#hoxeenArousaPontevedraDíaaDía

#de12a1430

Os hosteleiros de Ribadumia organizan a primeira Cabalgata Solidaria de Papa Noel para iluminar o Nadal das familias desfavorecidas do municipio.

Papa Noel chegará á vila o vindeiro martes 24 de decembro e pola mañá visitará os locais de hostelería e comercios colaboradores.

Xa pola tarde terá lugar o desfile que sairá ás 16:30 dende á rotonda de Os Castaños, pasará por Cruceiro Vello e rematará na Praza do Concello.

Na parte solidaria, os locais de hostelería e comercios porán á venda rifas por 1 euro para participar no sorteo de cestas de Nadal que se realizará ao remate da Cabalgata. Todo o recadado será distribuido entre as 20 familias que están sendo atendidas polos servizos sociais do concello.

Nolo contaban esta mañá o alcalde de Ribadumia, David Castro, e dous dos hosteleiros organizadores, Rubén Cores e Jesús Pintos, na presentación da Cabalgata.

#hoxeenArousaPontevedraDíaaDía

#de12a1430

A Mancomunidade do Salnés celebra esta tarde, ás 8 en Exposalnés, o pleno de constitución no que non estarán presentes os representantes do PP.

A formación conservadora apártase da entidade argumentando que a convocatoria do pleno é ilegal, os seus concelleiros non tomarán posesión e amenazan con impugnar los acuerdos.

En todo caso, salvo sorpresas de última hora, a alcaldesa de Meis, a socialista Marta Giráldez, será elexida presidenta da entidade cos votos dos partidos da esquerda, entre eles Somos Cambados.

O portavoz de Somos, Tino Cordal, anunciaba o seu voto polo cambio censurando a postura do PP.

Tamén se pronunciou sobre este asunto o grupo parlamentario de En Marea.

O seu portavoz, Luís Villares, solicíta ao Presidente e ao Vicepresidente do PP, Núñez Feijoo e Alfonso Rueda, que “desautoricen o bloqueo á Mancomunidade do Salnés que, aseguran, Gonzalo Durán quere impor en toda a comarca. Un bloqueo que se fai por uns intereses particulares e espurios do alcalde de Vilanova que van en contra de toda a cidadanía do comarca do Salnés”.

#hoxeenArousaPontevedraDíaaDía

#de12a1430

O PP de Cambados súmase ás queixas dunha parte dos comerciantes pola falta de aparcamentos na vila provocados polas recentes semipeonalizacións de rúas.

Tras unha reunión con eles, o portavoz municipal, Luis Aragunde asegura que “están moi descontentos co bipartito e que mesmo algún empresario non desbota acudir aos xulgados por perxuizos desas actuacións, como a entrada de auga no seu establecemento cando chove intensamente”

Ademáis, Luis Aragunde anuncia que en breve presentará “unha serie de propostas beneficiosas” para axudar ao sector.

#hoxeenArousaPontevedraDíaaDía

#de12a1430

Ramiro Carregal, propietario da empresa Frinsa e fillo predilecto de Vilagarcía, fixo entrega esta mañá dun donativo a diferentes asociacións de carácter social da zona como ven facendo nos últimos anos con motivo das datas de Nadal.

O empresario e presidente de Honra da Fundación Amigos de Galicia visitou esta mañá Cáritas Arousa e Cruz Vermella Vilagarcía de Arousa e mañá martes tamén estará no Centro Princesa Letizia, en Bata e en Con Eles.

Trala visita, Carregal comentábanos as súas impresións cos nenos e nenas dos colectivos.

Carregal é coñecido pola súa solidariedade coas asociacións da zona e non só coas de carácter social, senón tamén cos colectivos culturais deportivos e sanitarios.

Ademais da doazón de índole económica, entrega doazóns de conservas ao longo de todo o ano.

E aproveitando as visitas do Presidente de Honra da Fundación Amigos de Galicia, a entidade entregará xoguetes para os usuarios e usuarias dos centros Princesa Letizia e Con Eles, unha entrega que se enmarca dentro da Campaña de Nadal da entidade “Comparte Ilusión” pola que se estima a entrega de 2.695 xoguetes para menores en risco de exclusión social de Galicia.

#hoxeenArousaPontevedraDíaaDía

#de12a1430

Unha nova asociación, “Amigos do Belén”, pretende recuperar a tradición do Belén e hoxe mesmo presentaron a composición que eles mesmos elaboraron, coa colaboración do Concello e da parroquia, e que se pode visitar dende este sábado na Igrexa da Pastoriza.

O seu obxetivo é ir ampliando os elementos con figuras en movemento e que nun prazo duns cinco anos o Belén Tradicional de Vilanova se converta nun referente da comarca.

#hoxeenArousaPontevedraDíaaDía

#de12a1430

Cambados ten xa preparada a súa programación de Nadal, que comezará esta fin de semana e que inclue actividades en todas as parroquias.

A novidade deste ano será unha Scape Room que se desenvolverá no Salón Peña, tal como contaba a concelleira Carolina Laya na presentación da programación, acompañada do Concelleiro Tino Cordal e da alcaldesa, Fátima Abal.

#hoxeenArousaPontevedraDíaaDía

#de12a1430

O Concello de Vilagarcía amplía as actividades de Nadal para aumentar a dinamización das rúas, o ocio e a ambientación.

Entre elas, están os obradoiros de nadal que, dende o 21 de decembro, realizaranse todos os días non festivos como alternativa de ocio para as familias.

Haino destinados aos pequenos, de confección de guirnarlas, decoración navideña ou xoguetes con material de refugallo, na Praza de Galicia e na Praza da II República.

E tamén os hai gastronómicos, xa para os adultos, na Praza de Abastos, sobre a elaboración de platos salgados e doces con productos asequibles.

Pero ademáis, dende o 20 de decembro ao 5 de xaneiro permanecerá instalado na Praza da Independencia un Mercadiño Navideño con elementos de decoración, plantas, alimentación e artesania de productores de proximidade, baixo un concepto ecolóxico e sustentable.

Os detalles nolos contaban a Concelleira de Xuventude, Alba Briones, e a responsable do Mercadiño, Luz Gómez, durante a presentación das actividades, acompañadas da edil de Cultura, Sonia Outón.

#hoxeenArousaPontevedraDíaaDía

#de12a1430

Os representantes do PP da comarca do Salnés non asistirán ao pleno de constitución da Mancomunidade convocado pola secretaria para o vindeiro luns por consideralo ilegal.

Anunciábao esta mañá o presidente en funcións, Gonzalo Durán, acompañado do portavoz popular en Cambados, tras recibir os informes encargados aos asesores xurídicos do partido.

Segundo Durán, a convocatoria non cumple a legalidade, por ter caracter extraordinario e non constitutivo, e por tal motivo os acordos que se adopten tampouco o serán.

Ademáis, os populares consideran que “é un sinsentido que a secretaria convoque este pleno cando hai catro anos ela mesma non deixou votar a elección do presidente ata que tomaran posesión os representantes de Vilagarcía, e en cambio agora sí o permite ainda que este sin resolver a representación de Meaño e unha de Sanxenxo”.

Neste sentido, engaden que recurrirán os acordos que se tomen nos vindeiros plenos e sinalan que "a secretaria terá que dar explicacións destas decisións nos xulgados cando sexa chamada a declarar".

Asímesmo, non entenden as declaracións da alcaldesa de Cambados Fátima Abal, quen dixo que a Mancomunidade non estaba solo para o turismo, e defenden os servizos que da a entidade, como o CIM, os plans de emprego, o servizo de bacheo, auga ou basura entre outros.

En todo caso, Durán asegura que Vilanova e outros concellos seguirán apostando polo turismo, sobretodo de cara o ano Xacobeo, realizando actuacións ainda que sexa por fora da entidade comarcal.

Segundo Gonzalo Durán e Luis Aragunde é un día triste para o Salnés xa que é a primeira vez que acontece esta situación de falta de entendemento e acordo nos 30 anos da Mancomunidade do Salnés.

#hoxeenArousaPontevedraDíaaDía

#de12a1430

O cartel da Cidade Europea do Viño 2017 xa foi retirado da rotonda de Vilariño, o emplazamento elexido daquela polo Concello para anunciar o recoñecemento obtido pola vila do albariño.

O goberno local atendeu a orde da Xunta e decidiu trasladalo provisionalmente ao Museo do Viño á espera de recibir o permiso de Patrimonio para que esa sexa a súa ubicación definitiva.

A Xunta obrigou ao goberno local a adoptar medidas sobre a súa ubicación por ser demasiado grande e estar moi preto da estrada.

O bipartito considerou que retranquealo cara o interior da rotonda elevando a súa altura sería máis costoso que retiralo do emprazamento.

Sen embargo, dende Cambados Pode non están conformes con esta decisión.

O seu portavoz, José Ramón Abal, presentará no vindeiro pleno unha moción para que o cartel volva ao seu emplazamento inicial.

Segundo Abal, a rotonda de Vilariño é a mellor ubicación “dun elemento de publicidade da vila e de promoción dun evento que foi histórico, ademáis dunha forma de dar a benvida aos visitantes”.

Abal dubida que os técnicos de Patrimonio autoricen a ubicación no Museo do Viño, dadas as grandes dimensións e peso do cartel, de case 4 toneladas.

Pero ademáis, califica a decisión de “auténtica atrocidade” e “ atentado contra o sector do viño por parte da alcaldesa”.

#hoxeenArousaPontevedraDíaaDía

#de12a1430

A Deputación de Pontevedra deu a coñecer esta mañá as inversións que realizou na comarca do Salnés durante o período 2016-19.

Son 27 millones do Plan concellos e 23 millóns máis correspondentes a actuacións enmarcadas noutros Plans como o DepoRemse ou de Reequilibrio.

Proxectos que xeraron 307 obras, 164 actividades e 760 novos postos de traballo, segundo os datos aportados esta mañá polo Deputado de Economía e Facenda, Carlos López Font, nun almorzo informativo en Carril.

López Font puxo como exemplo das obras realizadas a Escola Infantil de Vilagarcía, a Piscina de Cambados ou a recuperación das Casas Modernistas de A Illa.