Mabuting Balita l Pebrero 23, 2023 – Huwebes

Pagkaraan ng Miyerkules ng Abo

Ebanghelyo: Luke 9:22-25

Sinabi ni Hesus sa kanyang mga alagad: “Kailangang magtiis ng marami ang Anak ng Tao. Itatakwil nga siya ng mga Matatanda ng bayan, ng mga Punong-pari at ng mga guro ng Batas. Papatayin siya at muling babangon sa ikatlong-araw. Kung may gustong sumunod sa akin, itakwil ang kanyang sarili at kunin ang kanyang krus araw-araw para sumunod sa akin. Sapagkat ang naghahangad na magligtas ng kanyang sarili ay mawawalan nito, at ang mawawalan nito alang-alang sa akin ay siyang makapagliligtas nito. Ano ang pakinabang ng tao tubuin man niya ang buong daigdig at mawawala naman o mapapahamak ang kanyang sarili?”

Pagninilay:

What is the purpose of my life? What is the purpose of your life? Ano nga ba ang kahulugan ng aking buhay, tanong ko sa aking sarili. Ano ang kahulugan ng inyong buhay? Mga kapanalig, mga kapanalig naming OFW, lalo na ang mga kababayan nating OFWs na maaaring naghihirap sa kanilang trabaho… Bakit natin tinitiis ang lahat? Sa ating mabuting Balita ngayon, tuwirang sinabi ni Hesus sa kanyang nga alagad: “Ang Anak ng Tao’y dapat magtiis ng maraming hirap. Itatakwil Siya ng matatanda ng bayan, ng mga punong saserdote at ng mga eskriba”. Dito, ipinakikita na sa atin ni Hesus kung ano ang kahulugan ng kanyang buhay. Maghihirap Siya, dudustain, pagtatawanan at ang paghihirap niya’y hahantong sa kamatayan; ano ang kapalit? Ano ang kahulugan? Para sa ikapag-papatawad ng ating mga kasalanan. Kapalit ng Kanyang kamatayan, ang ating kaligtasan. Hindi natakot si Hesus na harapin ang pagdurusa at kamatayan, dahil sa pag- ibig Niya sa atin. Batid ni Hesus na ang lahat ng kanyang ginagawa ay pagtugon sa Banal na kalooban ng Diyos Ama. Kaya mga kapanalig, huwag nating tanggihan o iwasan ang mga Krus ng buhay, dahil sa bisa at lakas ng ating panalangin, at sa panalangin ng mga nagmamahal sa atin, gagaan at makakaya nating dalhin ang mga krus ng buhay. Ang krus ay may vertical position at tumutukoy ito sa ating personal na relasyon sa Diyos. At ang horizontal position naman ay tumutukoy sa relasyon natin sa ating kapwa. Ang krus ay simbolo ng dakilang pag-ibig ng Diyos sa atin. Sa ating pagyakap sa sarili nating krus, niyayakap din natin ang Diyos at kapwa. Sa krus at sa pamamagitan ng krus, naganap ang ating dakilang kaligtasan.

Manalangin tayo: Panginoon salamat po sa lahat ng mga pagsubok at krus ng buhay. Dahil sa pamamagitan nito’y pinatatatag ang aking pananampalataya at pagtitiwala sa Iyo. Amen.

- SR. EDITH LEDDA, FSP

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Ano ang pagkakaiba ng eksorsismo sa mga Sakramento?   

Episode 2 - 40 Tanong at Sagot Tungkol sa Eksorsismo 

Kasama si Fr. Joseph Mendoza, Chief Exorcist - Archdiocese of Lipa 

Author: Iadya Mo Kami at Anak ng Pitong Sala (Paulines Publishing House)  

AVAILABLE ONLINE: 

📲IADYA MO KAMI: https://store.paulines.ph/product/iad... 

📲ANAK NG PITONG SALA: https://store.paulines.ph/product/ana... 

📲IADYA MO KAMI - Lazada: https://www.lazada.com.ph/products/ia... 

📲ANAK NG PITONG SALA - Lazada: https://www.lazada.com.ph/products/an...  #Paulines #DaughtersOfStPaul #PaulinesPublishingHouse #Exorcism

Mabuting Balita l Pebrero 22, 2023 

Miyerkules ng Abo

Ebanghelyo: Mt. 6:1-6,16-18

Sinabi ni Hesus sa kanyang mga alagad: “Mag-ingat na hindi maging pakitantao lamang ang inyong mabubuting gawa. Kung ganito ang gagawin n’yo wala na kayong gantimpala sa inyong Amang nasa Langit. Kaya pag nagbibigay ka ng limos, huwag pahipan ang trumpeta sa unahan gaya ng ginagawa ng mga mapagkunwari sa sinagoga at sa mga daan; gusto nilang mapuri ng mga tao. Sinisiguro ko sa inyo na nagantimpalaan na sila ng husto. Kaya kung ikaw naman ang magbibigay ng limos, huwag ipaalam sa iyong kaliwang kamay ang ginagawa ng iyong kanang kamay; at mananatiling lihim ang iyong paglilimos at ang iyong Amang nakakakita sa mga lihim ang siyang gagantimpala sa iyo. At kung ikaw naman ang mananalangin, pumasok sa iyong silid, isara ang pinto at manalangin sa iyong Ama na kasama mo nang lihim; at ang iyong Ama na nakakakita sa ipinaglilihim ang gagantimpala sa iyo. Kung ikaw naman ang mag-aayuno, maghilamos at ayusin ang sarili sapagkat hindi ka nag-aayuno na pakitantao lamang kundi para sa iyong Amang nakakakita sa lahat. At gagantimpalaan ka ng iyong Amang nakakakita sa lahat ng lihim.”

Pagninilay:

Ngayong Miyerkules ng Abo, ang araw kung kailan minamarkahan ng krus ang ating mga noo upang ipaalala sa atin na tayo’y nabubuhay ng dahil sa pagmamahal at pagpapatawad ng Dios sa pamamagitan ng krus ni Kristo. Mga kapanalig, araw-araw tinatawag tayo ng Panginoon upang tingnan ang ating kasalukuyang kalagayan at kung saan tayo patungo. Magagawa lamang natin ito kung atin ding titingnan ang ating relasyon sa DIYOS at sa ating kapwa -- kung saan tayo nagkasala o nagkulang at kung ano ang dapat nating gawin upang makabalik sa ating paglalakbay patungo sa DIYOS. Ang tanong: Ano nga ba ang dapat nating isabuhay at gawin upang makabalik tayo patungo sa Diyos? Merong tatlong mungkahi sa atin ang ebanghelyo -- paglilimos, panalangin, at pag-aayuno. Ang PAGLILIMOS ay dapat na higit pa sa pagbibigay ng pera sa charitable institutions. Ito ay ang walang pasubaling pagbibigay ng ating mga sarili upang mapabuti at mapaunlad ang ating sarili at ang iba. Ang PANALANGIN ay ang ating pakikipag-ugnayan sa DIYOS. Hindi lamang ito tumutukoy sa mga salitang binibitawan natin, kundi ang ating saloobin tungkol sa DIYOS - ang ating relasyon sa DIYOS. Ang PAG-AAYUNO ay hindi lamang pagbawas ng pagkain o hindi pag kain; ito ay pag-alis ng mga bagay na humahadlang sa ating pagtutok sa DIYOS at sa ating kapwa. Mga kapanalig, ang Kuwaresma ay isang espesyal na panahon ng pagkamatay kasama ni Kristo, at ang pagpatay sa anumang bagay sa atin na hindi nakakatulong upang mas mapalapit sa DIYOS at sa ating kapwa.

FR. XAVIER AMOROSO NG ARCHDIOCESE OF CACERES

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Ano ang Eksorsismo? | Episode 1 - 40 Tanong at Sagot Tungkol sa Eksorsismo

Kasama si Fr. Joseph Mendoza, Chief Exorcist - Archdiocese of Lipa

Author: Iadya Mo Kami at Anak ng Pitong Sala (Paulines Publishing House)

AVAILABLE ONLINE:

📲IADYA MO KAMI: https://store.paulines.ph/product/iadya-mo-kami/

📲ANAK NG PITONG SALA: https://store.paulines.ph/product/anak-ng-pitong-sala/

📲IADYA MO KAMI - Lazada: https://www.lazada.com.ph/products/iadya-mo-kami-mga-panalangin-ng-layko-laban-sa-masamang-espiritu-paulines-publishing-house-

📲ANAK NG PITONG SALA - Lazada: https://www.lazada.com.ph/products/anak-ng-pitong-sala-by-reb-padre-joseph-mendoza-paulines-publishing-house-official

#Paulines #DaughtersOfStPaul #PaulinesPublishingHouse #Exorcism #AshWednesday #Lent

THIS PROGRAM IS ALSO AVAILABLE ON THE FOLLOWING  SOCIAL MEDIA PLATFORMS:

SPOTIFY (with video):

https://open.spotify.com/episode/1WIdY9b1kpJIPg9TQ9vPHI?si=aoSwvFBBR_OnSAbvKIZuQA

GOOGLE PODCAST:

https://podcasts.google.com/feed/aHR0cHM6Ly9hbmNob3IuZm0vcy80MTQ0Zjg3Yy9wb2RjYXN0L3Jzcw/episode/NDA3YjQ2MGUtMjY5Zi00ZWM3LWE2MTgtN2QzYWQwY2NjYTEz?sa=X&ved=0CAUQkfYCahcKEwjQ-_HesKb9AhUAAAAAHQAAAAAQLA

APPLE PODCAST:

https://podcasts.apple.com/ph/podcast/ano-ang-eksorsismo-episode-1-40-tanong-at-sagot-tungkol/id1541735260?i=1000600807850

Anchor FM:

https://spotifyanchor-web.app.link/e/T6ZHi6i2Axb

TIKTOK:

https://www.tiktok.com/@paulinesmultimediaph/video/7202555659542465793?is_from_webapp=1&sender_device=pc&web_id=7094425375039686146

Mabuting Balita l Pebrero 21, 2023 – Martes

Ikapitong Linggo sa Karaniwang Panahon

Ebanghelyo: Mk 9:30-37

Umalis sa bundok si Hesus at ang kanyang mga alagad at nagsimulang dumaan sa Galilea. Gusto niya na walang sinumang makaalam sapagkat tinuturuan niya ang kanyang mga alagad. At sinabi niya sa kanila: “Ibibigay ang Anak ng Tao sa kamay ng mga tao. Papatayin nila siya ngunit pagkapatay nila sa kanya, babangon siya sa ikatlong araw.” Kaya lubha silang nalungkot. Hindi nila ito naintindihan at hindi rin sila nangahas magtanong sa kanya. Pagdating nila sa Capernaum, nang nasa bahay na siya, tinanong niya sila: “Ano ang pinag-uusapan n’yo sa daan?” At hindi sila umimik; pinagtatalunan nga nila sa daan kung sino ang mas una. Kaya naupo siya at pagkatawag sa Labindalawa ay sinabi sa kanila: “Kung may gustong mauna, maging huli siya sa lahat at lingkod ng lahat.” At pagkakuha niya sa isang maliit na bata, pinatayo ito sa gitna nila at inakbayan at saka sinabi sa kanila: “Tinatanggap ako ng sinumang tumatanggap sa isa sa mga batang ito nang dahil sa aking pangalan. At kung may tumatanggap sa akin, tinatanggap din niya ang nagsugo sa akin.”

Pagninilay:

Bukas na ang Miyerkules ng Abo—ang simula ng panahon ng Kuwaresma. Kaya naman akmang-akma ang ipinahihiwatig ni Hesus sa Mabuting Balita. Nalalapit na ang kanyang pagpapakasakit, kamatayan at muling pagkabuhay. Nais ni Hesus na maunawaan ng kanyang mga alagad ang misteryong ito, pero sila’y walang pakialam at naging manhid sa hirap at pasakit na naghihintay kay Hesus. Ito ang pagkakasalungat sa landas ng Panginoon at sa landas ng mundo. Nagpakababa si Hesus, nagkatawang-tao at namatay sa Krus dahil sa kanyang dakilang pag-ibig. Pero, ang pinag-uusapan ng mga alagad sa Mabuting Balita ay ang kataasan o kadakilaan sa mata ng mundo. Mga kapanalig, ang tunay na mahalaga ay hindi yaong itinuturing na mahal sa mata ng mundo, kundi yaong pagmamahal na nagbibigay ng sarili para sa ikabubuti ng iba—iyan ang pagmamahal ni Kristo. Ika nga ni Hesus, “Ano ang mapapakinabangan ng isang tao kung makamtan man niya ang buong sanlibutan at mawala ang kanyang kaluluwa?” Araw-araw tayong nagpupursigi at kumakayod upang makamit ang minimithi nating kayamanan, kasikatan o kapurihan. Nawa’y hindi tayo maging bulag at manhid sa hinagpis at paghihirap ng iba dahil sa ating hangaring makamtan ang kadakilaan ayon sa pamantayan ng mundo.

CL. JOHN ALFRED RABENA

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 20, 2023 – Lunes

Ikapitong Linggo sa Karaniwang Panahon

Ebanghelyo: MARCOS 9:14-29

Pagbalik nina Hesus, Pedro, Jaime, at Juan sa mga alagad, nakita nilang napakaraming tao ang nakapalibot sa kanila at nakikipagtalo naman sa kanila ang mga guro ng Batas namangha ang lahat pagkakita sa kanila at tumakbo sila para batiin siya. Itinanong naman niya sa kanila: “Bakit kayo nakikipagtalo sa mga ito? “At sinagot siya ng isang lalaki mula sa mga tao: “Guro, dinala ko sa iyo ang aking anak na lalaki na inaalihan ng isang piping espiritu at kung hinahagip siya nito inilulugmok siya sa lupa bumubula ang kanyang bibig nagngangalit ang mga ngipin at naninigas, hiningi ko sa iyong mga alagad na palayasin ito subalit hindi po nila kaya. Sumagot si Hesus “mga ligaw na tao kayo gaano pa katagal akong mananatili sa piling ninyo hanggang kailan ako magtitiis sa inyo.Tinanong naman ni Hesus ang ama: “Gaano na katagal ang nangyayari ito sa kanya?” At sumagot ang ama: “Sapul pa sa pagkabata at madalas nga siyang inihahagis sa apoy o sa batis para patayin. Ngunit kung kaya mo, maawa ka sa amin, at pakitulungan kami.” Sinagot siya ni Hesus: “Ano itong 'kung kaya mo'? Lahat ay posible sa sumasampalataya.” at agad na sumigaw ang ama ng bata sa pagsasabing “Sumasampalataya ako subalit tulungan mo ang kaunti kong pananampalataya.” Nakita ni Hesus na nagsisitakbo at lumalapit na ang mga tao kaya iniutos niya sa masamang espiritu: “Pipi at binging espiritu, iniutusan kitang lumabas sa kanya at huwag nang bumalik.” Nagsisigaw ang espiritu at nilugmok sa lupa ang bata bago lumabas. Pagkapasok ni Hesus sa bahay, tinanong siya ng mga alagad ng sarilinan:” “Bakit hindi namin napalayas ang espiritu?” Sinabi ni Hesus sa kanila: “Sa panalangin lamang mapapalayas ang ganitong espiritu.”

Pagninilay:

Dalawang mahahalagang aral ang hatid sa atin ng Mabuting Balita sa araw na ito: Una, ang kapangyarihan ng matatag na pananampalataya; at Ikalawa, ang kahalagahan ng kababaang loob.  Marahil, kaya di napalayas ng mga alagad ang masamang espiritu ay dahil sa “hilaw” pa din ang paniniwala nila sa kanilang kakayahan. Kulang din ang pananampalataya ng ama ng bata. “Conditional” ang samo niya sa Panginoon: “Kung may magagawa po kayo, kami po ay tulungan ninyo.” Kaya’t sumagot ang Panginoon: “Mangyayari ang lahat sa sino mang may pananampalataya.” Ang himala ay naganap lamang nang binigkas ng ama” Naniniwala po ako. Tulungan Mo pa kong madagdagan pa ang aking paniniwala.”  Mga kapanalig, walang panalangin ng magulang para sa ikabubuti ng kanilang anak ang di pakikinggan ng Panginoon. Kailangan lang na buo at matatag ang ating pananampalataya, at mababa ang ating kalooban. Panghawakan natin ito!

Manalangin tayo:

Panginoon, isinusuko po namin sa Iyo ang aming mga anak at ang kanilang mga samo’t hiling. Kayo po ang nakakaalam kung ano ang tama at makakabuti sa kanila. Gabayan Mo po sila at iligtas sa lahat nang masasama. Biyayaan Mo po sila ng malakas at malusog na katawan, matalas na isip, makataong puso, at sipag at tiyaga upang makamit nila ang kanilang mga pangarap, Amen.

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.