#hoxeenArousaPontevedraDíaaDía

#de12a1430

A plataforma nacionalista Vía Galega, integrada por máis de 60 organizacións presentou esta mañá en Vilagarcía unha nova campaña baixo o lema "Non emigramos, expúlsannos" con concentracións en 46 concellos de Galicia, entre eles Vilagarcía e Pontevedra.

Esta plataforma esixe á Xunta de Galicia que asuma a emigración galega como unha emerxencia social e nacional.

Reclaman tamén que se constitúa no Parlamento de Galicia un relatorio sobre a emigración do país para que ao longo de cinco meses estude e propoña medidas e políticas necesarias para poñer freo a esta situación.

Dentro desta campaña tamén presentaranse mocións en todos os concellos, un manifesto, vídeos, charlas nas universidades e rematará o 14 de decembro cun acto en todas as vilas e cidades para reclamar traballo digno na terra, e denunciar que "non marchamos, que nos expulsan e que precisamos acabar con este gravísimo problema".

O BNG de Vilagarcía e a Plataforma de Emigrantes Retornados do Salnés súmanse a esta demanda e fan un chamamento á cidadanía a que se unan á concentración do día 14 en Vilagarcía coa lectura do manifesto ás 12 do mediodía na Praza de Galicia.

Así o explicaban o representante dos Emigrantes Retornados, Xoán Xosé Leirós e a portavoz do BNG de Vilagarcía, Lucía Veloso, acompañados de Samuel García de Galicia Nova Salnés.

#hoxeenArousaPontevedraDíaaDía

#de12a1430

Ribadumia acollerá do 23 ao 3 de xaneiro un programa de Tecnificación destinado a nenos e nenas de entre 6 e 13 anos.

A intención da iniciativa é que os participantes poidan disfrutar do ocio do Nadal recibindo, ao tempo, adestramento específico de fútbol.

As inscripcións oscilan entre os 50 euros dunha semana a 90 euros se é o período completo.

Os detalles nolos contaban esta mañá dous dos organizadores, Oscar Guimeráns e Jito Quintana, na presentación da actividade, acompañados polo alcalde de Ribadumia, David Castro.

#hoxeenArousaPontevedraDíaaDía

#de12a1430

O goberno municipal de Cambados solicitou a Portos de Galicia unha nova concesión do Salón Peña ata que se modifique a vixente Delimitación de Usos Portuarios e non desbotan recurrir á vía contenciosa si non se soluciona a situación.

Sin embargo, Portos de Galicia enviou un escrito por rexistro ao Concello no que indica que se poderá utilizar o Salón Peña sempre que se solicite un permiso especial para cada actividade que se realice nas instalacións.

O Concello considera que é unha "incongruencia" que se teña que pedir permiso para os actos de Peña cando tamén se están utilizando outros espazos portuarios como o Paseo da Calzada ou o paseo marítimo para a celebración de actividades de ocio.

En todo caso, segundo a alcaldesa, Fátima Abal, "o Concello de Cambados non vai quedar de brazos cruzados" polo que procederá a pedir unha nova concesión do Salón Peña.

De non ser aceptada, presentarán un recurso de reposición e mesmo chegarían á vía xudicial cun contencioso administrativo.

O edil de economía Xurxo Charlín tampouco descarta a posibilidade de reclamar ante portos de Galicia os cartos de fondos municipais investidos na remodelación do Salón Peña.

Ademáis, solicitan a Portos de Galicia que resolvan canto antes o Plan Especial e a desafectación dos terreos que solicitou o Concello hai seis anos.

A alcaldesa, Fátima Abal, o Concelleiro de Economía e Facenda, Xurxo Charlín, e o Concelleiro de Obras e Servizos comparecían hoxe para avaliar a situación creada trala decisión do organismo portuario de non renovar a concesión das instalacións.

#hoxeenArousaPontevedraDíaaDía

#de12a1430

A Illa de Arousa ten xa preparada a programación do seu Nadal en Acción.

As actividades comezarán este venres día 13 co Encontro de Corais, un concerto de panxoliñas que terá lugar dende ás 20:30 horas no auditorio municipal.

O mércores 18 a Escola Municipal de Música realizará un DemoDay ás 19 horas no auditorio.

Tamén haberá importantes visitas.

A Apalpadora estará o sábado 21 ás 12 horas na Praza do Concello e pola tarde a Banda municipal de Música ofrecerá o seu concerto de Nadal ás 19 horas no auditorio.

Papa Noel percorrerá a vila co seu desfile tradicional o día 23 dende a praza do concello ás 17:30 horas.

O día 28 celebraráse o Festival de Música e Danza da Asociación Cultural Dorna, ás 19 horas no auditorio.

Ademáis, María Fumaça se achegará á Illa para presentar o seu novo disco "O veleiro verde", o sábado 4 de xaneiro ás 19 horas no auditorio municipal. A entrada terá un custe de 5 euros anticipada e 7 en taquilla.

E xa o día 5 chegarán os Reis Magos para desfilar en cabalgata polas rúas do municipio e posteriormente atender as peticións dos más pequenos no auditorio.

Ademáis, a Fundación de Deportes de A Illa de Arousa organiza unha nova edición do Nadal en acción, con xogos e actividades deportivas para nenos como Espías navideños, Videoxogos físicos e Fornite físico, que se desenvolverán no colexio Torre durante ás vacacións de Nadal.

A programación desvelabana o alcalde de A Illa de Arousa, Carlos Iglesias e a xerente da Fundación deportiva, Paula Dios.

#hoxeenArousaPontevedraDíaaDía

#de12a1430

Primeira resposta do Presidente en funcións da Mancomunidade do Salnés ante a decisión adoptada pola secretaria da entidade de convocar o pleno constitutivo para o vindeiro luns.

Gonzalo Durán, que onte propoñía unha presidencia rotatoria, asegura estar sorprendido de que a secretaria non lle anunciara a convocatoria do pleno e asegura que non se pronunciará ata que reciba un informe xurídico sobre a legalidade da decisión.

En todo caso, califica de “manu militari” a convocatoria da sesión constitutiva que, ademáis, vinculaa ao feito de que a secretaria da Mancomunidade tamén o é do Concello de Meis.

A situación de bloqueo da Mancomunidade do Salnés resolverase, salvo sorpresas de última hora, a vindeira semana.

A secretaria da entidade convocou para o próximo luns ás 8 da tarde a sesión constitutiva do pleno respaldándose na Lei de Bases de Réxime Local.

A secretaria argumenta que a Mancomunidade non é parte procesal nas denuncias relacionadas coa elección de vocais no Concello de Meaño e, ademáis, tal como establece a lei, hai unha petición da cuarta parte dos membros cesantes, todos representantes socialistas, para que se constitua o pleno.

Dende o PSOE, a alcaldesa de Meis e candidata a presidir a mancomunidade, Marta Giráldez, congratulábase asegurando que “afortunadamente imperou a cordura porque a secretaria o único que fixo foi aplicar a lei”.

#hoxeenArousaPontevedraDíaaDía

#de12a1430

O Presidente en funcións da Mancomunidade do Salnés e alcalde de Vilanova, Gonzalo Durán, propón unha presidencia rotatoria para a entidade comarcal, tal como se ven facendo en Arousa Norte.

A idea necesitaría un acordo entre os alcaldes e podería poñerse en marcha a principios do vindeiro ano.

Así o explicaba esta mañá Gonzalo Durán, matizando que é unha proposta persoal e non do seu partido.

#hoxeenArousaPontevedraDíaaDía

#de12a1430

Os alumnos do Obradoiro de Emprego de Vista Real, que se acaba de iniciar en Vilanova, reprantarán a zona de O Terrón e rematarán a instalación de fibra óptica no municipio.

Os 20 participantes na iniciativa comezaron hoxe a súa formación de 9 meses nos módulos de Xardinería e Instalación de redes.

Por unha banda, os alumnos de xardinería encargaránse do mantemento das zonas verdes do municipio e ademáis, prantarán sobreiras na zona de O Terrón para mudar as especies arbóreas en variedades autóctonas.

Por outra banda, no módulo de instalación de redes, remataráse con toda a instalación de fibra óptica nas parroquias da vila e mellorán os servizos informáticos.

A actividade formativa de Vista Real ven conseguindo unha alta porcentaxe de inserción laboral, tal como sinalaba esta mañá a directora do Obradoiro, Elena Suárez, no acto de benvida ao alumnado, no que estivo presente o alcalde de Vilanova, Gonzalo Durán.

#hoxeenArousaPontevedraDíaaDía

#de12a1430

O Concello de Vilagarcía puso en marcha esta mañá o Obradoiro Dual de Emprego Forme 19.

A iniciativa permitirá formar a 20 desempregados nas especialidades de Atención Sociosanitaria a Domicilio e Pintura Decorativa en Construcción.

O obradoiro durará nove meses e, tras superalo, os participantes obterán un certificado de profesionalidade de nivel 2.

No primeiro caso, os participantes realizarán a súa práctica a través do área de Servizos Sociais do Concello.

No módulo de Pintura os alumnos executarán labores de acondicionamiento e revalorización dos edificios e instalacións de titularidade municipal e en espazos públicos exteriores.

O obradoiro comezaba esta mañá coa presencia do Xefe Territorial de Emprego da Xunta, Ignacio Rial, e a Concelleira de Formación, Alba Briones.

#hoxeenArousaPontevedraDíaaDía

#de12a1430

O Concello de Vilanova asina un convenio de colaboración coa Asociación Cultural Parroquial de San Cipriano de Vilanova co fin de colaborar no financiamento das actividades da parroquia.

Serán 2.800 euros que se sufragarán con cargo ao orzamento deste ano.

Durante a sinatura do convenio o alcalde, Gonzalo Durán, sinalaba a importancia do traballo que dirixe o párroco Antonio Sineiro.

#hoxeenArousaPontevedraDíaaDía

#de12a1430

O Concello de Ribadumia acolleu esta mañá unha xornada informativa da campaña “Diferentemente Iguais” enmarcada no Día Internacional das Persoas con Discapacidade.

O obxectivo da iniciativa foi involucrar á veciñanza para visibilizar a igualdade de todas as persoas en canto a oportunidades e dereitos mediante experiencias compartidas con usuarios das Asociacións BATA e Esperanza salnés, colaboradoras nesta campaña.

Nolo contaba a educadora social en prácticas do Concello, Jennifer Paz, durante un momento da actividade na que tamén participou o alcalde de Ribadumia David Castro.