#hoxeenArousaPontevedraDíaaDía

#de12a1430

O Partido Popular provincial considera que os orzamentos elaborados polo goberno da Deputación para 2020 son "anti provincia e anti concellos".

Segundo os populares "evidencian o abandono do rural e dos concellos pequenos e medianos".

Decíao esta mañá na sede do PP de Vilagarcía o portavoz do grupo popular, Jorge Cubela, acompañado do deputado Javier Tourís e representantes do partido na comarca do Salnés.

#hoxeenArousaPontevedraDíaaDía

#de12a1430

Os barcos da Confraría de Cambados simultanean esta semana a captura da vieira coa limpeza dos fondos mariños.

A iniciativa, coordinada dende o Centro Tecnolóxico do Mar, enmárcase no proxecto europeo CleanAtlantic que pretende estudar os mellores métodos para a eliminación do lixo mariño.

A principios de mes, a flota da volandeira conseguiu retirar 3.000 kilos de residuos e agora agárdase recuperar a mesma cantidade.

Os detalles nolos explicaba esta mañá a directora do Intecmar, Covadonga Salgado, no punto de saída das embarcacións en Tragove.

#hoxeenArousaPontevedraDíaaDía

#de12a1430

As nove comunidades de montes de Vilagarcía, -Rubiáns, Trabanca Sardiñeira, Trabanca Badiña, Cea, Guillán, Sobrán, Loenzo, Bamio e Fontecarmoa- realizaron os traballos de prevención de incendios proxectados a través das liñas de axudas municipais por un importe de preto de 83.500 euros.

As actuacións consistiron na poda, desbroce e limpeza dos terreos así como a prantación de especies arbóreas.

En total traballouse nunha superficie de 55 hectáreas das 1300 hectáreas de monte comunal que rodea o municipio.

Así nolo contaban esta mañá o presidente da Mancomunidade de Montes de Vilagarcía, Ramón Bueno, e o concelleiro de obras, Lino Mouriño.

#hoxeenArousaPontevedraDíaaDía

#de12a1430

O Concello de Cambados non comprende a decisión de Portos de Galicia de non renovar a concesión de uso do Salón de Exposicións de J.Peña, unha vez rematado este luns o período de 15 anos inicial.

Os técnicos do ente autonómico interpretan que os usos que se viñan realizando no Salón de Exposicións non se adaptan nin a concesión nin a actual Lei de Portos de Galicia.

Para o Concelleiro de Urbanismo, Xurxo Charlín, a situación é incomprensible, tendo en conta que no entorno se permiten actividades que non teñen vinculación co mar, como o mercado ambulante.

Ademáis, o Concello investiu na rehabilitación das instalacións un importe de 850.000€.

Para poder seguir utilizando as dependencias en eventos relacionados co sector do mar, o Concello debe solicitar unha autorización temporal por un período non superior a catro anos

Para outro tipo de actividades que non teñen vinculación directa co mar, terase que pedir autorización previa.

En todo caso, Portos de Galicia comprometeuse a buscar as vías legais para poder adaptar unha nova concesión aos usos municipais que alí se viñan desenvolvendo.

#hoxeenArousaPontevedraDíaaDía

#de12a1430

Representantes do Concello de Vilanova e da dirección do Colexio de Tremoedo reuníronse esta mañá co delegado territorial da Xunta en Pontevedra, José Manuel Cores Tourís, co fin de analizar as obras de mellora para este centro e os demáis colexios do municipio.

Na reunión tamén estivo presente o xefe territorial de Educación en Pontevedra, César Pérez Ares.

Durante o encontro, estudouse a posibilidade de que a Xunta e o concello de Vilanova de Arousa volvan a colaborar para continuar traballando en cuestións como aseos que aínda quedan por reformar, melloras en eficiencia enerxética, carpintería exterior de fiestras ou acondicionamento de fachadas.

Son propostas municipais que nolas resume o Concelleiro de Educación de Vilanova, Manuel Sineiro.

#hoxeenArousaPontevedraDíaaDía

#de12a1430

Hoxe é o día central da campaña do Black Friday.

Son moitas as persoas que acuden ás tendas para aproveitar os descontos ainda que hai opinións para todo.

Así o puido comprobar a nosa compañeira Alba Piñeiro nas ruas de Vilagarcia.

#hoxeenArousaPontevedraDíaaDía

#de12a1430

Fexdega estase preparando para o inicio do Fexturrón, que regresa esta fin de semana a Vilagarcía.

O programa de actividades lúdico recreativas para público familiar organizado polo Concello de Vilagarcía para as vacacións de Nadal abrirá as súas portas este sábado 30 e novembro ás 17:00 horas.

Como ven sendo habitual no Nadal vilagarcián, volverá a haber unha pista de patinaxe sobre xeo, pero este ano máis grande, de 450 metros cadrados, e un tobogán de xeo natural.

Ademáis, estarán instaladas moitas máis atraccións como o dragón mecánico, un carrusel, inchables, jumping, autos de choque, scalextric e teatro virtual.

Tampouco faltarán actividades de animación dirixidas por monitores como obradoiros de maquillaxe e pintado de cara, sesións de teatro-clown, maxia, contacontos e obradoiros de manualidades.

Nolo contan a responsable da organización e a concelleira de Cultura, Sonia Outón, en pleno montaxe das instalacións.

#hoxeenArousaPontevedraDíaaDía

#de12a1430

A Fundación ONCE dispón dende agora dunha nova Oficina de Orientación Laboral en Vilagarcía para desenvolver con maior facilidade o seu programa Inserta.

As novas dependencias, habilitadas mediante a colaboración do Concello, están ubicadas no recinto de Fexdega e estarán abertas os xoves de 9 a 14 horas para asesorar a persoas discapacitadas na busca de emprego.

Ademáis, dende esta nova oficina a Fundación pretende conseguir maior implicación das pequenas e medianas empresas, que forman a maior parte do tecido empresarial do municipio.

Nolo explicaba a directora do Programa Inserta en Galicia, Menchu Iglesias, na presentación das novas instalacións.

#hoxeenArousaPontevedraDíaaDía

#de12a1430

O grupo parlamentario do BNG presenta enmendas aos orzamentos da Xunta para o ano que ven por un importe global de 30 millóns de euros destinados á comarca de O Salnés.

A deputada Montse Prado presentaba esta mañá en Vilagarcía as propostas nacionalistas sinalando que se tratan das demandas que pide a sociedade.

Entre as máis de 40 propostas presentadas, o BNG demanda en materia de sanidade, a contratación dun segundo técnico para a ambulancia medicalizada e máis persoal para o Hospital de O Salnés, así como a creación dos centros de saúde de Vilagarcía e O Grove, reformas no de San Roque e no de Cambados, e incluso a realización dun estudo de viabilidade do traslado de Fundiciones Rey para eliminar a polución no entorno do hospital.

O partido nacionalista tamén reclama medidas para o sector do Mar, con actuacións para o saneamento da Ría de Arousa e o rexeneramento dos bancos marisqueiros, un plano sobre a mortandade do berberecho, a extracción do reloxo ou melloras nos portos de Meloxo e Tragove.

Sobre o ensino, as enmendas do BNG inclúen reformas en centros educativos de O Grove, Cambados, Vilanova, Sanxenxo e Meis.

En materia de política social solicitan o inicio dos centros de día de O Grove, Meaño e Vilanova

Sobre infraestructuras destacan melloras na seguridade viaria, como o enlace de Bamio e Carril ou o desdobramento da autovía no tramo Sanxenxo - O Grove.

Entre outras, o BNG tamén reclama a creación do cuarto xulgado de Vilagarcía, o saneamento do Río do Con, melloras na EDAR de Sobradelo, un estudo sobre a toxicidade do Umia e a concentración parcelaria de Catoira.

#hoxeenArousaPontevedraDíaaDía

#de12a1430

O Concello de Cambados habilitará unha nova bolsa de estacionamento para uns 50 vehículos na Rúa Nova.

A previsión do goberno local é que está nova zona de aparcamento esté dispoñible xa para o Nadal polo que as obras de acondicionamento comezan estes días.

O terreo de 1.157 metros cadrados, propiedade da familia de Celestino Gómez, será alugado por un importe de 2.000 euros ao ano que se financiarán a través dun convenio de colaboración entre o Concello e Cambados Zona Centro.

Segundo Juan Rey, presidente de Zona Centro, este espazo disuasorio beneficiará ao comercio local e a hostelería así como aos veciños da zona e esperan que favoreza a afluencia de persoas que realicen as súas compras de Nadal en Cambados.

Ademáis, segundo explicaban os Concelleiros Xurxo Charlín e Carolina Laya, a creación de esta zona de estacionamento é un dos primeiros pasos para trasladar o mercado ao centro da vila.