Ina prevista sin in'exposiziun che preschenta l'istorgia da la musica populara en il Grischun.

Sonda proxima cumenza en il museum retic a Cuira in'exposiziun tut speziala. Quella è deditgada a la musica populara en il Grischun e porta il titel: grenzenlos lüpfig. I dat da vesair e d'udir bler: tocs da cumponists impurtants sco Paul Kollegger, Luzi Brüesch e Luzi Bergamin, Josias Jenny, Stefan Battaglia, Hans Fischer e Peter Zinsli. E lura datti er ina staziun nua ch'ins po tadlar in pèr da nossas emissuns, da la populara da RTR. L'emissiun dad oz deditgain nus plainamain a questa exposiziun e preschentain chapellas e cumposiziuns che vegnan tematisadas.