PAULINES

MABUTING BALITA

HULYO 11, 2022 – Lunes sa Ika – 15 na Linggo sa Karaniwang Panahon

Ebanghelyo: Mt 10:34—11:1

Sinabi ni Hesus sa kanyang mga alagad, “Huwag ninyong isipin na dumating ako para magdala ng kapayapaan sa lupa. Hindi kapayapaan ang dala ko kundi tabak. Dumating akong taglay ang paghihiwalay: ng tao laban sa kanyang ama, ng anak na babae sa kanyang ina, ng manugang sa kanyang biyenan. At magiging kaaway ng bawat isa ang kanyang mga kasambahay. Hindi karapat-dapat sa akin ang mas nagmamahal sa kanyang ama o ina kaysa akin. Hindi karapat-dapat sa akin ang mas nagmamahal sa kanyang anak kaysa akin. At hindi karapat-dapat sa akin ang sinumang hindi nagpapasan sa kanyang krus at sumusunod sa akin. Nawawalan ng kanyang sarili ang sinumang nagpapahalaga nito, at matatagpuan naman ito ng nawawalan ng kanyang sarili. Kung may tumatanggap sa inyo, tinatanggap din niya ako; at kung may tumatanggap sa akin, tinatanggap din niya ang nagsugo sa akin. Kung may tumatanggap sa isang propeta dahil propeta ito, tatanggapin niya ang gantimpalang bagay sa isang propeta; kung may tumanggap sa isang mabuting tao dahil marangal ito, tatanggapin niya ang gantimpalang bagay sa isang mabuting tao. Kung may magpainom ng malamig na tubig sa isa sa maliliit na ito dahil sa alagad ko ito, sasabihin kong hindi siya mananatiling walang gantimpala.” Nang matapos si Hesus sa pagtuturo sa Labindalawa niyang alagad, umalis siya roon para magturo at mangaral sa mga bayan.

Pagninilay:

Mas Malakas ang Pluma kaysa Espada! (The Pen is mightier than the sword.)

Sa ating pag-aaral ng literatura o panitikan, naririnig natin ang kasabihang ito. Tila hindi kapani-paniwala sa unang pagdinig. Ngunit kung susuriin ipinakikita nito ang malaking pagkakaiba sa pag-unawa sa salitang LAKAS at DAHAS. Natatangi ang lakas ng Pluma o panulat kung ihahambing sa dahas na dulot ng espada. Marahil, nabigla ang mga alagad ng marinig si Hesus sa ebanghelyo na nagwika na hindi kapayapaan ang dala niya bagkus espada. Sinundan pa niya ito ng mga salitang nagpapakita ng tila paglalaban ng Ama sa anak o magkakapamilya. Espada? Hindi ba’t dahas ang kinakatawan nito? Paanong pagmumulan ng dahas si Hesus na prinsipe ng kapayapaan? Sa pag-uunawang pampanitikan, maituturing itong isang kontradiksyon. Isang paraan ng mga nagsasalita o ng mga manunulat upang ipakita sa masidhing paraan ang mensahe na nais iparating. Makatutulong sa ating pagsusuri ang liham ni San Pablo sa mga taga efeso (kabanata 6) na inilalarawan ang Espada ng Espiritu Santo –Ang Salita ng Diyos. Hindi sinasabi ni Hesus na gumamit ng espada at makipaglaban. Bagkus, tulad ng paglalarawan ni San Pablo ang espada ay ang Salita ng Diyos, si Hesus mismo na nagkatawang tao. Ang pagkikinig, pananalig at pagtalima sa kanya at kanyang mga salita ang nagbibigay ng natatanging Lakas sa mga tagasunod niya upang itama o iwasto ang mga pagkakamali na kinagisnan at nakikita maging sa kani-kaniyang mga pamilya o mahal sa buhay. Madalas ang pagdadala ng liwanag sa iba ay hindi madali at minsan pa nga’y hindi nila tinatanggap. Ngunit, Ibang uri ng lakas ang ipinakikita ng Salita ng Diyos, hindi ito sumusuko. Tulad ng mga salitang isinisilang ng pluma mula sa lalim ng isip at pagninilay ng manunulat, isa itong lakas na pumupukaw sa damdamin, diwa at isipan ng bawat tao. Kawangis nito ang Lakas mula sa Diyos na binabago ang puso ng lahat. Lakas na kailanman hindi pasisiil sa kasinungalingan, pananakot o dahas. Sapagkat ang Espada ng Espiritu Santo, ang Salita ng Diyos ay si Hesus mismo - ang Daan na dapat sundan, Katotohanan na ating ipinahahayag at Buhay na siya nating huwaran. Amen.

Bro. Buen

HULYO 10, 2022 – LINGGO

Ika – 15 na Linggo sa Karaniwang Panahon

Ebanghelyo: Lc 10:25-37

May tumindig na isang guro nang Batas upang subukin si Hesus. “Guro, ano ang aking gagawin upang makamit ang buhay na walang hanggan?” “Ano ba ang nasusulat sa Batas, at paano mo ito naiitindihan?” “Mamahalin mo ang Panginoon mong Diyos nang buo mong puso at nang buo mong kaluluwa at nang buo mong lakas at nang buo mong pag-iisip. At nasusulat din naman: Mamahalin mo ang iyong kapwa gaya ng iyong sarili.” “Tama ang sagot mo. Gawin mo ito at mabubuhay ka.” Ngunit gustong mangatwiran ng guro ng Batas kaya sinabi niya kay Hesus: “At sino naman ang aking kapwa?” Sinagot siya si Hesus: “May isang taong bumaba mula sa Jerusalem papunta sa Jerico at nahulog siya sa kamay ng mga tulisan. Hinubaran siya ng mga ito at binugbog at saka iniwang halos patay na. Nagkataon namang may isang paring pababa rin sa daang iyon. Pagkakita sa kanya, lumihis ito ng daan. Gayundin naman, may isang Levitang napadaan sa lugar na iyon; nang makita siya’y lumihis din ito ng daan. Ngunit may isang Samaritano namang naglalakbay na napadaan sa kinaroroonan niya; pagkakita nito sa kanya, naawa ito sa kanya. Kaya’t lumapit ito, binuhusan ng langis at alak ang kanyang mga sugat at binendahan. Isinakay nito ang tao sa kanyang sariling hayop at dinala sa isang bahay-panuluyan at inalagaan. Kinabukasan, dumukot ang Samaritano ng dalawang denaryo, ibinigay sa may-ari ng bahay-panuluyan at sinabi: ‘Alagaan mo siya; sasagutin ko ang anumang karagdagang gastos pagbabalik ko.’” At sinabi ni Hesus: “Sa palagay mo sino sa tatlong ito ang naging kapwa sa taong nahulog sa kamay ng mga tulisan?” “Ang nagdalang-habag sa kanya.” Kaya sinabi ni Hesus sa kanya: “Humayo ka’t ganoon din ang gawin.”

Pagninilay:

Ang pinakamahalagang tanong sa atin ng Mabuting Balita ngayon, sino ang iyong kapitbahay? May mga magulang po na labis ang sakripisyo para sa kanilang mga anak, sinasabing lahat ay gagawin para sa kinabukasan nila. Pero, hindi maglalaan ng oras para magka-usap sila at tanung ano ang problema nila. May mga tao pong sinasabing iaalay ang kanilang sarili sa paglilingkod sa iba, pero ni hindi lililngapin ang mismong kapit bahay na nagugutom at naghihirap. May mga relihiyoso ding handang ilaan ang sarili sa misyon at adhikain, pero hindi nakikisalamuha sa mismong komunidad na kaniyang kinabibilangan. Lalabas po sa mga pagkakataong ganito ang tunay na pag-uugali ng isang tao. May mga taong aminado silang hindi perpekto, pero mas lubha ang kanilang pagmamahal sa Diyos at nakikita ito sa kanilang pagturing sa mga aba at sa pakikipag kapwa-tao. Kaysa sa yaong halos perpekto ang tingin sa kanilang pamumuhay, pero wala namang pagmamahal sa kapit- bahay. Nasaan ang kaniyang pagmamahal sa Diyos na hindi nakikita, kung hindi niya kayang mahalin ang kapwa na nasa tabi lang niya? In today’s Gospel, we see a reversal of roles. The Levite and the Priest who by default or are expected to be loving, but were not. The Samaritan, despised by some because of being from an impure race, was all the more loving and caring. We can learn two things here: being a Christian is not a guarantee of being loving. I have seen Christians who behaved differently, were more judgemental, and had trust issues. I have non-Christian friends who are more loving and more christianly in their manner of treating other people. Who are not quick to judge and more inclusive. So we must be complacent and watch our behavior. We are not the good Samaritan here in the story, just because we bear the name Christian. And the act of kindness is far more important than being right, at all times. Pinili ni Hesus na bida sa kuwentong ito ang Samaritano, isang sampal po sa mga Hudyo. Kaya ipanalangin natin na magawa din natin ito.   REV. EDWARD, SSP

Compassion and protocols for Hope

HULYO 9, 2022 – Sabado sa Ika – 14 na Linggo sa Karaniwang Panahon

San Agustin Zhao Rong at mga Kasama, mga pari

Ebanghelyo: Mt 10:24-33

Sinabi ni Hesus sa kanyang mga alagad: “Hindi hihigit sa kanyang guro ang alagad, o higit sa kanyang amo ang utusan. Hangad lamang ng alagad na tularan ang kanyang guro, at ng utusan ang kanyang amo. Kung tinawag na Beelzebul ang may-ari ng bahay, ano pa kaya ang kanyang mga kasambahay! Kaya huwag kayong matakot sa kanila. Walang tinatakpan na hindi nabubunyag at walang natatago na hindi nahahayag. Ang sinasabi ko sa inyo sa dilim, ipahayag ninyo sa liwanag. Ang narinig ninyo nang pabulong, ipahayag mula sa bubong. Huwag matakot sa mga nakapapatay ng katawan ngunit hindi ng kaluluwa. Matakot kayo sa may kapangyarihang sumira ng kaluluwa pati ng katawan sa impiyerno. Nabibili ang dalawang maya kahit na sa ilang sentimo, wala isa mang bumabagsak sa lupa na hindi niloloob ng Ama. At kayo, bilang na pati buhok sa inyong ulo. Kaya huwag kayong matakot: mas mahalaga kayo kaysa mga maya. Ang sinumang kumilala sa akin sa harap ng mga tao ay kikilalanin ko sa harap ng aking Ama sa Langit. At ang ayaw kumilala sa akin sa harap ng mga tao ay hindi ko rin kikilalanin sa harap ng aking Ama sa Langit.”

Pagninilay:

HALAGA. Ito ang isang salita ng nagpapaliwanag na buod ng ating Mabuting Balita ngayon. Ano ang halaga mo, kapanalig? Paano mo pinaninindigan ang halaga ng pagkatao mo? May mga nababasa ako sa Facebook na nagpopost ng ganito: “Ang hirap mong mahalin… hindi ka kaaway, ikaw ang ipinaglalaban…Pilit kang iniaahon, subalit parang kuntento ka na sa kinasasadlakan mo.” Mahirap nga naman tulungan ang taong ayaw tulungan ang sarili dahil masaya na sya sa kung ano ang nakasanayan na. Kapanalig, hindi kaya ganito rin ang nararamdaman ng

HULYO 8, 2022 – Biyernes sa Ika – 14 na Linggo sa Karaniwang Panahon

San Aguila at Santa Priscilla

Ebanghelyo: Mt 10:16-23

Sinabi ni Hesus sa kanyang mga alagad: “Isinusugo ko kayo ngayon na parang mga tupa sa gitna ng mga asong-gubat. Maging matalino nawa kayo gaya ng mga ahas at walang-malay ng parang mga kalapati. Mag-ingat sa mga tao; ibibigay nga nila kayo sa mga sanggunian at hahagupitin kayo sa kanilang mga sinagoga. Dadalhin din nila kayo sa mga pinuno at mga hari dahil sa akin, at dapat kayong magbigay-patotoo sa kanila at sa mga pagano. Pag iniharap naman kayo, huwag mag-alala sa inyong sasabihin; sa oras na iyo’y ibibigay nga sa inyo ang inyong sasabihin. Sapagkat hindi kayo ang magsasalita kundi ang Espiritu ng inyong Ama ang magsasalita sa pamamagitan n’yo. Ipapatay ng kapatid ang sariling kapatid, ng ama ang kanyang anak; at isasakdal ng mga anak ang kanilang mga magulang at ipapapatay sila. Kamumuhian kayo ng lahat dahil sa akin ngunit sa pananatili lamang ninyong matatag hanggang wakas, doon kayo maliligtas. Kung uusigin kayo sa isang bayan, tumakas kayo at pumunta sa kabilang bayan. Sinasabi ko sa inyo, bago ninyo matapos daanan ang lahat ng bayan sa Israel, darating na ang Anak ng Tao.”

Pagninilay:

Noong panahong iyon, sinabi ni Hesus sa kanyang mga apostol, “Ngayon, sinusugo ko kayo na parang mga tupa sa gitna ng mga asong gubat. Maging matalino kayo, gaya ng mga ahas, at matapat, gaya ng mga kalapati. Mag-ingat kayo, sapagkat may mga taong magkakanulo sa inyo sa mga hukuman; at hahagupitin nila kayo sa mga sinagoga. Dahil sa akin, ihaharap kayo sa mga gobernador at mga hari, at magpapatotoo kayo sa harapan nila at ng mga Hentil. Kapag nililitis na kayo, huwag kayong mabalisa tungkol sa sasabihin ninyo o kung paano ninyo sasabihin. Pagdating ng oras, ito’y ipagkakaloob sa inyo. Sapagkat hindi kayo ang magsasalita kundi ang Espiritu ng inyong Ama ang magsasalita sa pamamagitan ninyo. “Ipagkakanulo ng kapatid ang kanyang kapatid upang ipapatay; gayun din ang gagawin ng ama sa kanyang anak. Lalabanan ng mga anak ang kanilang mga magulang, at ipapapatay. Kapopootan kayo ng lahat dahil sa akin; ngunit ang manatiling tapat hanggang wakas ang siyang maliligtas. Kapag inuusig nila kayo sa isang bayan, tumakas kayo sa kasunod. Sinasabi ko sa inyo: hindi pa ninyo napupuntahan ang lahat ng bayan ng Israel ay darating na ang Anak ng Tao.” Sa pag-aaral ng sikolohiya sinasabi na bawat isa sa atin ay nangangailangan ng: Attention, Appreciation, Acknowledgment, Approval, Acceptance at Affection.Ang bawat isa sa mga ito ay patunay na, “Ako, Ikaw, Tayong lahat ay nilikha ng Diyos para may kasama at kailangan natin ang isa’t isa.” Ngunit tila baliktad ito sa Mabuting Balita kung saan binabanngit na, “Kapopootan kayo ng lahat dahil sa akin; ngunit ang manatiling tapat hanggang wakas ang siyang maliligtas.” Sa realidad ng buhay at sa ating pang-karaniwang karanasan, malimit nating nararamdaman na hindi tayo belong’ sa mundong ito lalo na kung hangad nating magpakabuti at magpakabanal. Gayun pa man, sa ating pagtahak sa daan ng kabanalan, mahalagang matutunan ang tunay na pagmamahal na ang pangunahing sangkap ay sakripisyo - mula sa mga salitang Sacra (holy) + Facere (to do/ to make)= to do and make holy. Ang sakripisyong ito, tulad ng pagdanas ng pagkapoot ng mundo dahil sa pagsunod at pagtugon kay Hesus ay isang pagkakataon upang makibahagi tayo sa pagbubuhat at pagpapasan ng ni Hesus sa krus para sa kaligtasan ng lahat. Tandaan, nakaranas ding kapootan ang ating Panginoon, kaya dapat maging handa rin tayo. Tularan natin at gawing huwaran si Hesus na ating Kaibigan. “If you want to love Jesus, first you must know how to suffer, because suffering teaches us to love.” (St. Gemma Galgani)

HULYO 7, 2022 – Huwebes sa Ika – 14 na Linggo sa Karaniwang Panahon

Beato Pedro To Rot

Ebanghelyo: Mt 10:7-15

Sinabi ni Hesus sa Labindalawa: “Ipahayag ang mensaheng ito sa inyong paglalakbay: ‘Palapit na ang Kaharian ng Langit’. Pagalingin ang maysakit, buhayin ang patay, linisin ang mga may ketong at palayasin ang mga demonyo. Ibigay n’yo nang walang bayad ang tinanggap n’yo nang walang bayad. Huwag magdala ng ginto, pilak o pera sa inyong mga bulsa. Huwag magdala ng balutan o sobrang damit o sandalyas o tungkod sapagkat nararapat ang manggagawa sa kanyang ikabubuhay. Pagdating n’yo sa isang bayan o baryo, maghanap ng isang taong karapat-dapat at sa kanya makituloy hanggang sa inyong pag-alis. Pagpasok n’yo sa isang tahanan, dasalan ito ng kapayapaan. Kung karapat-dapat ang sambahayang ito, sasakanila ang kapayapaang dinasal n’yo; kung hindi naman karapat-dapat, babalik sa inyo ang inyong dasal. At kung may bahay o bayang hindi tatanggap sa inyo o makikinig sa inyong mga salita, lumabas sa bahay o bayang iyon at ipagpag ang alikabok sa inyong mga paa. Sinasabi ko sa inyo, mas magiging magaan pa sa araw ng paghuhukom para sa mga taga-Sodom at Gomorra kaysa bayang iyon.”

Pagninilay:

Minsan po akong tinanong, brother bakit pinahintulutan ng Diyos mangyari ang pandemya? (Dahil sa mga gulo at ingay ng mundo) Bakit parang hindi pinapanigan ang Diyos ang totoo at mabuti? Hindi ako nakasagot. Sa ating Mabuting Balita, sinasabi ni Hesus, malapit na ang kaganapan ng Paghahari ng Diyos. Pagalingin ang maysakit, buhayin ang patay, palayain ang mga inaalihan ng demonyo. Aba kung magkagayon, Maraming ngingiti, maraming gagaan ang kalooban, mas maraming magpupuri sa Diyos. Gayunpaman, para bang hindi ito ang nangyayari. Dahil sa pandemya mas maraming nagkakasakit at namamatay. Marami pa ring alipin ng mga makamundong gawain. Maraming taong mistulang pilay na, dahil sa hirap ng buhay. Mga kapanalig, hindi lamang sa mga madre, pari, relihoso’t at piling mga layko ang misyong ito na iniatas ni Hesus. Sa binyag tayong lahat ay naging kasapi sa misyong ito. Kaya naman hari nawa na sa pag-iral natin sa buhay na ito patuloy na madama sa ating presensya at pasensya si Hesus—kahit mahirap ang buhay, kahit parang tinatalo tayo ng kasamaan—patuloy nating itaguyod ang misyon ni Hesus. Dahil, kung saan nananaig ang kabutihan, naitataguyod ang katotohanan at nananahan ang pag-ibig, doon tunay at nagiging ganap ang paghahari ng Diyos. Amen. Bro. Vinz

 GOSPEL POWER l JULY 6, 2022 - Wednesday of 14th Week in Ordinary Time

Saint Maria Goretti, virgin and martyr

Gospel: Mt 10:1-7 

1 Jesus summoned his twelve disciples and gave them authority over  unclean spirits, to cast them out, and to cure every disease and every  sickness. 2 These are the names of the twelve apostles: first, Simon,  also known as Peter, and his brother Andrew; James son of Zebedee,  and his brother John; 3 Philip and Bartholomew; Thomas and Matthew  the tax collector; James son of Alphaeus, and Thaddaeus; 4 Simon the  Cananaean, and Judas Iscariot, the one who betrayed him. 5 These  twelve Jesus sent out with the following instructions: “Go nowhere  among the Gentiles, and enter no town of the Samaritans, 6 but go  rather to the lost sheep of the house of Israel. 7 As you go, proclaim  the good news, ‘The kingdom of heaven has come near.’”

Since Jesus is the image of the invisible God (cf. Col 1:15),  his actions allow us to glimpse the intentions and ways of  God. In today’s Gospel episode, the God whom Jesus reveals  is the God who desires the involvement of human beings in bringing  his eternal plan to completion. Despite the human tendency to mess  up, God continues to risk, offering us every chance to take part in  the divine project. If there is anyone who believes in us tirelessly,  never giving up on us, it is God. Thus, we see Jesus taking the risk  to share his divine powers with his disciples who, despite their good  intentions, still bear the dark human tendency to play god and abuse  power. But the God revealed in Jesus is not an insecure deity who  wants to be the sole repository of power. God empowers but also  ensures that the powers can never be abused. The powers Jesus  shares with his disciples are powers to serve others. And the power  given us, Christians, is the Holy Spirit — the power that will transform  us into new creatures.

Lord Jesus, may God’s passion to involve us in the divine plan draw us out of passivity and inaction. Amen.

HULYO 6, 2022 – Miyerlules sa Ika – 14 na Linggo sa Karaniwang Panahon

Santa Maria Goretti, Dalaga at Martir

Ebanghelyo: Mt 10:1-7

Tinawag ni Hesus ang Labindalawa niyang alagad at binigyan sila ng kapangyarihan sa maruruming espiritu para palayasin ang mga ito at pagalingin ang lahat ng sakit at karamdaman. Ito ang mga pangalan ng labindalawang apostol: una, si Simong tinatawag na Pedro, at ang kanyang kapatid na si Andres; si Jaime na anak ni Zebedeo, at ang kapatid nitong si Juan; sina Felipe at Bartolome, Tomas at Mateo, na tagasingil ng buwis; si Jaimeng anak ni Alfeo, at si Tadeo; si Simong Kananeo, at si Judas Iskariote na magkakanulo sa kanya. Sinugo ni Hesus ang labindalawang ito at pinagbilinan: “Huwag kayong lumiko papunta sa mga pagano at huwag pumasok sa bayang Samaritano. Hanapin ninyo ang nawawalang tupa ng sambayanan ng Israel. Ipahayag ang mensaheng ito sa inyong paglalakbay: ‘Palapit na ang Kaharian ng Langit.’”

Pagninilay:

Ang mga apostoles ay nagmula sa iba’t-ibang lugar, may iba’t-ibang trabaho at family background, iba’t-ibang antas ng pinag-aralan, at may iba’t-ibang ugali. Nguni’t silang lahat, ay pinili ni Hesus, di alintana ang kanilang pagkatao, upang maging kabahagi sila ng Kanyang buhay at ng Kanyang misyon. Napakagandang isipin na katulad ng mga apostoles, ikaw at ako, ay itinatangi at tinatawag din ng Diyos, upang maging kabahagi ng buhay ni Hesus. Ang salitang apostol, ay nagangahulugang “ipinadala.” Bakit sila pinili ni Hesus at ipinadala? Dahil may misyon sila at ang kanilang mensahe: “Nalalapit na ang kaharian ng langit.” Ang kaharian ng langit, ay ang kaharian ng Diyos. Tulad ng mga apostoles, tayo rin ay tinatawag na isabuhay at ipahayag ang kaharian ng Diyos, sa ating pakikisalamuha sa ating kapwa. Sa ating pagsisikap na gumawa ng kabutihan sa mga nagdurusa, sa mga may kapansanan, sa mga maysakit, ay maiibsan ang kanilang pagdurusa at madarama nila ang presensya ng Diyos. Masasabi kaya ng sinuman, na ang kaharian ng langit o ang kaharian ng Diyos ay nalalapit na, sapamamagitan ng ating pakikipag-kapwa at pakikipag-ugnay sa kanila? Ang Diyos na sumasaating puso, ang magpapahayag nito, sapamamagitan ng ating pag-aaruga, pang-unawa at pagmamahal sa ating kapwa. Sr Divina

GOSPEL POWER l JULY 5, 2022 - TUESDAY

14th Week in Ordinary Time

Gospel: Mt 9:32-38 

32A demoniac who was mute was brought to Jesus. 33And when the  demon had been cast out, the one who had been mute spoke; and  the crowds were amazed and said, “Never has anything like this been  seen in Israel.” 34But the Pharisees said, “By the ruler of the demons  he casts out the demons.” 35Then Jesus went about all the cities and  villages, teaching in their synagogues, and proclaiming the good news  of the kingdom, and curing every disease and every sickness. 36When  he saw the crowds, he had compassion for them, because they were  harassed and helpless, like sheep without a shepherd. 37Then he said  to his disciples, “The harvest is plentiful, but the laborers are few;  38therefore ask the Lord of the harvest to send out laborers into his  harvest.” 

The reaction of the Pharisees to Jesus’ successful  exorcism is similar to what we call today “bullying.”  They assert their own superiority through verbal abuse  aimed at discrediting Jesus in the eyes of the crowds who witnessed  the powerful deed. In this Matthean version of the episode, Jesus  demonstrates that the most effective way to silence such bullies is  to ignore them. Secure in his identity and committed to his mission,  Jesus refuses to be lured into a petty quarrel that can distract him  from his more important concerns. Thus, he walks away without a  word to continue his mission. He has been sent into the world to  embody God’s compassion for his people, and nothing could deter  him from doing that. 

Lord Jesus, help us to have that single-hearted focus on the greater things of God, and thus shun pettiness. Amen.

HULYO 5, 2022 – Martes sa Ika – 14 na Linggo sa Karaniwang Panahon

San Antonio Maria Zaccaria, Pari

Ebanghelyo: Mt 9:32-38

May nagdala kay Hesus ng isang lalaking pipi na inaalihan ng demonyo. Nang mapalayas niya ang demonyo, nakapagsalita ang pipi kaya namangha ang mga tao at kanilang sinabi: “Wala pang nangyaring ganito sa Israel.” Ngunit sinabi naman ng mga Pariseo: “Nagpalayas siya ng demonyo sa tulong ng pinuno ng demonyo.” At nilibot ni Hesus ang mga bayan at mga nayon; nagtuturo siya sa kanilang mga sinagoga, nagpapahayag ng Mabuting Balita ng Kaharian at nagpapagaling ng lahat ng sakit at karamdaman. Nang makita niya ang makapal na tao, naawa siya sa kanila sapagkat hirap sila at lupaypay na parang mga tupang walang pastol. At sinabi niya sa kanyang mga alagad: “Marami nga ang aanihin at kakaunti naman ang mga manggagawa. Idalangin ninyo sa Panginoon ng ani na magpadala siya ng mga manggagawa sa kanyang ani.”

Pagninilay:

Narinig mo na ba ang salitang “catharsis”? Proseso ito ng pagpapalaya, paglilinis, paglalabas ng galit, stress, takot, o trauma sa ating puso. Tawagin natin itong heart catharsis. Ito ang paghuhugas ng dumi ng puso, ang pagpapalaya ng anumang humahadlang o bumabara sa maayos na daloy ng pakikipag-ugnayan natin sa Diyos at sa ating kapwa. Kaya’t buong pagmamahal na pinagaling ni Jesus ang pipi. Nakalaya ang kanyang puso sa tulong ng awa at pagmamahal ni Jesus.   Nakalag ang kanyang dila at masayang nakapagsalita. Salungat sa kalooban ng mga Pariseo, na nababalutan ng agiw ang kanilang puso. Dinudumihan ng bahid ng malisya ang katotohanan. Si Jesus, demonyo? Saang balon nila sinalok ang kaisipang ito? May masamang sintomas sa kanilang kalooban, kailangang i-catharsis ang mga tinatago nilang takot at galit sa puso. Mas mabuti pa sana na hindi sila nagsalita, sa pagbigkas naman pala wala kang masasalang tama. Ganyan sa social media, kay daming posts na puno ng malisya. Hindi naman yun ang intensyon, pero ginagawan ng ibang kahulugan. Noon at ngayon, hindi nagbabago ang panawagan ni Jesus na maging manggagawa ng Kanyang ubasan. Ano nga ba ang mga ubasan ngayon? Isa dito ang larangan ng komunikasyon, lalo na ang pangmalawakang komunikasyon sa pamamagitan ng websites at mga apps. Tayo naman ang panibagong manggagawa. Tayo ang mga active users to create and share contents. Yun bang, hindi lang basta may ginagawa kundi tiyak na gumagawa nang may kapayapaan at katotohanan. Mga social media users na grounded sa kanilang emotions, at rooted sa pagpapanibago ng sarili, na nagbubunga ng inspiring posts. Sabi nga ni Pope Francis sa mga Paolinong pari at brothers, bilang pagtatapos ng kanilang Eleventh General Chapter: “Transform to transform the world”. Hindi nalalayo ang panawagan ng ating Panginoon sa mga young ones, tungkol sa kanilang pinopost na “story”. Hindi lang entertaining but life-changing stories. Mga kabataang babad kung ano ang nagaganap sa kanilang kalooban at nag-sishare ng down to earth experiences at lessons in life. By the way, pinupuri ko rin ang mga ka-message ko, expressing their desire na italaga ang sarili, tulad ng pagpapari at pagmamadre, sa pagpapalaganap ng good news sa social media. Ikaw, kapanalig, gaano katindi sa iyo ngayon ang panawagan ni Jesus Maestro? Sa mga victims ng trolling, cyberbullying, cancelling, identity theft, violence and crime sa digital at social media, carry pa ba ito ng puso mo? Be courageous! Tuluyang mag-heart catharsis. Alam kong marami sa inyo ang nagdidiscern. Gusto mo n’yo na ba ngayong tumugon?   Sr Gemma