Perspektief

Jannie Pelser en gaste, Prof. Louise du Toit, Prof. Jan Venter en Prof. Andre Duvenhage gesels vandag oor: Verkiesings hier en oorsee – en wat dit vir Suid-Afrika kan beteken Perspektief

Jannie Pelser en gaste, Louise du Toit en Pieter Duvenage kyk vandag na die dramatiese golf van burgerlike onrus wat deur Frankryk spoel, waar massiewe besuinigingsmaatreëls en ineenstortende openbare infrastruktuur tot hewige botsings, massa-arrestasies en wydverspreide ekonomiese gevolge gelei het. Maar hierdie is lankal nie meer net 'n Franse probleem nie. Van studente-stakings in België en Italië tot behuisingsonluste in Spanje—Europa staar 'n woedende herfs van ekonomiese ontevredenheid in die gesig wat dreig om sy politieke landskap te herdefinieer. Perspektief

Jannie Pelser en gaste, Prof. André Duvenhage, Roland Henwood en Dr. Oscar van Heerden gesels oor die 4de November, waar Suid-Afrikaners na die stembusse gaan om nuwe munisipale rade te verkies. Dit gebeur teen die agtergrond van ernstige vrae oor dienslewering, finansiële bestuur en die vermoë van munisipaliteite om aan inwoners se basiese verwagtinge te voldoen. Politieke partye en kandidate is in die laaste fase van hul veldtogte om kiesers se steun te werf. Maar hoe groot is die publiek se belangstelling? Wat sê die groot verskeidenheid politieke keuses oor die toestand van ons demokrasie? En watter verskil kan hierdie verkiesing werklik aan plaaslike bestuur maak? Perspektief

Suid-Afrika staan aan die vooraand van plaaslike regeringsverkiesings. Op Woensdag 4 November kry kiesers landwyd die geleentheid om hul stemme uit te bring en te help bepaal wie die volgende vyf jaar die munisipaliteite sal bestuur. Jannie Pelser en gaste, Ds Barnard Steyn, Dr Andre van Niekerk en Ds Danie Mouton gesels oor die Christen en die plaaslike verkiesing: moet hul stem, swyg of wegbly? Perspektief

Jannie Pelser en gaste, Dr Braam Hanekom, Jan Bosman en Dr Coetzee Bester gesels oor of Suid-Afrika nog 'n gemeenskaplike "ons" vind? Perspektief

Jannie Pelser en gaste, Prof. Fanie Snyman, Prof. Hennie Stander en Prof. Cobus van Wyngaard gesels oor die Kruis in branding. Die gebruik van ongeveer 3 000 kruise wat onlangs in Washington opgerig is, met die doel om volgens die organiseerders internasionale aandag op geweld teen die boerderygemeenskap te vestig, het heelwat gesprek ontlok. Dit bring ons by ’n breër vraag: Waarom die kruis? Wat beteken hierdie simbool, waar kom dit vandaan, en wat gebeur wanneer die kruis vir ’n bepaalde boodskap of saak ingespan word? Perspektief

Jannie Pelser en gaste, Prof. Antoni van Nieuwkerk, Prof. Andre Duvenhage en Gert van der Westhuizen gesels oor die verhouding tussen Suid-Afrika en die Verenigde State wat die afgelope tyd weer merkbaar versleg het. Die jongste ontwikkeling is Washington se besluit om reis- en visumbeperkings teen sekere Suid-Afrikaanse persone in te stel, te midde van toenemende diplomatieke spanning tussen die twee lande. Maar hoe het ons hier gekom? Wat lê agter die huidige ongemak tussen Pretoria en Washington, en waarheen kan die verhouding van hier af beweeg? Perspektief

Ons is vandag 49 dae weg van die plaaslike regeringsverkiesing op 4 November 2026. Dit is die verkiesing wat sal bepaal wie in ons munisipale rade gaan sit en hoe plaaslike regering daarna saamgestel en bestuur word.

Vir die meeste Suid-Afrikaners is dit die regeringsfeer wat die naaste aan hulle daaglikse lewe staan – sake soos water, elektrisiteit, paaie, vullisverwydering, infrastruktuur en plaaslike ekonomiese ontwikkeling.

Jannie Pelser en gaste, Prof. Pieter Duvenage, Ismail Joosub en Prof. Jan Venter gesels oor hierdie tema vandag. Perspektief

Nagenoeg 700 predikante en diensleraars van die NG Kerk het onlangs by ATKV Goudini bymekaargekom vir ’n besondere tyd van samesyn, lof en aanbidding, gesprek, ontspanning en onderlinge koinonia.

Dit was doelbewus nie ’n sinodesitting, konferensie of gewone kerkvergadering nie. Die bedoeling was eerder om ruimte te skep waar predikante kon asemhaal, saam bid, kuier, groei en vier – en opnuut kon onthou dat hulle nie alleen in hulle roeping en bediening staan nie. Hier om ’n bietjie meer daarvan te vertel, is: Dr Maartje van der Westhuizen, Ds Rudie Swanepoel en Ferreira Marais Perspektief

Die wêreld is ’n besige plek. Wat internasionaal en plaaslik gebeur, raak uiteindelik ook Jan en Alleman - die tema waaroor Jannie Pelser en gaste, Prof. André Duvenhage en Prof. Hein Willemse vandag gesels Perspektief