#hoxeenArousaPontevedraDíaaDía

#de12a1430

O alcalde de Vilagarcía, Alberto Varela, amosaba esta mañá a súa “nova decepción” cos Orzamentos da Xunta para o ano que ven xa que “as únicas partidas para a cidade con nomes e apelidos son melloras na Edar, e dragaxes en Carril e Vilaxoan”.

O rexedor asegura que non se contempla inversión en saneamento da ría, nin hai partida nominativa para reformas no centro de saúde. Tampouco aparecen as beirarrúas en Bamio, a estación intermodal ou a ampliación do Polígono do Pousadoiro.

Segundo Varela, o PP reparte fondos segundo quen goberne en cada sitio e por eso pide ao goberno galego un mínimo de obxetividade creando partidas como a dos Plan Concellos da Deputación.

#hoxeenArousaPontevedraDíaaDía

#de12a1430

Os Concellos de Cambados e Ribadumia iniciarán o vindeiro mércores unha actuación de mellora de seguridade viaria no acceso ao Polígono Industrial de Sete Pías.

As obras contan cun investimento de 120.000 euros, financiados con fondos europeos a través da Xunta de Galicia e participación municipal do 20%.

Pavimentarase o vial dende a entrada do Polígono ata a nave do Viveiro de empresas, realizarase a sinalización viaria e instalaranse sumidoiros de pluviais para evitar os actuais anegamentos.

Os traballos afectarán a circulación rodada xa que durante as obras permanecerá cortado un carril de acceso.

Os detalles nolos contaban esta mañá o Concelleiro de Obras e Servizos, Samuel Lago, e o de Economía e Facenda, Xurxo Charlín, durante a presentación do proxecto.

#hoxeenArousaPontevedraDíaaDía

#de12a1430

A asociación O Batuqueiro de Cambados pide ao Concello que axilice a posta en funcionamento dos semáforos instalados pola Xunta no cruce de Sineiro, en Vilariño.

O colectivo asegura que por parte da administración autonómica e dende Fenosa todos os trámites están resoltos e que agora depende do Concello.

I é que alegan que a Xunta non pintará os pasos de peóns ata que funcionen os semáforos para evitar que a xente cruce sen estar regulado, segundo explicaba esta mañá o presidente da asociación, José Rodríguez.

Dende o goberno local, o Concelleiro de Obras e Servizos, Samuel Lago, asegura que comparte a preocupación do colectivo pero dí que están pendientes de que a Xunta e a Deputación pinten os pasos de peóns nos viais da súa titularidade para proceder á posta en funcionamento dos semáforos.

Asimesmo, Samuel Lago lembraba que están esperando resposta da Xunta para a instalación de semáforos en Castrelo, no cruce de O Facho e diante do colexio de Os Salesianos, solicitados antes das eleccións.

#hoxeenArousaPontevedraDíaaDía

#de12a1430

A Asociación de Autismo Bata celebra o seu 30 aniversario cunha Gala que terá lugar este sábado 19 de outubro a partir das 17 horas no Salón García de Vilagarcía.

A Gala estará presentada por catro persoas con Trastorno de Espectro Autista e contará coa presencia do investigador Ángel Carracedo e o doutor Luis Simarro.

Ademáis de charlas e reflexións sobre vivencias e experiencias relacionadas co espectro autista, a cita contará coa actuación da Asociación Nos de Sobradelo na que usuarios de Bata tamén aprenden baile galego ou a tocar a pandeireta.

Asimesmo, Bata fará entrega de dous dos seus premios "Patacón" a colaboradores da asociación que axudan á inclusión deste colectivo na vida diaria.

A Gala foi presentada esta mañá na sede da Asociación por parte do presidente do colectivo, Mario Trigo, acompañado da vicepresidenta Mónica Santos e da concelleira de servizos sociais de Vilagarcía, Tania García.

#hoxeenArousaPontevedraDíaaDía

#de12a1430

A dirección do IES Castro Alobre de Vilagarcía emprenderá medidas e presentará denuncia contra a estafa realizada por un home que no nome do centro educativo timou a varias ducias de comerciantes e hosteleiros da vila.

O individuo en cuestión recadaba diñeiro para un suposto torneo de fútbol pedindo entre 40 e 50 euros.

Tras ter coñecemento dos feitos, a dirección do Instituto, a través do seu perfil oficial de Facebook, alertou da situación negando toda relación co acontecido.

“Queremos dar un aviso desde a dirección e rogamos difusión para atallar o problema canto antes: parece ser que se está a recadar diñeiro nos comercios locais, co nome do Castro Alobre, para un suposto torneo deportivo. Queremos negar toda relación con esa recadación de cartos, facer chegar esta mensaxe a todos os establecementos da localidade para evitar que se siga facendo un uso fraudulento do nome do noso centro e, por suposto, queremos transmitir tamén ás persoas afectadas, que daremos parte ás autoridades e tomaremos as medidas oportunas”.

Tamén dende a Asociación de Comerciantes Zona Aberta enviouse unha comunicación a todos os asociados e establecementos da vila advertindo da estafa e instando á denuncia pertinente, tal como nos explica a presidenta da Asociación, Rocío Louzán.

#hoxeenArousaPontevedraDíaaDía

#de12a1430

Vilanova estreará o próximo 31 de outubro unha nova Escola de Artes, impulsada por un xoven músico do municipio-

Estará ubicada no Teatro Valle Inclán e o alumnado poderá aprender artes escénicas, artes plásticas, baile moderno, batería, batucada, combo e fotografía.

Os cursos están dirixidos a todas as idades con prezos dende 30 euros ao mes.

Previamente á súa inaguración, celebraranse xornadas de portas abertas os días 28, 29 e 30 de outubro de 20 a 22 horas

Os contidos da nova Escola nolos conta o promotor e director da iniciativa , Nolo Chazo, durante a presentación da mesma.

#hoxeenArousaPontevedraDíaaDía

#de12a1430

O sindicato CIG e outras oito organizacións e diversos colectivos convocan para este domingo 20 de outubro unha manifestación a nivel de Galicia baixo o lema "Por un monte galego con futuro" que sairá as 12 horas do mediodía dende a Alameda de Santiago de Compostela.

As organizacións denunciaban esta mañá en Vilagarcía as políticas de montes do PP que, ao seu entender, "promoven o monte abandonado para instalar industrias, crear zonas de lecer como campos de golf e cotos de caza, ou construir centros comerciais e zonas residenciais".

Ademáis, consideran que estas políticas "erradas", co cultivo de eucalipto e a privatización dos montes propician os lumes".

Dende as formacións convocantes consideran que "o monte ten futuro pero pasa por mudar as políticas do PP".

Neste senso, piden "a anulación da actual proposta de revisión do Plan Forestal de Galicia e a elaboración dun novo documento que parta de información actualizada sobre a situación do monte galego, dunha participación equilibrada de todos os axentes sociais, e que siga como principios reitores a diversidade de hábitats e especies, a multifuncionalidade de usos, o fomento do arborado autóctono, o mantemento dos servizos ecosistémicos, a non privatización dos montes veciñais, a creación de emprego e a sustentabilidade económica e social".

Para acudir á manifestación do 20 de outubro en Santiago, o sindicato CIG porá a disposición autobuses que sairán dende Vilagarcía. As inscripcións deberán facerse no número de teléfono 986505323.

Así o explicaban esta mañá en Vilagarcía representantes dos colectivos convocantes: Anxo Lúa, representante do sindicato CIG, acompañado de Alfredo Pereira, Presidente das Comunidades de Montes de Galicia, de Manuel Dacal coordinador da Federación Fruga e de Ramón Bueno, Presidente Mancomunidade de Montes de Vilagarcía.

#hoxeenArousaPontevedraDíaaDía

#de12a1430

O Partido Socialista presentou esta mañá en Vilagarcía a candidatura da provincia para o Congreso e o Senado cara ás próximas eleccións xerais do 10 de Novembro.

Unha lista coa que o Partido Socialista da provincia pretende contribuir ao desbloqueo do Goberno de España e na que repiten cada un dos candidatos/as que integraron as papeletas nos pasados comicios de abril.

“Unha candidatura que tamén pensa en Arousa ao contrario do resto dos partidos políticos”, dixo o secretario provincial David Regades, en referencia á presencia do vilagarcián Modesto Pose encabezando a lista do Senado e o vilanovés Jorge María López no posto número catro ao Congreso.

David Regades estivo acompañado na presentación da candidatura de parte dos seus integrantes e do alcalde de Vilagarcía, Alberto Varela.

#hoxeenArousaPontevedraDíaaDía

#de12a1430

O Concello de Vilanova iniciou esta mañá os traballos previos para eliminar os problemas de anegamento na Avenida de O Recheo cando chove con intensidade.

A actuación, orzamentada nuns 50.000 euros, provoca hoxe e mañá cortes de tráfico en parte da Avenida González Besada, tal como explica o alcalde, Gonzalo Durán.

#hoxeenArousaPontevedraDíaaDía

#de12a1430

Os xulgados do contencioso pronunciáronse sobre as medidas cautelares coas que o PP solicitaba que se paralizase a constitución da Mancomunidade do Salnés mentres non haxa sentencia sobre a posible ilegalidade da polémica votación en urna en Meaño para a designación dos seus vogais.

Ambos órganos xudiciales, os números 2 e 3 de Pontevedra, coinciden en desestimar a petición do PP e consideran que a Mancomunidade debe seguir adiante coa súa constitución, quedando pendente de resolver se houbo ilegalidade no Pleno de Meaño.

Ambos autos son recurribles ante o Tribunal Superior de Xustiza de Galicia e así o farán os dous demandantes, o grupo municipal de Meaño Independente e un particular.

En todo caso, o auto da maxistrada do xulgado número tres entende que “é posible calificar o caso non exento de certas dubidas (...) que podría ter propiciado (...) un caso encuberto de transfuguismo indirecto”.

Unha consideración esta última que da por feito o o presidente en funcións da Mancomunidade, Gonzalo Durán, polo que se amosaba satisfeito.