#hoxeenArousaPontevedraDíaaDía

#de12a1430

A D.O Mexillón de Galicia quere obter o “selo azul” de sostenibilidade que outorga a nivel internacional o Marine Stewardship Council, a organización mundial independente que establece o estándar para a pesca sostible.

Por elo, o Consello Regulador do Mexillón de Galicia sométese á evaluación dese organismo, nun proceso no que ademáis dos indicadores habituais se analizan o estado do stock, os impactos ambientais e as medidas de xestión con indicacións específicas para o cultivos de bivalvos.

Entre estes indicadores destacan o análise da colocación da semente nas zonas de cría, o potencial enriquecemento dos nutrintes que se produza nos fondos mariños e a capacidade de carga que o ecosistema onde se encontran as bateas pode soportar.

Un equipo de MSC evaluará as bateas de mexillón de todas as rías nun proceso que resumía esta mañá o presidente de Mexillón de Galicia, Francisco Alcalde, na presentación celebrada na sede do Consello Regulador, en Vilagarcía.

#hoxeenArousaPontevedraDíaaDía

#de12a1430

Unha parte do pequeno comercio de Vilanova organiza o I desfile Solidario en beneficio da Asociación Española Contra o Cancro.

O evento será o 1 de decembro ás 16.30 horas no Pavillón Multiusos, con entrada de balde e coa participación de máis de 200 modelos, entre nenos e adultos, que amosarán o traballo de nove comerciantes da vila.

As nove propietarias destes establecementos, todas mulleres, uníronse nesta causa solidaria para, ao tempo, conseguir maior visibilidade e promocionar os seus productos.

Ademáis contan coa colaboración de máis de 90 empresas cuxa aportación irá destinada aos múltiples servizos que ofrece a Asociación Contra o Cancro.

A recadación realizarase a través da venda de rifas a 1 euro para sortear obxectos doados por colaboradores.

Os detalles nolos contaban a presidenta da Asociación Contra o Cancro na provincia, Marisé Crespo, e dúas das organizadoras do desfile Esther Prado e Susana Abal, na presentación do Desfile.

#hoxeenArousaPontevedraDíaaDía

#de12a1430

O illote de San Sadurniño e o barrio de San Tomé conformaron no seu momento unha pequena vila romana.

Así se desprende dos achadegos descubertos no entorno que se fixeron públicos durante as Xornadas sobre o Patrimonio celebradas esta fin de semana.

En San Sadurniño, o temporal deixou a descuberto vestixios da época romana e no barrio de San Tomé as obras de rehabilitación dun edificio sacaron á luz restos de ánforas e dun pequeno muíño de man.

Co fin de protexer un dos seus grandes valores patrimoniais e turísticos, o Concello instalará uns gavións que eviten os efectos das mareas e realizará un estudo topográfico cun xeorradar.

Todo elo nolo explica o Concelleiro de Patrimonio, Xurxo Charlín.

#hoxeenArousaPontevedraDíaaDía

#de12a1430

O Concello de Caldas ten preparado un amplo programa para conmemorar a loita contra a violencia de xénero neste mes de novembro.

Entre as actividades destacan as obras de teatro que se escenificarán nos centros educativos do municipio para concienciar aos mais novos de esta lacra tamén dende as aulas.

O domingo 24 realizaráse a Andaina Solidaria que xa ten o cupo cuberto con 310 participantes que sairán ás 10 horas dende a Praza das Palmeiras e percorrerán unha ruta que pasará por un tramo da Vía Verde que xa está acondicionado.

O acto institucional do 25 de novembro será nesta ocasión no Paseo Román López, se o tempo non o permite mudarase ao auditorio, e contará coa presentación dunha canción e un videoclip realizado polo Colexio San Clemente, así como o logo que crearon contra as violencias co lema "Que non se apague unha mirada máis".

Ademáis, os comerciantes da Praza de Abastos, o centro comercial aberto, os hosteleiros e 90 establecementos máis participarán nesta conmemoración cunha campaña na que durante toda a semana irán vestidos de negro e pegarán carteis contra a violencia nos seus escaparates. Tamén nos locais de hostelería se porán manteis individuais coa frase "Espacio libre de violencias machistas".

Así o explicaban esta mañá a concelleira de igualdade, Inés Fuentes acompañada do alcalde de Caldas, Juan Manuel Rey, e representantes dos comerciantes e hosteleiros do municipio.

#hoxeenArousaPontevedraDíaaDía

#de12a1430

A Vía Verde do Salnés poderá inaugurarse na primavera no tramo entre Vilagarcía e Caldas, xa que os traballos avanzan dentro dos plazos previstos.

Así o avanzaba esta mañá o alcalde de Caldas, Juan Manuel Rey, que volvía a lamentar a ausencia de noticias sobre a aportación da Xunta.

#hoxeenArousaPontevedraDíaaDía

#de12a1430

A Asociación Empresarias Galicia aporta “Novas Olladas cara a Violencia de Xénero” nunha xornada que baixo ese título desenvolverase este xoves día 21 no Restaurante A Batea de Vilagarcía.

A actividade, en colaboración coa Deputación de Pontevedra, terá lugar ás 16.30 horas e abordará a Violencia de Xénero con talleres e ponencias dende unha perspectiva xurídica e pedagóxica.

Os diferentes temas incidirán, entre outros, na necesidade de especialización nos xulgados ou na importancia de atención aos fillos.

A inscripción é de balde ata completar aforo e pode realizarse na web empresariasgalicia.com.

A xornada pretende darlle voz aos casos que permanecen ocultos, tal como nos contaban a Presidenta da Asociación, Mar Ferrero, e as ponentes Sara Vila e Yolanda Bóveda.

#hoxeenArousaPontevedraDíaaDía

#de12a1430

Portos de Galicia ampliará o dique flotante do porto de O Xufre, en A Illa de Arousa, para mellorar o abrigo dos pantaláns profesionais.

O actual ten 240 metros e ampliarase en 60, ata acadar os 300 metros.

Para iso prevese a colocación de dous novos módulos de 20x5 metros na cara sur e outro de 20x5 na cara norte.

A ampliación sur protexerá principalmente os pantaláns pesqueiros e as ramplas e a ampliación norte protexerá os pantaláns de acuicultura.

Esta actuación, na que se prevén investir máis de 300.000 euros, está en trámites de licitación e a súa adxudicación realizarase proximamente.

A actuación foi anunciada esta mañá no porto de O Xufre pola Conselleira do Mar, Rosa Quintana, que supervisou as novas prazas de amarre de embarcacións mexilloeiras que recentemente o ente público puxo a disposición do sector.

Son en total 120 novos espazos de atraque, ubicados na dársena central do porto, onde as embarcacións mexilloeiras realizan as descargas.

A medida complementa a realizada en 2017 coa creación de 300 prazas para embarcacións pesqueiras.

Segundo a Conselleira do Mar, todas estas actuacións exemplifican en A Illa de Arousa a aposta de Portos de Galicia na mellora das infraestruturas portuarias.

#hoxeenArousaPontevedraDíaaDía

#de12a1430

O grupo municipal de Cambados Pode quere comprometer ao goberno local co proxecto de reforma integral do campo de fútbol do Beiramar, en Castrelo, presentado o pasado mes de maio polo portavoz da formación, José Ramón Abal, cando formaba parte do cuatripartito.

Para tal fin, Cambados Pode leva ao pleno deste mes de novembro unha moción na que insta ao actual bipartito a que inclua no Plan Concellos 2020 da Deputación o proxecto valorado en 282.000 euros.

Tamén require que se proceda á execución e contratación do mesmo ao longo do vindeiro ano, tal como explicaba esta mañá o portavoz de Cambados Pode, José Ramón Abal.

#hoxeenArousaPontevedraDíaaDía

#de12a1430

Os alcaldes socialistas da comarca do Salnés ven en perigo a continuidade da Mancomunidade.

Segundo informaron esta mañá os rexedores de Vilagarcía, Meis e A Illa, a secretaria da entidade comarcal emitiu xa un informe que recomenda a a inmediata constitución do pleno sen que ata o de agora tiveran resposta por parte do presidente en funcións Gonzalo Durán.

Por tal motivo, requerirán no Parlamento unha resposta por parte do Vicepresidente da Xunta e ademáis, de non convocarse en breve a constitución do pleno, estudarán novas medidas.

#hoxeenArousaPontevedraDíaaDía

#de12a1430

O Concello de Meis presentou esta mañá a súa programación do mes de novembro contra a violencia de xénero

As actividades incluen diversas novidades e cambio de formato con respecto a anos anteriores.

Por unha banda, a andaina será sustituida pola formación en cursos de ioga, taichí e defensa persoal que se impartirán para 20 persoas nunha carpa instalada no Campo da Festa.

As personas que se queden sin plaza podrán participar noutro curso de body combat no multiusos.

Para todo elo, haberá servizo gratuito de gardería.

Asimesmo, crearase un peto para a asociación Esmar contra a Violencia de Xénero e tamén os orzamentos municipais tendrán una partida destinada a este colectivo ainda sen concretar.

En canto á lectura do manifesto do 25 de novembro, Día Contra a Violencia de Xénero, trasladarase do Concello á entrada do Multiusos.

Ademáis, o programa tamén incluirá diferentes actividades formativas nos colexios do municipio, tal como nos contaba esta mañá a alcaldesa, Marta Giráldez.