Sauts cun schlantsch che procuran per buna atmosfera.

Musica populara era oriundamain la musica per far festa e per ballar. Perquai èn blers tocs plain schlantsch e rassa e mintgatant er cun chant. En La populara dad oz udis sauts da quest gener, plain rassa e schlantsch. Tocs sco: «Dr Toni spielt Schwyzerörgeli», «Für da Neni zum Abschied», «En urchige Bündnerwalzer» ubain il «Gürgaletsch-Schottisch». Quels tocs vegnan interpretads dal Trio Duranand, dal Schwyzerörgeli Trio Kurt Schmid, da Josias Jenny e Ueli Mooser, dal Trio Sunneberg, ils Bündner Spitzbueba ed autras chapellas che fan musica che procura per buna luna.