Tá hon var smágenta flýddi familja hennar' til Danmarkar undan Irak-krígnum. Í dag er hon ein nógv mentur trummusláari og er eisini gift einum trummusláara, Esben Svane, sum millum annað hevur spælt við grand-prix-bólkinum, A Friend In London.

Afturat L.I.G.A útgávum hevur sendingin fimm onnur løg á skránni, eitt nú tvey hjá The Weeknd.

Ihan Haydar og Esben Svane hava vinfólk í Føroyum. Myndin sýnir tey á eini vitjan í Klaksvík í 2018. Jákup Eydnugarð tók myndina.

Talan er um elektroniskan dansi-popp við latínamerikanskum og sponskum íblástri. Í spanskttalandi heiminum vóru stakløgini Loco og El Perdedor eisini vælumtókt. Í Plátubarrini var henda Temaplátan eitt slag av enda- og partytátti áðrenn summarstøðgin. Plátubarrin 30.5.20.

Toto hevði longi havt óskipað viðurskifti viðvíkjandi høvuðssangara. Joseph Williams varð loystur frá uppgávuni miðskeiðis á The Seventh One konsertferðini og fyri hann kom suðurafrikanski Jean-Michel Byron, sum sang fyri á nýggja tilfarinum, ið tikið var við á "Past to Present 1977-1990" savnsútgávuna. Men hann slapp ikki at halda fram, sjálvt um plátufelagið stríddist fyri tí.

Plátubarrin 16.5.20. Prátað verður við Eyðun Nolsøe um útgávuna; tekstir og tónleik. Eisini snýr prátið seg um lívsstøðuna hjá Eyðini í nítiárunum.

Hann sigur sjálvur, at nógv av tilfarinum hevði eina stjóra hjartasorg sum íblástur. Umframt prát eru átta løg við í sendingni.

Higway Star, Lazy, og Space Truckin eru onnur sera kend løg frá Machine Head. Eisini verður eitt av vrakaðu albumløgunum spælt, ið einans varð nýtt sum b-síða á singleplátu, men sum í eftirtíðini hevur ment seg til ein Purple-klassikara av teimum stóru.

Í táttinum verður partur av Deep Purple-søguni sagdur, eisini hoyra vit um serliga hending í samband við upptøkuna í Montreaux í Sveis.

Harumframt er stutt samrøða við Ian Gillan, sangara í Deep Purple, við í sendingini. Plátubarrin 9.5.2020

Trý ár undan Slowhand hevði Eric Clapton verið ovast á popptindunum við I Shot The Sheriff, men rúsevnini elvdu til innisælu og mistrivnað. Her í 1977 er hann leysur av teimum, men mennir ístaðin alkoholismu.

Her í sendingini verður tema-útgávan umrødd og spæld, eins og vit hoyra um tónleiklívið hjá hesum gittaristi og sangara. Harafturat greiðir verturin frá serligu barnáárum Claptons, og einum minst líka serstakum hjúnabandi.

 

Plátubarrin 2.5.2020

Onnur í eini røð við trimum Eurythmics tema-sendingum í Plátubarrini, frá januar til ársenda í 2020. Útgávan Be Yourself Tonight var tann fyrsta ordiliga góða album-útgávan hjá bólkinum Eurythmics, sum við teimum trimum fyrstu hevði gjørt eins og nógvir aðrir tónleikarar tá; skrivað tvey hitt og so roynt at sett okkurt miðalgott saman til eina heila LP-plátu. Men hetta var nakað annað, eisini var tónleikurin broyttur til ein rokkstíl við Motown- og aðrari ávirkan, sum veruligir tónleikarar spældu. Synthpoppurin var lagdur á hyllina, tó hann framvegis spøkti í støðum.

Fulla heitið er: "Syngjum veiruna í burtu, öllum frjálst að leggja sitt af mörkum", meðan felagssangurin kallast "Veiran", sum er íslendskt fyri virus.

22 milliónir eintøk eru seld av History: Past, Present and Future, Book 1, sum veruliga heitið á hesi tví-útgávu er. Fyrra fløgan í pakkanum er eitt savn við kendum løgum, meðan tann seinna, Temaplátan, hevur einans løg, sum Michael Jackson ikki hevði givið út frammanundan. Talan var um næstseinastu studio-plátuna, sum Jackson gav út í síni livitíð. Tann seinasta frá 2001, Invincible, hevur ongar rokk-klassikarar í sær.

Talan er um sætta albumið hjá Volbeat, sum er danskur rokkbólkur, ið síðan 2013 hevur havt nógvan undanvind. Temaplátan, Seal the Deal & Let's Boogie, rakk til fjórðaplássið á Billboard 200 og tað hevði einans ein danskur bólkur roynt áður.

Sjangruliga er talan um meira dent á rock and roll, enn heavy metal, hvat ein kann siga hevði verið øvugt á fleiri fyrr útgivnum Volbeat plátum. Ikki øll vóru fegin um hetta skiftið, men afurfyri vann bólkurin eina størri og fjølbroyttari lurtarafjøld.