Mabuting Balita l Pebrero 11, 2023 – Sabado

Ikalimang Linggo sa Karaniwang Panahon

Ebanghelyo: Mark 8:1-10

Maraming tao ang sumama kay Hesus at wala silang makain. Kaya tinawag ni Hesus ang kanyang alagad at sinabi sa kanila: “Labis akong naaawa sa mga taong ito, pangatlong araw ko na silang kasama at wala nang makain at kung paaalisin ko silang gutom, baka mahilo sila sa daan. Galing pa sa malayo ang ilan sa kanila.” Sumagot ang kanyang mga alagad: “At paano naman makakakuha ng tinapay para pakainin sila sa ilang na ito?” Tinanong sila ni Hesus: “Ilan bang tinapay meron kayo?” Sumagot sila: “Pito.” Pinaupo ni Hesus sa lupa ang mga tao, kinuha ang pitong tinapay at nagpasalamat sa Diyos. Pinagpira-piraso niya ang mga ito at ibinigay sa kanyang mga alagad para ihain; at inihain nila ang mga ito sa mga tao. Meron din silang ilang isda. Binasbasan ito ni Hesus at iniutos na ihain din ang mga ito. Kumain sila at nabusog at inipon ang mga natirang pira-piraso --- pitong bayong. Apat na libo ang naroon, at saka sila pinauwi ni Hesus. Agad siyang sumakay sa bangka kasama ang kanyang mga alagad at pumunta sa lupain ng Dalmanuta.

Pagninilay:

Ang ebanghelyong narinig natin ay katulad din sa unang himalang ginawa ni Jesus na pagpaparami ng tinapay. Doon, ibinigay ni Jesus ang mga tinapay sa Kanyang mga alagad, upang ibigay din nila ito sa ibang tao. Sa ginawang ito ni Jesus, Ipinakikita ang magiging papel ng Kanyang mga alagad sa pagtupad ng Kanyang misyon. Sila ang magpapatuloy ng Kanyang gawain, kapag bumalik na Siya sa Ama sa Langit. Pero, bago matupad ito, kailangan munang matutunan nila kay Jesus ang tungkol sa Kaharian ng Diyos. Ano ang mga kinakailangang gawin upang maging karapat-dapat pumasok doon? Sila ang magiging saksi ni Jesus, magpapatotoo sa Kanyang mga gagawing himala, pagpapagaling, at pangangaral sa mga taong sumusunod sa Kanya na parang mga tupang walang pastol. Mga kapatid, bilang mga Kristiyano tayo’y nakikibahagi din sa misyong ito ng mga alagad. May tungkulin tayong isulong ang paghahari ng Diyos dito sa lupa sa pamamagitan ng ating mabubuting gawa. Sa sakramento ng binyag at kumpil, lahat tayo’y tumanggap ng Banal na Espiritu na Siyang magpapalakas sa atin upang makagawa ng mabuti, at mamuhay nang naaayon sa kalooban ng Diyos.

Manalangin tayo:

Panginoon, puspusin Mo po ako ng Iyong Banal na Espiritu nang maging marapat akong daluyan ng Iyong biyaya at pagpapala para sa aking kapwa. Amen.

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

The Power of Love | Word and Songs Podcast with Sr. Lines Salazar, fsp 

#WordAndSongs #PowerOfLove #Paulines #DaughtersOfStPaul

This month of love  is so special to many lovers and friends whose life revolves in their love relationships.  We all know that love gives meaning to life.  All of us experienced how it is to love and to be loved.  It’s such a wonderful feeling that enlivens our day and energy booster that makes us so ecstatic and inspired to see our beloved.  Love can be expressed in a multitude of ways for love has many forms. 

May we always strive to love without condition, without counting the costs – for that is the kind of love which, our Lord Jesus calls us to.

"You learn to speak by speaking, to study by studying, to run by running, to work by working; and just so you learn to love God and man by loving. Begin as a mere apprentice and the very power of love will lead you on to become a master of the art." - St. Francis De Sales:

Mabuting Balita l Pebrero 10, 2023 – Biyernes

Ikalimang Linggo sa Karaniwang Panahon

Ebanghelyo: Mark 7:31-37

Umalis si Hesus sa lupain ng Tiro at dumaan sa Sidon papunta sa lawa ng Galilea. Pagdating niya sa lupain ng Decapolis, may mga nagdala sa kanya ng isang bingi na halos hindi makapagsalita. At hiniling nila kay Hesus na ipatong dito ang kamay. Matapos siyang ihiwalay sa mga tao, inilagay niya ang kanyang daliri sa tainga ng tao at dumura at saka hinipo ang kanyang dila. At tumingala siya sa Langit, nagbuntong hininga at sinabi: “Ephphata,” na ang ibig sabihi'y “Buksan.” Nabuksan ang mga tainga ng tao at biglang nakalag ang dila niyang nakabuhol kaya nakapagsalita siya nang tuwid. Tinagubilinan sila ni Hesus na huwag sabihin ito kaninuman ngunit habang pinagbabawalan sila, lalo naman silang nagpapahayag. Labis na namangha ang mga tao at sinabi nila: “Pinaiigi niya ang lahat: nakaririnig ang bingi at nakapagsasalita ang pipi.”

Pagninilay:

Mga kapanalig, ang lalaking bingi sa ebanghelyong narinig natin, ay sagisag ng mga taong nakaririnig sa Salita ng Diyos, pero hindi nabubuksan ang mga puso sa mensahe nito. Bingi sila sa daing ng mga nagugutom, nauuhaw, at inaapi. Sa talinhaga ng manghahasik, sila ang mga butong nahulog sa tabi ng daan, pero inagaw ng mga ibon at kinain ang mga iyon. Dumadaan lang sa kanilang tainga ang Salita ng Diyos, pero hindi nila ito inuunawa kaya walang epekto sa kanilang buhay. Hindi rin nila maipahayag sa kanilang kapwa ang pagmamahal ng Diyos, dahil wala sila nito. Ika nga ng kasabihan, “we cannot give what we do not have.” Mga kapanalig, higit sa salita, mas mahalaga sa Diyos kung ano ang ating ginagawa para sa kapakanan ng ating kapwa. Tumutulong ba tayo sa mga nangangailangan at inaapi; nagdadalang habag ba tayo sa mga makasalanan at may karamdaman? Kadalasan, nakatuon tayo sa marami nating pinagkakaabalahan, kaya naisasawalang bahala natin ang mga pangangailangan ng ating kapwa. Pansariling kapakanan lagi ang ating inuuna, kaya bulag at bingi tayo sa maraming taong nangangailangan ng ating tulong. Manalangin tayo. Panginoon, patawarin Mo po ako sa maraming pagkakataong isinawalang-bahala kita sa aking kapwa. Maging sensitibo nawa ako sa pagtugon sa pangangailangan ng iba. Amen.

- CL. JOHN CESAR CAALEM, SSP

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 9, 2023 

Huwebes sa Ikalimang Linggo sa Karaniwang Panahon

Ebanghelyo: Mark 7:24-30

Lumayo si Hesus patungo sa hangganan ng Tiro. Pumasok siya roon sa isang bahay at kahit na ayaw niya itong malaman ninuman, hindi ito nalihim. May isang babaeng nakabalita tungkol sa kanya. Inaalihan ng maruming espiritu ang kanyang dalagita kaya pumunta siya at nagpatirapa sa kanyang paanan. Isa siyang paganong taga-Sirofenicia. At ipinakiusap niya kay Hesus na palayasin ang demonyo sa kanyang anak. Sinabi naman niya sa kanya: “Bayaan mo munang mabusog ang mga anak. Hindi tama na kunin ang tinapay sa mga bata at itapon ito sa mga tuta.” Sumagot ang babae: “Totoo nga Ginoo, pero kinakain ng mga tuta sa ilalim ng mesa ang mga nalalaglag mula sa mga bata.” At sinabi sa kanya ni Hesus: “Dahil sa sinabi mong ito, lumabas na sa iyong anak na babae ang demonyo.” Kaya umuwi na ang babae at nakita niya ang bata na nakahiga sa kama; “Lumabas na nga ang demonyo”.

Pagninilay:

Ang isang mapagmahal na Ina, gagawin lahat para sa minamahal na anak. Ipinakita ito ng ina sa ating Mabuting Balita ngayon. Sa kabila ng wari bang pangungutya ni Hesus sa babae, nang sabihan niya ito na hindi dapat kunin ang pagkain ng mga anak upang ihagis sa mga tuta. Ang sakit namang pakinggan, di po ba? Parang sinabi na rin ni Hesus sa babae na tuta ang kanyang anak. Pero, para kay Hesus, isa itong pagsubok sa katatagan ng babae. Narinig natin ang tugon ng babae, na kahit ang mga tuta sa ilalim ng hapag ay naninimot ng mga mumong na nalalaglag sa mga anak. Wow! Talaga naman pong napabilib si Hesus sa tugon ng babae. Tatag ng loob, kababaan ng loob, tibay ng pananampalataya ang ipinakita ng babae, kaya naman ipinagkaloob na gumaling ang kanyang anak. Tayo po kaya, mga kapanalig. Sa panahong dumaraan tayo sa matinding pagsubok, taimtim po ba tayong humihingi ng tulong at awa sa ating Panginoon Hesus nang may kababaan ng loob, tibay ng pananampalataya at lakas ng loob?

Manalangin tayo: Mapagmahal ng Hesus, sa panahon ng aming lubbang pangangailangan kayo po ang aming nilalapitan. Dumudulog po kami sa iyo ng may kababaang loob. Harinawa, tugunin aming dalangin. Manatili po nawa ang aming pag-asa sa iyo at maging daluyan din kami ng Iyong biyaya para sa aming kapwa. Salamat po sa lahat ng biyayang kaloob mo. Amen.

- Sr. Edith Ledda, FSP / Daughters of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 8, 2023 

Miyerkules sa Ikalimang Linggo sa Karaniwang Panahon

Ebanghelyo: Mark 7:14-23

Tinawag ni Hesus ang mga tao at sinabi sa kanila: “Pakinggan ako at unawain sana ninyong lahat. Hindi ang pumapasok sa tao mula sa labas ang nakapagpaparumi sa kanya kundi ang lumalabas sa tao ang nakapagpaparumi sa kanya. Makinig ang mga may tainga.” Pagkalayo ni Hesus sa mga tao, nang nasa bahay na siya, tinanong siya ng mga alagad tungkol sa talinhagang ito. At sinabi niya: “Wala rin ba kayong pang-unawa? Hindi n'yo ba nauunawaan na sa bituka pumupunta ang anumang pumapasok mula sa labas? Sapagkat hindi sa puso ito pumapasok kundi sa tiyan at pagkatapos ay itinatapon sa labas. Ang lumalabas sa tao ang nagpaparumi sa tao. Sa puso nga ng tao nagmumula ang masamang hangarin: kahalayan, pagnanakaw, pagpatay sa kapwa, pakikiapid, kasakiman, kasamaan, pandaraya, kalaswaan, pagkainggit, paninira, kapalaluan, kabuktutan. Ang masasamang bagay na ito ang nagpaparumi sa tao.”

Pagninilay:

Isang radikal na pananalita at pag-iisip mula kay Hesus ang ating napakinggan sa Mabuting Balita ngayon. Hindi ang pumapasok mula sa labas ang nagpaparumi sa tao, kundi ang lumalabas sa kanya. Dahil mula nga sa loob, sa puso ng tao dumadaloy ang masamang kaisipan at hangarin, na nag-uudyok sa kanya upang gumawa ng mga bagay na makasisira sa pakikipag-ugnayan sa Diyos at sa kapwa. Oo, mga kapanalig. Mula sa loob; mula sa puso ng tao, ang mga bagay-bagay na makakasira sa tiwala, sa pagkaka-ibigan, sa relasyon o pakikitungo. Kapanalig, ano ba ang nilalaman ng iyong puso? Ano ang nasa iyong kalooban? Nananaig pa rin ba ang hindi pagpapatawad? Meron pa rin bang namumuong galit sa'yong puso? Isang paanyaya, isang pagpapa-alala ang ibinibigay ng Diyos ngayon: Tingnan, padalisayin at baguhin ang ating kalooban, ang ating puso. Nawa’y manaig ang kagandahang loob, pagpapatawad, pagpapakumbaba at pagmamahal. Tulad ng Panginoong Hesus, nawa’y maging radikal tayong suriin ang mga bagay-bagay na nagpapadumi at nagpapalinis ng ating kalooban. At hilingin natin ang tulong ng Banal na Espiritu na padalisayin ang ating kalooban, upang pawang mabubuting bagay ang dumaloy mula sa atin. Amen.

- REV. FR. LORDAN LAGDA – Thomas Aquinas Major Seminary, Lyceum of Aparri, Archdiocese of Tuguegarao

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Pebrero 7, 2023

Martes sa Ikalimang Linggo sa Karaniwang Panahon

Ebanghelyo: Mark 7:1-13

Nagkatipon sa paligid ni Hesus ang mga Pariseo at ilan sa mga guro ng Batas na galing sa Jerusalem. Napansin nila na kumakain ang ilan sa mga alagad niya nang may maruming kamay, na hindi naghuhugas ayon sa seremonya. Kaya tinanong siya ng mga Pariseo at mga guro ng Batas: “Bakit hindi isinasabuhay ng iyong mga alagad ang tradisyon ng mga ninuno? Hindi nga sila naghuhugas ng kamay bago kumain.” At sinabi sa kanila ni Hesus: “Tama ang propesiya ni Isaias tungkol sa inyong mga mapagkunwari. Nasusulat sa 'Pinararangalan ako ng mga ito sa kanilang labi, at malayo naman sa akin ang kanilang mga puso. Walang silbi ang kanilang pagsamba sa akin at kautusan lamang ng tao ang kanilang itinuturo.' Pinabayaan nga ninyo ang utos ng Diyos para itatag ang tradisyon ng mga tao. Mahusay na pinawalang-bisa ninyo ang salita ng Diyos para tuparin ang inyong tradisyon. Sinabi nga ni Moises: 'Igalang mo ang iyong ama at ina,' at 'patayin ang sinumang susumpa sa kanyang ama o ina.' Ngunit sinasabi n'yo na kung may magsasabi sa kanyang ama o ina, 'Inialay na ang puwede kong itulong sa inyo,' wala na siyang magagawang anuman—ayon sa palagay ninyo—para sa kanyang ama at ina. Kaya pinawalang-bisa ninyo ang salita ng Diyos sa tulong ng sarili ninyong tradisyon. At marami pa ang mga ginagawa ninyong ganito.”

Pagninilay:

Nakikita ng Diyos ang kaibuturan ng ating puso. Kung tumitingin ang tao sa panlabas na anyo, tumitingin ang Diyos sa kalinisan ng ating puso. May mga pagkakataon sa ating buhay na nagiging katulad tayo ng mga Pariseo at mga guro ng kautusan, na nagkunwari at nagmataas. Ang mga Pariseo at guro ng kautusan, nagkunwaring binabantayan nila ang legalistikong pagsunod sa kaugalian ng mga matatanda. Pero, ang hangarin pala nila’y mahanapan ng butas si Hesus. Sila’y nagmataas sa kanilang panlabas na kalinisan dahil sumusunod sila sa mga kaugalian tulad ng paghuhugas ng kamay. Pero, matigas at sarado ang kanilang puso sa tunay na mahalaga at nararapat—ang pagmamahal at pagbibigay ng katarungan sa kapwa. Mga kapanalig, nawa’y huwag nating gamitin ang mga kaugalian, nakagawian at kautusan sa pagkukunwari, panghamak at pamiminsala sa iba, upang hindi mapalayo ang ating puso sa Panginoon.

Manalangin tayo:

Panginoong Hesus, ituro Mo po sa akin ang tunay na mahalaga at nararapat, upang ang aking pananampalataya sa Iyo ay hindi humantong sa mga mababaw na kaugalian at kautusan. Buksan Mo po ang aking puso sa pagmamahal at paggawa ng mabuti sa kapwa upang ang aking puso’y lalong mapalapit sa Iyo. Amen.

- Bro. John Alfred Rabena