“Planeti Visa ilə kəşf edək” rubrikasının qonağı “Neway Academy” xarici dil mərkəzinin təsisçi və direktoru Elnur Quliyev oldu. Qonağımızla Norveç, Danimarka və İsveç səyahətindən söhbət  açdıq.

Amerika Birləşmiş Ştatlarında yaşamaq, iş qurmaq və təhsil almaq həqiqətən sadəcə xəyaldır? Bu müsahibədə İtaliya və ABŞ-də təhsil almış, hazırda Mayamidə onlayn çalışan Fidan Əlizadə ilə Amerikada immiqrant həyatının bütün reallıqlarını danışdıq.

Bu buraxılışımızda ailəvi səyahət həvəskarı Rəna Cəbrailova ilə birlikdə Kapadokya hava şarı turları, qiymətlər, Tbilisi yarımmarafonu, Misir turları və Avropada ucuz səyahət haqqında danışdıq.

Avropada pulsuz magistr təhsili almaq, hər semestr başqa ölkədə (Litva, Almaniya, İsveç) yaşamaq və Formula 1 üzrə qlobal kontent kreytor olmaq! SoMu (Social Linguistics and Multilingualism) proqramı tələbəsi Səbinə Məcidli bu videoda Avropada qarşılaşdığı bürokratik çətinliklərdən, alman dəqiqliyi mifindən və Formula 1 təcrübələrindən danışır. Bu suallara cavab tapacaqsınız:

• SoMu təqaüd proqramına necə müraciət etmək olar?

• Almaniyada transport gecikmələri və 30 saatlıq qatar kabusu!

• Televizorunuz olmasa belə Almaniyada ödəyəcəyiniz MƏCBURİ vergi nədir?

• Qlobal Formula 1 kontent kreytoru necə olunur?

• Avropada iş imkanları, kirayə mənzil və tələbə yataqxanaları.

Aparıcılar: Rəhman Rəsulov
Qonaq: Səbinə Məcidli

Xaricdə təhsil almaq, Avropada yaşamaq və təqaüd proqramları (Macarıstan Hökumətlərarası Təqaüdü, Çin Təqaüdləri və s.) haqqında ən son yeniliklər! Təhsil mütəxəssisi Aytac Hüseynəliyeva 1 il Litvada yaşamaq təcrübəsindən, Polşa, Macarıstan, Çin və Cənubi Koreya universitetlərinə qəbul şərtlərindən danışır. Verilişdə aşağıdakı suallara cavab tapa bilərsiniz:

• Avropa ölkələrinə (Polşa, Macarıstan) dil sertifikatsız qəbul olmaq mümkündür?

• Çin və Cənubi Koreyada təhsil almağın üstünlükləri və təqaüd imkanları hansılardır?

• Litvada yaşayış xərcləri, nəqliyyat sistemi, milli mətbəx ("Şaltibarşçəi") və "Užupis" respublikası.

• Avropada 1 il yaşadıqdan sonra Azərbaycana qayıtmağın səbəbləri.

• Turistlər üçün unikallıq: Maqnit əvəzinə xüsusi Postkart biznesi ideyası.

Aparıcılar: Rəhman Rəsulov

Qonaq: Aytac Hüseynəliyeva

Avropaya səyahət etməzdən əvvəl bilməli olduğunuz bütün həqiqətlər! İsgəndər İbrahim bu videoda Fransa (Parij, Lion, Marsel), Çexiya (Praqa), Avstriya (Vyana, Halştat), Macarıstan (Budapeşt) və İtaliya səfərlərindən ən maraqlı təcrübələrini, qiymətləri və təhlükəsizlik qaydalarını bölüşür. Bu verilişdə cavab tapacaqsınız:

• Lion nə üçün Fransanın həqiqi mətbəx paytaxtıdır?

• Marseldə turistləri gözləyən kriminogen təhlükələr hansılardır?

• Luvr muzeyinə necə növbəsiz və pulsuz bilet almaq olar?

• Xaricdə pasport itirdikdə konsulluq vasitəsilə 5 dəqiqəyə sənəd bərpa etmək qaydası.

• Vyana, Praqa və Budapeşt gecə həyatı müqayisəsi.

 Aparıcı: Rəhman Rəsulov
Qonaq: İskəndər İbrahim

Niderlandda yaşamaq, düzgün qidalanma, stresin orqanizmə təsiri və Avropa həyat tərzi haqqında bilmək istədiyiniz hər şey bu müsahibədə!

2002-ci ildən Avropada, 2006-cı ildən isə Niderlandda (Hollandiya) yaşayan sosial psixoterapevt İlkanə Yusifova ilə Avropada ailə dəyərləri, sağlam həyat tərzi, iş-həyat balansı (work-life balance) və qidalanma mədəniyyətini ətraflı müzakirə etdik.

Söhbət zamanı mövsümi qidaların faydaları, qida qatqıları (E-nömrələr), stresin bağırsaq mikroflorasına (gluten və iltihab prosesləri) təsiri kimi sağlamlıq mövzularına toxunduq. Həmçinin Niderlandın qədim su dəyirmanları adətləri, atalıq məzuniyyəti, doğuşdan sonra ailələrə göstərilən dövlət və tibbi dəstək, eləcə də korporativ iş mühiti haqqında maraqlı faktlar açıldı.

"Welcome Travel Azerbaijan" turizm şirkətinin rəhbəri Emin Quliyev "Planetləri Visa ilə kəşf edək" layihəsində gəlmə və gediş turizminin cari vəziyyəti, Şengen vizası alarkən yaşanan əsas çətinliklər, saxta turagentlərdən qorunma yolları və xaricdə ucuz istirahət imkanları haqqında danışdı.

Bu buraxılışda Monteneqro, Yunanıstan, Özbəkistan, Qatar (Doha), Hindistan və Nepal istiqamətində səyahət planlamaq istəyənlər üçün vacib məsləhətlər yer alıb.

Cənubi Koreyada 18 ildən artıq yaşayan beynəlxalq biznes mütəxəssisi, Seul şəhərinin ilk azərbaycanlı fəxri vətəndaşı və mədəniyyət elçisi Rahel Əhmədova "Planetləri Visa ilə kəşf edək" layihəsində!

Bu buraxılışda Cənubi Koreyada dövlət təqaüdü ilə təhsil almaq yolları, Koreya cəmiyyətindəki gizli iyerarxiya, koreyalı ilə ailə qurmağın pərdəarxası, Koreya toylarının fərqləri, K-Pop sənayesi, Şimali və Cənubi Koreya arasındakı mədəni fərqlər, Koreya tibbi və Süni İntellekt (AI) startapları haqqında ətraflı həmsöhbət olduq.