Musica enavant marsch – uschia tuna quai la proxima fin d'emna a Val cura che las musicas sa mettan en concurrenza da marschar.

En l'instrumentala dad oz faschain nus gust sin la festa da musica districtuala a Val. Nus tadlain ina selecziun da marschs che las musicas participantas vegnan a sunar a la concurrenza da marschar ma era anc blers auters marschs ch'ins auda adina puspè tar concurrenzas da marschar. D'udir èn enconuschents marschs sco «Schwyzer Soldaten» il «Bundesrat Gnägi-Marsch» ubain il «San Carlo». Sper blers marschs da cumponists svizzers tadlain era in u l'auter marsch da cumponists internaziunals sco William Rimmer u era Kenneth J. Alford.