You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Walking with the Saints Podcast | Feast of St. Claude De La Colombiere, Patronage to the Sacred Heart of Jesus | February 15

Those who are devoted to the Sacred Heart of Jesus must be familiar with our saint today – St. Claude De La Colombiere. He is remembered as the spiritual director who recognized the truth of the revelations of the Sacred Heart to St. Margaret Mary Alacoque. A great devotee of the Sacred Heart before meeting St. Margaret Mary, and one who earnestly promoted the devotion, he is privileged to be called “Champion of the Devotion to the Sacred Heart.” Colombière was born in southern France on February 2, 1641 and studied at a Jesuit school from an early age. He entered the Society of Jesus when he was 17 and was ordained April 6, 1669. After his tertianship he was assigned superior of a small community in Paray-le-Monial, where there was also a convent of cloistered Visitation Sisters. Among its members was Sister Margaret Mary Alacoque, to whom the Sacred Heart was revealing divine messages.

Some sisters of the community did not believe the visions of Sister Margaret. They thought that she was deceiving herself and their skepticism caused her much suffering. But Jesus assured her that He was sending her His “faithful servant and perfect friend.” Fr. Colombiere became the confessor of the community and the spiritual director of St. Margaret. She told him of the visions she received and the supernatural events happening in her life and he believed her. He recognized that the prayer Margaret heard from the Sacred Heart were real gift from God

Fr. Colombiere stayed only 18 months in Paray-le-Monial and was assigned to preach to the Duchess of York in London, a very difficult assignment. England was non-Catholic, but King Charles II allowed his brother, the Duke of York, who became a Catholic, to have a chapel in St. James Palace. Fr. Colombiere preached there the message of Jesus Christ’s great love for humanity, symbolized by His Sacred Heart. His sermons converted many Protestants. The Duchess herself was the first member of the royalty to petition Pope Innocent XII to establish a solemn feast for the Sacred Heart.

Then suddenly, Fr. Colombiere was falsely accused by a Frenchman. The charges were traitorous speech against the king and the English parliament. By order of the king, Fr. Colombiere was arrested and placed in a cold dungeon. After a month of imprisonment, he was pardoned and released but he had become physically weak. He returned to France, and arrived in Lyons on March 11, 1679. He stayed there and became spiritual father to Jesuit novices. Despite his poor health, he continued to preach about the Sacred Heart. But his health continued to deteriorate so the superiors sent him back to Paray-le-Monial in 1681. In early 1682 he got a high fever and on February 15, he died of hemorrhage at the age of 41. In 1929, he was beatified by Pope Pius XI and was canonized on May 31, 1992 by Pope Paul II.

Virtue:piety, humility, integrity, obedience, charity, forgiveness, courage and fortitude.

· Prayer: “Lord, through the intercession of St. Claude, De La Colombiere, give me the strength to accept my sufferings and to forgive all who have done me wrong.” Amen.

· Reflection: Am I ready to forgive the persons who have hurt me?

Mabuting Balita l Pebrero 15, 2023 – Miyerkules

Ikaanim na Linggo sa Karaniwang Panahon

Ebanghelyo: Marcos  8:22-26

Pagpasok ni Hesus at ng kanyang mga alagad sa Betsaida, isang bulag ang dinala sa kanya at hiniling sa kanyang hipuin ito. Inakay ito ni Hesus sa labas ng bayan, pinahiran ng laway ang mga mata nito at ipinatong ang kanyang kamay. At saka niya ito tinanong: “May nakikita ka ba?” Tumingin ang tao, at sinabi nito:” Parang mga punongkahoy ang nakikita ko pero lumalakad, tiyak na mga tao ito.” Kaya agad na pinatong ni Hesus ang kanyang mga kamay sa mga mata nito, at nakakilala siya at gumaling, at nakita nga niya nang malinaw ang lahat. Pinauwi ito ni Hesus sa pagsasabing: “Huwag kang pumasok kahit na nasa nayon.”

Pagninilay:

May dalawang pangyayari sa Mabuting Balita ni San Markos kung saan nagpagaling si Hesus ng bulag.  Una, ang bulag na si Bartimeo, na agad gumaling sa pamamagitan lamang ng Salita ni Hesus.  At ang ikalawa, ang bulag sa Mabuting Balita ngayon, na unti-unti ang pananauli ng paningin matapos pahiran ng laway ni Hesus ang mga mata nito at ipatong ang Kanyang mga kamay.  Marahil itatanong ninyo, bakit kaya hindi kaagad gumaling ang ikalawang bulag?  Mga kapanalig, ipinapahiwatig ng pangyayaring ito, kung papaano lumalalim ang pananampalataya sa Kanya ng mga alagad.  Sa una’y kailangan munang magkaroon sila ng personal na ugnayan sa Kanya, upang makilala Siya at magtiwala sa Kanyang kapangyarihan.  Maaaring sa simula’y hindi pa magiging malinaw sa kanila ang lahat ng ginagawa at sinasabi ni Hesus.  Pero, sa paglipas ng panahon ng pagsunod nila kay Hesus, titibay ang kanilang pananampalataya at magiging malinaw din sa kanila ang lahat.  Kung papaanong isang malaking biyaya para sa bulag ang pananauli ng Kanyang paningin, gayundin para sa mga alagad ni Hesus – isang napakalaking biyaya ang maging bahagi ng Kanyang buhay at misyon.  Tayo din, nangangailangan ng kagalingan sa ating pisikal at espiritwal na pagkabulag.  Kailangang pagalingin tayo ng Panginoon sa ugali nating mapanhusga, mapagmataas at mapagsamantala sa kahinaan ng kapwa. Bulag tayo, sa tuwing mas pinipili natin ang ginhawa sa buhay at nakikita ang sanggol sa sinapupunan bilang sagabal sa pagkamit nito.  Bulag tayo, sa tuwing sumasang-ayon tayo sa sistema ng korupsyon at nananatiling tahimik sa gitna nito, dahil nakikinabang din tayo.  At mas matindi ang ating pagkabulag at manhid na ang konsensiya, kung pabor tayo sa kalakaran ng pagpatay, at naging kasabwat tayo sa pagpapakalat ng fake news at trolling, noong nakalipas na pambansang halalan.  Hilingin natin ang liwanag na nagmumula sa Banal na Espiritu na kasihan tayo ng malinaw na pagpapasya na laging manindigan sa kung ano ang tama, mabuti at kalugod-lugod sa Diyos.

- Sr. Lou Ranara, fsp l Daughters of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 14, 2023 – Martes

Ikaanim na Linggo sa Karaniwang Panahon

Ebanghelyo: Mark 814-21

Nakalimutan ng mga alagad na magdala ng tinapay at isa lang ang dala nila sa bangka. At pinagsabihan sila ni Hesus: “Mag-ingat at huwag magtiwala sa lebadura ng mga Pariseo at sa lebadura ni Herodes.” At sinabi ng mga alagad sa isa't isa: “Oo nga, ano? Wala tayong dalang tinapay.” Alam ni Hesus ang mga ito kaya sinabi niya sa kanila: “Bakit ninyo pinag-uusapan ang tinapay na wala sa inyo? Hindi pa ba ninyo maisip at maunawaan? Mapurol ba ang inyong pag-iisip? May mata kayong di nakakakita at mga taingang di nakakarinig? Hindi na ba ninyo naaalala nang pinira-piraso ko ang limang tinapay para sa limang libo, ilang basket na puno ng mga pira-piraso ang inyong naipon?” At sumagot sila: “Labindalawa.” “At nang may pitong tinapay para sa apat na libo, ilang bayong na puno ng mga pira-piraso ang inyong naipon?” At sumagot sila: “Pito.” At sinabi ni Hesus: “Hindi pa ba ninyo nauunawaan?”

Pagninilay:

Isang natatanging simbolo sa ating Mabuting Balita, ang pampaalsa ng mga Pariseo at ni Herodes. Ang pampaalsa o lebadura—na kung tawagin sa Ingles na “yeast”—ay ang nagpapaangat sa tinapay, bago ito lutuin o ihurno. Ginamit ni Hesus ang pampaalsa, bilang simbolo ng mga mapaminsalang hangarin, ambisyon o pagnanasa ng mga Pariseo at ni Herodes, tungkol sa kani-kanilang konsepto ng Kaharian. Ang hangarin ng mga Pariseo tungkol sa Kaharian ay ang maselan at maingat na pagsunod sa Torah o kautusan ng mga Hudyo. Para sa mga Pariseo, makakamit ang kabanalan sa mahigpit at mabusising pagpapatupad ng kautusan. Dahil sa pagpapaimbabaw at pagkukunwari ng mga Pariseo, nawala ang tunay na kabuluhan ng salita ng Diyos at napalayo ang puso ng mga tao, sa tunay na pakikipag-ugnayan sa Diyos. Ang hangarin naman ni Herodes tungkol sa Kaharian ay ang pagpapanatili ng kapangyarihang pulitikal sa kanyang angkan. Handa siyang makipagtuos, manakit, magmataas at umangkin ng kayamanan para sa kanyang kapangyarihan. Ito ang mga umaalsa at mapaminsalang hangarin ng mga Pariseo at ni Herodes na humadlang sa kanilang pagtiwala kay Hesus. Mga kapanalig, ang ating mga puso’y naglalaman din ng mga hangaring umaalsa at nag-uudyok sa atin upang gumawa ng aksyon. Ngayong Araw ng mga Puso o Valentine’s Day, siyasatin natin ang hangarin ng ating puso at pagnilayan kung ito ba’y makabubuti o makakapaminsala sa ating pakikipag-ugnayan sa Diyos at sa kapwa-tao.

- BRO. JOHN ALFRED RABENA

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 13, 2023 - Lunes

Ikaanim na Linggo sa Karaniwang Panahon

Ebanghelyo: Mark 8:11-13

Dumating ang mga Pariseo at nagsimulang makipagtalo kay Hesus. Gusto nilang subukan si Hesus at humingi ng isang makalangit na tanda. Nagbuntung-hininga siya at sinabi: “Bakit humihingi ng palatandaan ang lahing ito? Talagang sinasabi ko sa inyo: walang tandang ibibigay sa lahing ito.” Kaya iniwan sila ni Hesus at sumakay sa bangka patawid sa kabilang ibayo.

Pagninilay:

“Mangyayari ang hinihiling mo ayon sa iyong pananampalataya”. Napaka-makapangyarihang mga kataga na binigkas mismo ng ating Panginoon. Sabi pa nga Niya, kung buo ang ating pananampalataya, masasabi natin sa bundok na lumipat ka doon at ito ay lilipat.  Pero bakit sa kabila ng lahat ng ito, lagi tayong inaalihan ng takot at pangamba? Ano pa nga ba ang kulang para tumibay ang ating pananampalataya? Para sa akin, di mapapalakas ang pananampalataya, sa pag-aaral o pananaliksik. Sa halip, pinatitibay ito ng pagkapit natin sa Diyos, sa gitna ng mga pagsubok ng buhay. Totoo ang kasabihang “ang di pumatay sa iyo ay magpapalakas sa iyo”. Noong nagkaroon nang mabigat na karamdaman ang aking asawa, dumanas ng napakatinding pagsubok ang aming pamilya. Napakalaki ng financial requirement upang matustusan ang mga gastusing kaakibat nang kanyang operasyon at isang buwang pagkakaospital, 85% of which ay sa ICU ginugol. Ang labis na masakit, binawian ng buhay ang aking asawa. Kinailangang ipagbili ang lahat ng mga naipundar upang panagutan ang mga naiwang bayarin. Noong mga panahong iyon, nagtampo ako sa Diyos. Bakit ganito? Paulit-ulit kong tanong. Pero paulit-ulit din pumapasok sa isip ko, “kung tumatanggap ka nang magagandang biyaya mula sa Diyos, bakit di mo tatanggapin ang masasama?” Nang isinuko ko sa Panginoon ang buhay ko, gumaan ang lahat. Hindi nawala ang problema, pero dahil naniniwala ako’ng di ako nag-iisa, at kaagapay ko siya sa aking pagdadalamhati at hirap, hindi ako nawalan ng pag-asa. Hindi nya ako pinabayaan; patuloy siyang nagpadala ng mga anghel na umagapay akin, hanggang sa ako’y makabangong muli. Dahil dito, lalong tumibay ang aking pananampalataya.

Manalangin tayo: Panginoong mahal, lagi Mo po kaming samahan sa aming paglalakbay sa buhay na ito. Huwag Mo po’ng ipahintulot na kahit sandali ay mawalan kami ng pananampalataya sa iyong pagmamahal sa amin at sa di masukat Mo’ng kapangyarihan. Sa oras ng aming kahinaan, lagi mo po’ng ipaalala sa amin na kailanma’y di mo kami pinabayaan at di pababayaan AMEN.

- LULU PECHUELA, APC

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 12, 2023 – Linggo

Ikaanim na Linggo sa Karaniwang Panahon

Ebanghelyo: MATEO 5:17-37

Sinasabi ko sa inyo na kung hindi mas ganap ang inyong Kabanalan kaysa mga guro ng batas at mga Pariseo, hinding hindi kayo makakapasok sa Kaharian ng langit. Narinig na ninyo na sinabi sa inyong mga ninuno: Huwag kang papatay; dapat managot ang pumatay. Sinasabi ko naman sa inyo: Mananagot ang sinumang nagagalit sa kanyang kapatid. Mananagot sa Sanggunian ang sinumang manuya sa kanyang kapatid. Nararapat lamang itapon sa apoy ng impiyerno ang sinumang manghiya sa kanyang kapatid. “Narinig na ninyo na sinabing: Huwag kang makiapid. Ngunit sinasabi ko naman sa inyo: ang sinumang tumingin nang may pagnanasa sa isang babae ay nakiapid na rin sa kanyang puso “Narinig na ninyo na sinabi sa inyong mga ninuno: Huwag kang sisira sa iyong sinumpaan. Tuparin mo ang sinumpaang pangako sa Panginoon. Ngunit sinasabi ko naman sa inyo: huwag kayong manumpa sa ngalan ng Langit pagkat naroon ang trono ng Diyos, ni sa ngalan ng lupa pagkat ito ang tuntungan ng kanyang mga paa, ni sa ngalan ng Jerusalem pagkat ito ang lunsod ng Dakilang Hari. Huwag kang manumpa ni sa ngalan ng iyong ulo pagkat ni hindi mo kayang paputiin o paitimin ni isang hibla ng iyong buhok. Sabihin mo 'oo' kung oo at 'hindi' kung hindi. Ano pa mang sasabihin mo'y sa demonyo na galing.”

Pagninilay:

Sino sa atin ang nakaranas nang pangakuan pero napako ang pangako? Ilan sa atin ang umasa sa binitawang salita, pero naghintay sa wala? Marami na sa atin ang naka-experience ng “ghosting”. Ito ang now-common phenomenon, na bigla na lang nagdidisappear sa dating magandang relationship. Walang trace kung bakit o saan na napunta. Ang nangyayari, walang confrontation, walang closure, walang communication at all. Hindi lang ito nangyayari sa romantic relationships, sa mga “more-than-just-friends relationships din, o mismo sa pamilya.  Sabi nga ng iba, hindi na raw November lang ang Halloween, anytime na raw, may mga “ghostings” na. Tungkol ba ito sa kulang sa commitment? O basta hindi lang kayang alagaan ang ugnayan? Halimbawa, sa kaibigan, sa important person na pinagsasabihan mo ng “I love you”, o lalo na sa iyong pinakasalan? Magkahawak kamay pa na nagpromised: “to have and to hold from this day forward, for better, for worse, for richer, for poorer, in sickness and in health, until death do us part. Sasabihin pa na “I will love and honor you, all the days of my life”. Kay sarap pakinggan, pero ang pagtupad, hanggang kailan? Mga kapanalig, ang commitment, galing sa kaloob-looban natin. Ito ang matibay na pagpapasya at pagsusumikap na maging tapat. Kapag sinabing gagawin, tutuparin! Kapag nang-aakit na ang tukso, umiiwas! Kapag may senyales na humihina ang pagmamahal, magdasal! Two days na lang, araw na ng puso. Valentines Day. Araw na binibigyan tayo ng pagkakataon na magpasyang tunay na nagmamahal. Oo, nakakatulong ang chocolates, o flowers, o kahit na ano’ng masasarap na pasalubong sa pamilya, pero naiiba ang maging tapat, ang maging committed. Galing sa puso ang pagpromise. Remember, sa bawat pinangangakuan natin, hindi lang witness si Jesus Maestro, kundi sa Kanyang ngalan na rin tayo nangangako.

- SR. GEMMARIA DE LA CRUZ, FSP

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.