पालवांचे ठसे

आयुष्यातील तुमचा जोडीदार कोण?

Welcome in कासा Wellness

गैरसमजातून बरीच नाती तुटतात. आपल्या जवळच्यांना सांगा.

'गैरसमज'

गैरसमज नखाएवढा,

होतो नको एवढा.

मनामध्ये शंकेचा कल्लोळ अन विचारांचा काहूर,

काळजा जवळच्या जिवाभावाला, क्षणातचं करतो दूर.

संपवून टाकतो विश्वास, जपलेला जो आयुष्यभर,

विचारही करत नाही कि तो का जपला मग आजवर.

का हा समज नाही, कि हा गैरसमज गैर आहे.

अन त्याचं होणं, हे समजुतीचंच एक वैर आहे.

ना कोणते प्रमाण आहे, ना ही याला काही बूड आहे,

आपुल्या आपुलकीला, अगतिकतेचा हा तर सूड आहे.

काळजाचा घाव, असा कसा सोसावा,

म्हणूनच तर तुझ्यामाझ्यात, हा कधीच नसावा.

जीवनाच्या प्रत्येक वळणावर एक नवीन सत्य समोर येते. अगदी अनपेक्षित जसा आपण विचारही नाही करु शकत.

सत्य असत्य अगणित आहे त्याचा हिशोब करणं कठीण आहे.

आभासी, कल्पनेच्या दुनियेत जगत असताना आपण हे मात्र विसरता कामा नये की आत्म्यास ठेच लागेल असे सत्यही नको आणि असत्य ही नको.

आत्मा सत्य आहे आणि सत्य अमर आहे.

हे भलते अवघड असते, कुणी प्रचंड आवडणारे ते दूर दूर जाताना...

Lockdown मे हम क्या क्या कर सकते हैं? ये बताया है.

इथे मी म्हणजे मी नाही. कोणत्यातरी एका वाक्याला तुम्हीही relate नक्कीच करू शकाल.

माझे निस्वार्थी मित्र जे मला सदैव साथ देतात.

माझ्या प्रत्येक सुख दुःखात सदैव माझ्या सोबत असतात,

मला अभिमान आणि गर्व वाटणारा माझा विजय तेच साजरा करतात,

माझ्या अयशस्वी संघर्षात मनाला झालेल्या असह्य जखमा तेच भरतात,

मनामधील कल्लोळ शांत करतात आणि एकटेपणाच्या शांततेत कल्लोळ करतात,

मला मंत्रमुग्ध करतात आणि ओढ लावतात, आई सारखे प्रेमळ आहेत, बाबांसारखे आधार देतात, ताईसारखे प्रोत्साहित करतात, मित्रांसारखे सोबत देतात आणि माझ्या स्वप्नातल्या परी इतके सुंदर आहेत.

धावपळीच्या जगात त्यांच्या कवेतच मी काही क्षण विसावतो.

जिज्ञासेने मग मी स्वतःलाही विसरतो. त्यांच्यासारखे असावे सर्वांनी असेच वाटते.

ना अपेक्षा, ना उपेक्षा, ना स्पर्धा, ना कुछ कम ना कुछ ज्यादा....

वंदन करतो त्या निर्मात्याला ज्यांनी त्यांना निर्माण केले.

त्यांनीच आईची आठवण होते, त्यांनीच प्रेमाची साठवण होते.

माझं प्रेम, माझं स्वप्न, माझं हसणं, माझं रडणं, माझं रुसणं, माझ्या भावना, माझ्या यातना, माझ्या कल्पना ...... तेच व्यक्त करतात. असे माझे मित्र 'शब्द'. जेव्हा मी असतो स्तब्ध तेव्हा बोलतात ते फक्त शब्द. धन्यवाद 🙏