Janet se produkte: https://kieswetterklaskamer.wordpress.com/

Hierdie week op die oolfant potgooi praat ek met tuisskoolma, Hannekie Verwoerd. Sy is ook ʼn bedrewe en begeesterde taal- en spraakterapeut. As ons twee praat, raak ons altyd ʼn bietjie meegevoer oor Afrikaanse boeke. So, wees gewaarsku.

Hannekie verduidelik in hierdie onderhoud van ʼn nuwe voordeel van voorlees waaraan sy onlangs gedink het.

Daar is nie net een regte manier om te tuisskool nie.  Daar is baie van hulle. Die belangrike is dat jy jou eie roete vind.