#hoxeenArousaPontevedraDíaaDía

#de12a1430

A gastrosexoloxía volve a Cambados con motivo do Día Europeo do Enoturismo.

Concretamente, a actividade desenvolverase este vindeiro venres 8 de decembro no Salón Peña ás 21 horas.

A participación é de balde pero para ocupar as 30 prazas previstas é necesaria inscripción previa no correo [email protected] ou na Oficina de Turismo.

Durante a actividade proxectaranse curtametraxes explicativas sobre as posibilidades de usar contrastes de doce e salgado ou quente e frío para activar os mecanismos que activan o placer.

Ademáis, realizaranse degustacións de productos da comarca como os viños das adegas “Anónimas Vitucultoras”, “Pepa a Loba” e “Viñablanca”, o “gelée” de albariño de Lagar de Besada; tres elaboracións de Pastas Albariñas e cócteles con Augardentes e Licores Tradicionais de Galicia que elaborará o barman do Casino de A Toxa José Soto.

Os detalles nolos contan a alcaldesa, Fátima Abal, e a promotora da iniciativa, a sexóloga Mónica Novas.

#hoxeenArousaPontevedraDíaaDía

#de12a1430

O Concello de Cambados quere difundir o seu patrimonio cultural máis aló do eido local.

Para tal fin, o goberno municipal presentará na Casa de Galicia en Madrid unha ducia de publicacións, representativas das case 50 editadas dende os anos 80, sobre a recuperación da Memoria Histórica e a conservación do Patrimonio Cultural

O acto terá lugar o 14 de novembro ás 20 horas con intervencións de relevantes persoeiros, ademáis da alcaldesa Fátima Abal.

Estarán presentes o Catedrático da Universidade de Santiago e membro da RAG Francisco Fernández Rei, o humorista e escritor José María Pérez “Peridis”, o catedrático de dereito constitucional Javier García Fernández, o secretario de Estado de Educación Alejandro Tiana.

Os detalles nolos contaban esta mañá o promotor da iniciativa, Antonio Magariños, e a alcaldesa, Fátima Abal.

#hoxeenArousaPontevedraDíaaDía

#de12a1430

O Mercado das Flores de Cambados para a celebración de Defuntos abriu hoxe as súas portas no Salón José Peña de Cambados con 24 postos de venda.

Alí están profesionais de toda a comarca, ademáis de veciños e veciñas do municipio que plantan a súa propia flor, seis postos de venda habituais de flores do mercado, e unha florería de Cambados.

O mercado estará aberto entre hoxe e o venres 1 de novembro en horario continuado de 8 horas a 22 horas hoxe e mañá e de 8 horas a 14 horas o venres.

Ademáis de ceder as instalacións, o Concello tamén volveu contratar este ano un vixiante nocturno para evitar posibles roubos e os operarios municipais son os encargados da limpeza.

Ata o Mercado trasladáronse esta mañá a Concelleira de Promoción Económica e Comercio, Carolina Laya, e o Concelleiro de Economía e Facenda, Xurxo Charlín.

#hoxeenArousaPontevedraDíaaDía

#de12a1430

Vilagarcía volve a ser, por segunda vez, o lugar elexido para a celebración dos Premios Magnum do Viño Galego, promovidos polo Instituto Galego do Viño.

Será a novena edición, que se vai desenvolver o 16 e 17 de novembro, como complemento da programación da Feira Independente do Viño Castes.

O sábado 16 será a recepción no concello, ás 19 horas, e posteriormente terá lugar a celebración da gala de entrega dos Premios, ás 20:30 horas, no Salón de plenos.

Este ano, como novidade, terá lugar un Wine Circus cun picoteo e unha Wine Party para todos os invitados.

Xa o domingo dentro da Feira Castes realizaranse, ás 21 horas catas simultáneas en locais de hostelería de Vilagarcía.

O obxetivo de todo elo, “converter a Vilagarcía en capital do viño no evento de maior prestixio de Galicia”, tal como sinalaban esta mañá o Concelleiro de Turismo, Álvaro Carou, o organizador de Castes, Sito Dieste, e o director do Instituto Galego do Viño, Xoán Cannas na presentación dos Premios.

#hoxeenArousaPontevedraDíaaDía

#de12a1430

O Concello de Vilagarcía pon en marcha un novo programa gratuito destinado a fomentar o emprendemento e a empregabilidade.

Desta volta, a iniciativa está promovida pola Rede Araña de Entidades polo Emprego e vai destinada a desempregados de entre 16 e 30 anos adheridos ao programa de garantía xuvenil.

Desenvolverase do 11 ao 22 de novembro e constará de 50 horas de formación, 20 de mentoring e 10 de tutorías.

O programa ten entre 15 e 20 prazas e xa están abertas as inscripcións xa na paxina yoemprendogalicia.com ou nas oficinas do Concello, ata o 7 de novembro.

Os detalles nolos contan a Concellería de Emprego de Vilagarcia, Alba Briones, e a representante da Rede Araña, Susana Boo

#hoxeenArousaPontevedraDíaaDía

#de12a1430

O "Torneo Panos Brancos Contra a Droga", organizado pola Fundación Galega Contra o Narcotráfico, celebra este venres unha nova edición.

O lugar escollido volve ser Vilagarcía e incorpora este ano o deporte da Vela como novidade.

Ademáis, esta XII edición do Torneo, adquire o novo lema de "Eu Saúde" co obxetivo de chegar aos máis xovenes promovendo a práctica do deporte, a autoestima e o positivismo por unha vida saudable contra a escuridade do mundo das drogas.

O deporte da Vela incorpórase este ano por iniciativa dos alumnos do curso de Vela do IES Bouza Brey, cunha proba eliminatoria que se desenvolverá durante esta tarde e mañá no porto de Vilagarcía.

Xa o venres 25 pola maná terá lugar a celebración habitual do Torneo Panos Brancos, no pavillón de Fontecarmoa, con probas de Fútbol, Baloncesto e Atletismo nas que participarán uns 200 alumnos dos centros IES Armando Cotarelo Valledor, IES Castro Alobre, IES Fermín Bouza Brey, Colexio Sagrada Familia e Colexio San Francisco.

Os detalles nolos contaba esta mañá o xerente da Fundación Galega contra a Droga, Fernando Alonso na presentación do Torneo acompañado de representantes municipais e dos centros escolares participantes.

#hoxeenArousaPontevedraDíaaDía

#de12a1430

O Festival de Cine Curtas de Vilagarcía sigue incorporando convidados ao certame, que ainda que xa está en marcha con varias exposicións inaugurarase oficialmente este venres día 25.

Á xa anunciada homenaxe a Manuel Manquiña, que recibirá o sábado día 2 de novembro o premio Curtas, esta mañá o organizador do Festival, Luis Rosales, desvelaba tamén a presencia da actriz Clara Alvarado.

#hoxeenArousaPontevedraDíaaDía

#de12a1430

O alcalde de Sanxenxo, Telmo Martín, arremeteu esta mañá contra sindicatos e políticos, mesmo do seu partido, por utilizar a sanidade pública en intereses partidistas.

Aconteceu no centro médico de Baltar, nun acto de promoción da campaña de vacinación contra a gripe, coa presencia do Xerente da Area Sanitaria Pontevedra e o Salnés.

A preguntas dos xornalistas, o Xerente defendía a política de planificación do Sergas cando Telmo Martín expresou o seu parecer totalmente indignado.

#hoxeenArousaPontevedraDíaaDía

#de12a1430

A Garda civil de Cambados terá un novo Cuartel que se edificará na parcela actual, coa previsión de que as obras se inicien en 2021 cunha inversión de 6 millóns de euros financiados polo Ministerio do Interior.

Un proxecto que non estaba previsto pero que se fai prioritario ante a paralización das obras de mellora das actuais instalacións e a necesidade de desaloxo do persoal pola seu mal estado.

E mentres non hai novo Cuartel, a Garda Civil trasladarase ao Centro SocioCultural de A Merced, cuxas dependencias municipais deberán reorganizarse.

Para comezar o traslado, Concello e Ministerio deben asinar un convenio de cesión.

Todo elo se anunciaba esta mañá trala reunión que mantiveron en Cambados a subdelegada do Goberno, Maica Larriba, a alcaldesa de Cambados, Fátima Abal, e o xefe da comandancia provincial da Garda Civil, o tenente coronel Manuel Touceda.

Actualmente, o Cuartel conta con 38 efectivos e nas novas dependencias agárdase ampliar a 100 con máis servizos e vivendas para as súas familias.

#hoxeenArousaPontevedraDíaaDía

#de12a1430

A deputada do BNG Montse Prado considera que os Orzamentos da Xunta para o vindeiro ano son “unha burla para a comarca”, con partidas raquíticas que non contemplan inversións en infraestructuras sanitarias nin aumento para o seu persoal.

En canto ao Saneamento, cifra as actuacións en menos de un millón de euros dos 17 anunciados pola Consellería do Mar.

Entre elas, dragaxes menores para algúns portos da ría, “posible chantaxe polas denuncias de verquidos”.

En resumen, segundo a deputada nacionalista “cada ano o PP baixa máis a inversión no Salnés demostrando que non lle preocupan as necesidades e problemas da comarca”