Fil, glin, ina guglia – e lura dai. Saira per saira favscheva la matta grischuna pitg a crusch per pudair preschentar sco spusa ina bella dota.

Per onns ed annorums era il connex cler. Pli gronda la parada, pli brava la matta e pli ritga la famiglia. Lavur a maun era chaussa da las dunnas, dentant relevanta cunzunt per la vanagloria dals umens. Questa interacziun da pitg a crusch e la valur da la dunna prendain nus sut la marella. Cun la directura dal Museum retic, Andrea Kauer che tgira il pli grond stgazi textil en Grischun, cun il directur artistic dal Museum d'art, Stephan Kunz che mussa actualmain ch'ins sa er far art cun fil e guglia e cun l'artista afgana Latifa Zahar Attaii, che protestescha tras ses retgams.