ORF Roma Podcast

Ando Burgenland akan jek dokumentacijonakero film pedar o dschivipe la flogoskera grupnatar le Romendar kerdo ol. Telal o vodinipe le austritike filmiskere keraschistar Norbert Blecha taj le Hollywood reschiseristar Robert Dornhelm, i historija le burgenlanditike Romendar andi cajt le 1930kere berschendar dschi adi, aun dikli te ol. Amen pedar o erschti keripeskero di andi poschani hef ande Oslip phukavas.

Ande amari adiveseskeri sendung o Leon Berger amaro kherodaschi hi. Ov phukal pedar leskero tschavoripe, pedar leskero naschikeripe andar i Eks-Jugoslavija, pedar leskero kamipe usi muschika taj sar leskero dschivipe adi ar dischol.

Ando lejcti bersch i Austrija le 2te august, o internacijonali Romengero taj Sintijengero holocaustiskero-gondolipeskero di, te ojs nacijonali gondolipeskero di and vodintscha. Tschak tschule Roma taj Sinti o holocaust prik dschivde. Sajt o lejcti bersch te i oficijeli Austrija upro but terdschijiptscha pal gondolinel. Adabersch Betschiste taj ande Lackenbach gondolipeskere mulatintschage dija.

Ande amari adiveseskeri sendung ando 4to august, o thaneskero rot Leonhard Schneemann amaro kherodaschi hi. Ov vakerel amenca pedar o nevo flogoskero grupnengero kher Erbate, pedar o schajiptscha la politikatar, le flogoskere grupnenge te pomoschinel ham te pedar i diskriminacija taj sar odolake schaj talalines.

Ande amari adiveseskeri sendung ando 28to juli 2025, i 43-berschengeri Romni Marie-Bernadette Franz amari kherodaschkija hi. Oj Tenu Erbate lakere trin phralenca ande jek latscho dajengero taj dadengero kher upre bartschini. Lake mindig barikano sina te siklol, kaj lakere sune taj lakere kivaniptscha tschatsche te on.

Ande amari adiveseskeri sendung i terni Romni Sarah-Gärtner-Horvath amari kherodaschkija hi. I 22-berschengeri meschterkijengeri schtudentkija i tschaj le flogoskere grupnengere bajrotiskere anglebeschaschistar Emmerich Gärtner-Horvath hi taj oj imar ojs tikni tschaj ando flogoskero grupnengero dschivipe le Romendar, afka sar use mulatintschage taj mindenfelitike talaliniptscha, use sina.

Ande amari adiveseskeri sendung o terno Adi Gussak amaro kherodaschi hi. Ov phukal pedar leskero tschavoripe, pedar leskeri ischkolakeri cait taj so leske sina taj adi meg hi, ojs Romengero tschau upre te bartschol. Na dur pal, o adi 19-berschengero, pri matura kisetintscha.

Ande amaro sendungakero redo „Naschade Romengere sidlungtscha le Burgenlandistar“ akan le gaveha Langental donde amen bescharas. Agun odoj 24 Romengere familiji dschivnahi. On ando gaveskere khera le thaneskere butschaschtschendar dschivnahi taj ando khetanipe anphandle sina. O reporteri Adi Gussak upro jomakero rodipe pe kerel, te dikel, so andar odola manuscha ulo.

Ande amari sendung ando 30to juni 2025, i Sintizza Christine Tweraser amari kherodaschkija hi. Oj phukal pedar lakere terdschijiptscha, savi oj ojs ladimi Sinti-tschaj terdschivtscha. I adi 69-berschengeri ando foro Linz upre bartschini, la jek tschau hi taj jek enkelkija.

O linajiskere nugodinitpscha imar te astarel hi. Harangosinel o ischkolakero harango akan o lejctivar, o ratschaskero uschtavipe, o ischkolakere butja taj o ischkolakere kenvi gejng o khameskero thabojipe, dugo sojipe taj but naphandli cajt parudo ol.