இயேசு அவனைக் கண்டு “சகேயுவே, நீ சீக்கிரமாய் இறங்கி வா, இன்றைக்கு நான் உன் வீட்டில் தங்க வேண்டும்” என்றார்.  லூக்கா 19:5

இயேசுவே, நான் பாவத்தினால் தொலைந்திருந்தபோது என்னைத் தேடி வந்து குழப்பமான வாழ்க்கையிலிருந்து என்னை மீட்டெடுத்ததற்காக நன்றி.

நீ அவர்களுக்குப் பயப்படவேண்டாம்; உன்னைக் காக்கும்படிக்கு நான் உன்னுடனே இருக்கிறேன்” என்று கர்த்தர் சொல்லுகிறார்.  எரேமியா 1:8

இயேசுவே, எந்தப் புயலைப் பார்க்கிலும் நீர் வல்லமையுள்ளவர். இப்போது நான் எதிர்கொள்ளும் பிரச்சனையில் என்னை நடத்தும்.

இரட்சிக்கப்படுகிறவர்களுக்குள்ளேயும், கெட்டுப்போகிறவர்களுக்குள்ளேயும், நாங்கள் தேவனுக்குக் கிறிஸ்துவின் நற்கந்தமாயிருக்கிறோம்.  2 கொரிந்தியர் 2:15

பரிசுத்த ஆவியானவரே, மற்றவர்களிடத்தில் அன்பு, சாந்தம் மற்றும் இரக்கத்தைக் காட்ட என்னை நிரப்பும்.

இதோ நான் புதிய காரியத்தைச் செய்கிறேன். ஏசாயா 43:19

கிருபையுள்ள தேவனே, என்னுடைய வாழ்க்கையில் ஒரு புதிய கண்ணோட்டத்தை உமக்குள் அளித்ததற்காக நன்றி. உம்மோடு நடக்க புதிய வழிகளைப் பார்க்க என்னுடைய கண்களைப் புதுப்பியும்.

கர்த்தர் உனக்கு இரங்கி, உனக்குச் செய்தவைகளையெல்லாம் அவர்களுக்கு அறிவி.  மாற்கு 5:19

அழகான இரட்சகரே, உம்முடைய அற்புதமான வல்லமைக்காக உம்மைத் துதிக்கிறேன். எந்த இருளும் உமக்கு எதிராக நிற்க முடியாது. இன்று உம்முடைய வெளிச்சத்தில் நடக்க உதவி செய்யும்.

நாங்கள் களிமண்; நீர் எங்களை உருவாக்குகிறவர், நாங்கள் அனைவரும் உமது கரத்தின் கிரியை. ஏசாயா 64:8

பிதாவே, நான் உம்முடைய குமாரன் இயேசுவைப் போல மாற, நீர் என்ளை இரட்சித்து, உருமாற்றியதற்காக நன்றி. என்னை உருமாற்ற உம்முடைய பரிசுத்த ஆவியானவரின் கிரியைக்கு ஒப்புக்கொடுக்க கற்றுத்தாரும்.

இயேசுவும் தம்முடைய சொந்த இரத்தத்தினாலே ஜனத்தைப் பரிசுத்தஞ்செய்யும்படியாக நகர வாசலுக்குப் புறம்பே பாடுபட்டார்.  எபிரெயர் 13:12

இயேசுவே, நீர் பட்சபாதமில்லாதவராகையால் உமக்கு நன்றி. எனக்காக நீர் பாளயத்துக்குப் புறம்பே சென்றதற்காக நன்றி.

கர்த்தருடைய வேதத்தில் பிரியமாயிருந்து, இரவும் பகலும் அவருடைய வேதத்தில் தியானமாயிருக்கிற மனுஷன் பாக்கியவான்.  சங்கீதம் 1:2

தேவனே, வேதத்தை ஜீவனுள்ள பத்திரமாக அனுபவிக்க எனக்கு உதவி செய்யும்.

ஆகையால் ஒரே மீறுதலினாலே எல்லா மனுஷருக்கும் ஆக்கினைக்கு ஏதுவான தீர்ப்பு உண்டானது போல, ஒரே நீதியினாலே எல்லா மனுஷருக்கும் ஜீவனை அளிக்கும் நீதிக்கு ஏதுவான தீர்ப்பு உண்டாயிற்று.  ரோமர் 5:18

தேவனே, இயேசுவின் மூலம் நீர் கொடுத்த இரட்சிப்புக்காகவும் நித்திய ஜீவனுக்காகவும் நன்றி. உம்முடைய இரட்சிப்பின் வழிகளை அநேகருக்கு வெளிப்படுத்த உதவி செய்யும்.

அதின் (ஞானம்) வழிகள் இனிதான வழிகள்.  நீதிமொழிகள் 3:17

அன்புள்ள தேவனே, நான் கடினமான பாதைகளில் நடக்கும்போது, என்னை உம்முடைய ஞானம் மற்றும் மகிழ்ச்சியின் பாதையில் நடத்தும்.