Enski sangarin í Free, Paul Rodgers, stovnaði Bad Company saman við limum úr Mott the Hoople og King Crimson. Free hevði hittað við All Right Now, so Paul Rodgers var longu eitt navn í vinnuni. Í desember 2019 fylti hann 70 ár, tá hann framvegis megnaði at reka fólk frá húsum at lurta eftir sær.

Dave A. Stewart og Annie Lennox hittust í London. Saman við Peter Coombes stovnaðu tey í 1976 The Catch, ið síðani bleiv til bólkin The Tourists, sum í 1979 hittaði við I Only Wanna Be With You.

Í 1980 fóru David Stewart og Annie Lennox saman um Eurythmics, hvørs fysta album í 1981, In the Garden, ikki gjørdi nógv um seg. Í 1983 sendu tey tvey album á marknaðin, tað fyrra, Sweet Dreams (Are Made of This), hevði við sær, at Eurythmics bleiv eitt heimsnavn, og tann seinna, Touch, hevði eisini fleiri hitt í sær, eitt nú Who's That Girl.

Bólkurin hevði tikið burtur "The" fyrisetingina í bólkanavninum og stílurin á plátuni varð í høvusðheitum harð-rokkur. Fanny Adams rakk eitt annaðpláss á albumlistanum í Vesturtýsklandi, og Top 30 í Bretlandi.

Nýggjársaftan varð prát sent við Elin Brimheim Heinesen og dóttir hennara, Helenu Heinesen Rebensdorff, sum eisini er sangari og komponistur, og hvørs artistnavn er "Brimheim". Tær greiddu opið frá bæði hugvekjandi, lívsjáttandi, og forðandi royndum.

Í fjør gav Elin Brimheim Heinesen okkum eina fløgu við løgum hvørs tekstir hava støði í lívsgleði og -undran, men eisini mótburði. Millum annað hevur hon roynt at livað saman við tunglyntum manni, eins og hon hevur verið sambúgvi við harðligum manni. Hesum greiðir hon frá í sendingini.

Umframt tónleikinum verður greitt frá sangleikinum, Kielgasten, har Annika Hoydal spældi við. Kim Larsen hevði havt eitt ynski um at spæla leik á palli, nú hann hevði roynt seg sum filmsjónleikari í Midt om natten. Úrslitið var framúr gott, báði hvat leiki og plátu viðvíkir. Leikurin varð spældur í Keypmannahavn og spælitíðin varð longd, men teir vildu ikki út at ferðast við honum, tí báði Larsen og Bellami vildu sleppa at spæla konsertir aftur. Onnur kend løg eru Flyvende sommer og Dengang da jeg var lille.

Talan er um aðru solistplátuna hjá John Lennon. Mest spældu løgini eru Imagine, Jealous Guy, og Gimme Some Truth. Ummælararnir góvu fyrstu Lennon-útgávuni, John Lennon/Plastic Ono Band, frá árinum fyri í 1970 betri skotsmál, men tónleikalurtarin var ikki samdur. Hann vildi heldur hava Imagine, sum ivaleyst er tann størsti klassikarin eftir Lennon. Heitislagið Imagine og Jealous Guy verða framvegis spæld javnan.

Plátan streyk beinanvegin upp á Top 10 í fleiri enn 20 londum, so góða undirtøkan helt fram hjá hesum svenska bólki, ið byrjaði við bólkanavninum Gyllene Tider. Í USA var talan um eina stytta útgávu av Crash! Boom! Bang! upprunaplátuni við heitinum Favorites From Crash! Boom! Bang!. Vit spæla nøkur av løgunum og hoyra um plátuna, men hesin Temaplátutáttur er partvíst eisini ein minnissending um høvuðssangaran í Roxette, Marie Fredriksson, sum doyði mánadagin 9. des. '19. Plátubarrin 14. des. '19.

Løgini Someone Like You og Rolling In The Deep frá "21" eru longu rokk-klassikarar, og annað kent lag frá útgávuni er Set Fire To The Rain. "21" er á Top 20 yvir mest seldu útgávurnar yvirhøvur.

Knút H. Eysturstein hevur samfelagsliga-politiska viðmerking, meðani verturin mest tosar um múrarnar hjá komponistinum, Roger Waters, og bólkinum. Og sigur frá egnari uppliving í fyrrverandi DDR. Samrøðuna við Eysturstein gjørdi Leif Láadal til sendingina Nón tann 12.11.19.

Deja Vu gav einans eina fløgu út. Hon er væl úr hondum greidd og tikin upp í fleiri upptøkuhølum í Føroyum og Danmark. Niclas Johannesen og Óli Poulsen tóku sær av framleiðslu og ljóðblandi.