#hoxeenArousaPontevedraDíaaDía

#de12a1430

O grupo municipal de Cambados Pode presentará unha moción no pleno deste mes de xaneiro para instar ao Concello a que volva a instalar o letreiro de Cambados Cidade Europea do Viño 2017 na rotonda de Vilariño.

A decisión do goberno local de reubicar o letreiro no Museo do Viño non convence a José Ramón Abal quen considera que se debería retranquear o cartel na rotonda, uns traballos que terían un custe de 1.500 euros e xa tiña previstos durante a sua etapa como edil de obras pero que quedaron sen adxudicar.

Ademáis Cambados Pode pide ao concello que rehabilite o portal web oficial de CambadosEnoturismo.com, que formaba parte dun proxecto de GDR O Salnés financiado con fondos europeos e que poderían perderse.

Tamén solicita que se instalen máis letreiros promocionais de Cambados e que se continúe coa petición da autorización para poñer un deles na AP-9 na saída de Curro.

Unha moción, segundo José Ramón Abal, en defensa do interese xeral e enoturístico de Cambados e que se debaterá no vindeiro pleno do 30 de xaneiro.

#hoxeenArousaPontevedraDíaaDía

#de12a1430

O párroco de Santa Mariña Dozo de Cambados convoca unha reunión veciñal para este domingo ás 17 horas no Auditorio da Xuventude co fin de abordar a situación do cemiterio parroquial.

Na reunión estará presente un representante do arcebispado que informará sobre a oferta presentada pola Igrexa ao Concello dunha concesión de 50 anos.

Neste sentido, o párroco de Santa Mariña Dozo, José Aldao, propón a creación dunha comisión de seguimento entre a parroquia e o Concello para solventar as numerosas deficiencias que presenta o cemiterio.

#hoxeenArousaPontevedraDíaaDía

#de12a1430

A Mancomunidade de Salnés pon en marcha dende hoxe unha nova edición do Programa Integrado de Emprego (financiado pola Consellería de Economía, Emprego e Industria con 250.000 euros e cofinanciado pola propia entidade con 34.090,91 euros).

A entidade comarcal deseñou para esta edición un itinerario formativo que fará máis completo o perfil de d@s 100 candidat@ s que conforman o plan, creando novos profesionais para volos sectores máis emerxentes e con maior presencia no Salnés.

De tal xeito, ou alumnado poderá formarse nos sectores vitivinícola, (elaboración de viños), horticultura (agricultura ecolóxica biointensiva), ou siderometalurxia ( soldadura, estruturas, chapa, montaxe, pintura, electricidade).

Asimesmo, poderán beneficiarse de formación e prácticas no sector eólico (reparación de compontes eólicos, riscos en altura GWO), de industria 4.0 (internet das cousas, big data, manexo de drons, impresión 3D, fotogrametría, dixitalización documental, social media, community manager…), ou non sector loxístico.

Son novidades dun Plan de Emprego que intentará superar o record das 87 insercións laborais obtidas na edición anterior.

Así o destacaban a presidenta da Mancomunidade, Marta Giráldez, e o Xerente da entidade, José Ramón Guinarte, ante o cento de alumnos que hoxe inician a súa formación.

#hoxeenArousaPontevedraDíaaDía

#de12a1430

Preocupación na Mancomunidade de Montes de Vilagarcía ante a proliferación de verquidos nos que mesmo se veñen detectando restos de amianto.

Os comuneiros reclaman a modificación da Lei de Montes que lles obriga a facerse cargo do custe da retirada dos residuos.

I é que coñecer quen é o responsable de cada verquido non é doado polo que inician unha actuación conxunta coa Organización Galega de Comunidades de Montes para solicitar a colaboración da Xunta e dos partidos políticos na buscar unha solución.

Entenden que o remedio pasa pola aprobación dunha nova Lei de Montes na que se retire a obriga das comunidades de montes de ser responsables solidarios e ter que facer fronte á retirada dos verquidos.

Os comuneiros explican que se trata dun "coste tremendo" para estes colectivos que deben aboar o gasto que coleva a retirada dos residuos, que pode chegar aos 5.000 euros.

Un gasto imprevisto, sinalan, que merma a situación económica das Mancomunidades de Montes e que debería ser destinado ao mantemento dos montes e a loita contra incendios.

Polo de agora contan co apoio do BNG que reclamará que haxa máis investigación para descubrir que fai os verquidos e que se poñan as sancións a quen corresponda para tratar de poñer coto a estas accións.

Todo elo abordouse nun encontro celebrado esta mañá en Trabanca Badiña entre representantes do organismo autonómico e os comuneros vilagarciáns para consensuar unha fronte común ante esta problemática

#hoxeenArousaPontevedraDíaaDía

#de12a1430

A Pousada de Ribadumia abrirá as súas portas no primeiro semestre deste ano.

Esá é a data estimada pola Presidenta da Deputación, Carmela Silva, que esta mañá visitou as actuacións realizadas no entorno da Pousada, acompañada do alcalde David Castro.

As obras incluiron traballos de abastecemento, saneamento, iluminación e telefonía cun investimento de 211.000€.

Deste xeito, segundo Carmela Silva, porase fin á historia interminable das Pousadas do Salnés, xa que tamén a de Meaño abrirá en breve e xa están en funcionamento as de Meis e A Lanzada.

Ademáis, a visita tamén incluiu a supervisión do proxecto de mellora de seguridade viaria do entorno do CPI Xulia Becerra Malvar, realizado ao abeiro do Programa DepoRemse.

#hoxeenArousaPontevedraDíaaDía

#de12a1430

O Concello de Vilanova rexistrou a marca “Mar de Santiago” para unha campaña turística liderada por este municipio e que, segundo o alcalde, Gonzalo Durán, incluirá a aoutros concellos arousáns ainda sen concretar.

A iniciativa pretende fomentar un producto turístico basado na ruta que, segundo a tradición, seguiron os restos do Apóstolo cara Santiago polo río Ulla.

A comercialización de paquetes turísticos lanzarase a través de turoperadores que estean interesados en prestar os servizos en rutas de catamarán, tal como explicaba o rexedor vilanovés.

#hoxeenArousaPontevedraDíaaDía

#de12a1430

A Xustiza desestimou o recurso interposto polo Concello de Vilanova contra a Deputación polo paralización da obra de mellora da estrada de Baión.

Sen embargo, a sentenza manifesta a existencia de dúbidas sobre os motivos últimos que levou á administración provincial a bloquear a actuación.

A maxistrada do xulgado do contencioso administrativo número 3 de Pontevedra considera válido o argumento de falta de terreos para avalar a rescisión do proxecto pero indica que o proceder da Deputación “podería ter visos ou indicios dunha posible desviación de poder”.

Pese a todo, sinala a xuiza que este extremo

”non está demostrado” e que o Concello “tampouco tentou” aportar probas de tal acusación.

En todo caso, dende Vilanova o alcalde Gonzalo Durán avanza xa que porán o caso en coñecemento da Fiscalía para que investigue en profundidade tanto éste como outras seis actuacións tamén paralizadas e chegar a vía penal.

De momento, sen embargo, nin Deputación nin Concello presentaron recurso ante a sentencia e en Vilanova agardan a resolución doutros casos para obter as probas suficientes.

#hoxeenArousaPontevedraDíaaDía

#de12a1430

O Hospital do Salnés conta dende hoxe cun novo servizo de Hospital de Día Oncolóxico.

Está dotado dun oncólogo, unha enfermeria especializada e 5 postos para recibir tratamentos de quimioterapia ubicados en 252 metros cadrados.

Este novo servizo facilitará o achegamento asistencial a centos de doentes do distrito sanitario de O Salnés que ata o de agora tiñan que desplazarse ao Hospital Provincial de Pontevedra.

O Hospital de Día Oncolóxico estará abierto os días laborables en horario de mañá e tamén incorpora á consulta diaria de oncoloxía.

Así o explicaba esta mañá o xerente da área sanitaria Pontevedra-Salnés, José Ramón Gómez Fernández, no acto de presentación do novo Hospital de Día Oncolóxico.

#hoxeenArousaPontevedraDíaaDía

#de12a1430

Os nenos e nenas de Lois poden xogar dende agora nun parque infantil renovado, financiado a través dunha liña de axudas de Vicepresidencia da Xunta.

O proxecto contempla o traslado do parque á fronte do CRA para que todos os aparellos de xogo cos que conta o recinto queden xuntos e non partidos como ata agora en dúas zonas e atravesados por zonas de tránsito.

Ademais, a área de xogos infantís queda limitada por un valado que garanta que os rapaces estean nun espazo controlado e seguro.

Asimesmo, o parque ten un novo pavimento de caucho adecuado para o uso diario da zona de xogos.

O novo parque infantil era una demanda dos veciños da zona e tivo un custe de 47.000 euros, con aportación do concello e unha subvención do 70% da Xunta.

Nolo contaban esta mañá o alcalde, David Castro, e a Directora Xeral de Administración Local Marta Fernández Tapias.

#hoxeenArousaPontevedraDíaaDía

#de12a1430

O PP de Cambados ve insuficiente a apertura do novo parking habilitado polo Concello na Rúa Nova e propón outras medidas para revitalizar o comercio local.

O portavoz Luis Aragunde e as concelleiras Silvia Fernández e Sonia Agra presentaron esta mañá unha moción por rexistro no Concello con diversas iniciativas neste sentido.

Entre elas, establecer zona azul nas zonas máis céntricas, mellorar a iluminación e a limpeza nas rúas comerciais e a rebaixa das taxas municipais para os comerciantes.