#hoxeenArousaPontevedraDíaaDía

#de12a1430

O Concello de Sanxenxo e Colexio de Arquitectos de Galicia asinaron esta mañá un convenio de colaboración co fin de poñer en marcha un concurso de ideas para a construcción dun novo mercado de abastos no mesmo emplazamento que o actual.

O proxecto terá que incluir a construcción dun edificio de dúas prantas para o mercado, unha centro multiuso, parking subterráneo público e unha zona de degustación dos productos do mar e da horta.

O obxetivo é revitalizar todo o entorno entre a Rúa Os Cesteiros e a Avenida de Madrid e suporá “un antes e un despóis”, segundo sinalaba esta mañá o alcalde Telmo Martín na presentación da iniciativa.

#hoxeenArousaPontevedraDíaaDía

#de12a1430

A Deputación de Pontevedra ven de instalar 25 reductores de velocidade en diferentes puntos do Concello de Barro co fin de mellorar a seguridade viaria.

O importe da actuación supuso un investimento de case 70.000 euros, financiados no 95% pola Deputación a través do Plan DepoRemse.

As estructuras, demandadas pola veciñanza, ubicáronse en camiños e estradas da localidade onde a amplitude das mesmas ou a falta de beirarrúas provocaba excesos de velocidade e riscos para os peóns.

Os deputados provinciais Santos Héctor e Gregorio Agís supervisaron esta mañá as actuacións acompañados do alcalde, Xosé Manuel Fernández Abraldes e nos contaban os pormenores das mesmas.

#hoxeenArousaPontevedraDíaaDía

#de12a1430

A Mancomunidade de O Salnés amplia o seu abano de colaboracións co tecido empresarial da comarca dentro do Programa Integrado de Emprego, financiado pola Consellería de Economía, Emprego e Industria (250.000€) e cofinanciado pola Mancomunidade de O Salnés (34.500€).

Nesta ocasión, é o sector Eólico o que se suma ao convenio de colaboración co ente comarcal para que entre 8 e 10 alumnos se formen durante as vindeiras semanas dentro da empresa Galventus, ubicada no Polígono Sete Pías de Cambados.

Durante este período adquirirán coñecementos teóricos e prácticos sobre a reparación, mantemento e inspección de composites e compoñentes de parques eólicos.

O perfil do candidato complétase coas accións de manexo de drons aéreos, formación necesaria para as inspeccións "in situ" e con lmpresión 3D para a fabricación de pezas de muíños eólicos.

I é que dende o sector eólico veñen comprobando a escasez de persoal cualificado neste ámbito e deste xeito adaptan a formación laboral ás necesidades da empresa.

O convenio de colaboración foi asinado esta mañá na sede da Mancomunidade en Exposalnés por parte da presidenta da entidade, Marta Giráldez, e o representante de Galventus, Carlos Vázquez.

Ambos explicábanos os detalles da formación.

#hoxeenArousaPontevedraDíaaDía

#de12a1430

O Concello de Cambados quere poñer en marcha ao longo deste mandato un Plan de Desenrolo Urbanístico do municipio coa creación de novos víais e a habilitación de espazos para vivendas e zonas verdes.

Un plan "ambicioso e valente", que segundo os edís de Somos Cambados, Tino Cordal e Xurxo Charlín, é moi necesario para que Cambados medre.

Trataríase de tres unidades de xestión, -Avenida A Pastora e rúa Pacheca, Entorno dos Colexio San Tomé, Os Olmos e Instituto Asorey, e a Avenida do Salnés co entorno do bosque de Fefiñáns-.

O proxecto inclúe ademáis dúas zonas de desenvolvemento rústico: O Cruceiro e o entorno do Colexio Magariños e A Pastora.

Para iniciar o proceso, o goberno local xa mantivo unha reunión cos veciños afectados e de principio a maioría estarían de acordo cos plantexamentos municipais.

Agora queda unha segunda xuntanza para concretar máis detalles e comezar a tramitación.

En total estás novas áreas de desenvolvemento suporían para o municipio un incremento de 94.000 metros de solo edificable, 33.000 metros de zonas verdes e 1.200 prazas de estacionamento.

Así o explicaba esta mañá o Concelleiro de Urbanismo, Xurxo Charlín.

#hoxeenArousaPontevedraDíaaDía

#de12a1430

O músico Nacho Vegas, o catoirense Baiuca, e a compositora ourensá Marem Ladson protagonizarán a quinta edición do programa "Achégate ao Salón".

Marem Ladson abrirá o ciclo de concertos matutinos o 16 de febreiro, Nacho Vegas actuará o 22 de marzo e rematará Baiuca o 26 de abril.

Os concertos serán este ano a partir das 12:30 do mediodía no Salón García.

Os abonos para asistir aos tres concertos da quinta edición do "Achégate ao Salón" poranse a venta a vindeira semana ata o 6 de febreiro na plataforma Ataquilla.com a un prezo de 25 euros.

Os seguintes días sairán á venta as entradas individuais, que para adultos terán un prezo de 12 euros, mentres que os menores de 16 anos pagarán so 5 euros.

Para as persoas desempregadas serán de balde.

Os detalles nolos contaba esta mañá a Concelleira de Cultura Sonia Outón na presentación do novo ciclo de concertos de “Achégate ao Salón”.

#hoxeenArousaPontevedraDíaaDía

#de12a1430

A Presidenta da Deputación respondeu esta mañá en Cuntis ás últimas declaracións do alcalde de Vilanova, Gonzalo Durán.

Nelas o rexedor acusaba a Carmela Silva de presunta delincuenta pola paralización do proxecto da estrada de Baión e doutras seis actuacións máis na provincia.

Carmela Silva asegura sentir “vergoña, pena e tristeza” por este “despropósito” e di que sigue a “extratexia do Sr. Feijoo e o Sr Rueda de mentiras e descalificacións, como xa o fixeron cando o bipartito gobernaba a Xunta”

“Eu o sinto moito polos veciños e veciñas de Vilanova, xente traballadora, xente emprendedora, que non se merece o alcalde que teñen nin ao voceiro do PP que se sumou a este despropósito”, indicou a presidenta provincial.

Carmela Silva fixo estas declaracións a preguntas dos xornalistas no acto de inicio das obras de mellora viaria do Polígono Indutrial de A Ran, “mentres a Xunta que é a competente deste polígono mira para outro lado e non inviste”, sinalou.

#hoxeenArousaPontevedraDíaaDía

#de12a1430

Botan a andar as obras de mellora da seguridade viaria do Polígono de A Ran, dentro do Plan DepoRemse da Deputación de Pontevedra.

A actuación ten un orzamento de 554.000 euros, dos que o goberno provincial aporta case 500.000 euros.

O proxecto consiste na mellora completa do vial principal, con beirarrúas, novas luminarias e mobiliario urbano.

Unha actuación integral enmarcada no obxetivo do goberno de Cuntis de revitalizar o polígono de A Ran.

Así o decía esta mañá o alcalde cutiense Manuel Campos no acto de inicio das obras, acompañado pola Presidenta da Deputación, Carmela Silva, e empresarios do municipio.

#hoxeenArousaPontevedraDíaaDía

#de12a1430

O Concello de Vilanova presentará unha demanda polo penal contra a Presidenta da Deputación pola paralización das obras da estrada provincial de András-Baión, valorada en 1,8 millóns de euros.

Nesta iniciativa está respaldado polo PP provincial, que vai solicitar a convocatoria dunha comisión extraordinaria para abordar as obras de sete estradas paralizadas pola institución provincial.

Entre elas, as ubicadas en Moraña, variante Rebón, na EP 0503, cun importe de 827.841,12 euros, wn Cerdedo-Cotobade, Ensanche da EP 0405 Almofrei-Xesteira, orzamentada en 600.000 euros, en Meis, Proxecto de acondicionamento da EP 9401, tramo entre Mosteiro e Arcos, por valor de 356.975 euros e en Cangas, a Pavimentación e Dotación de servizos EP 1005 Viso-Hio (Cangas) por 1.050.958€

O alcalde de Vilanova, Gonzalo Durán, acusa ao goberno provincial de ter creado unha “trama” cuns argumentos que explicaba esta mañá nunha comparecencia acompañado do portavoz provincial, Jorge Cubela, e o deputado popular Javier Tourís.

#hoxeenArousaPontevedraDíaaDía

#de12a1430

O Concello de Vilanova proxecta unha nova senda que unirá o centro da vila co mirador do Monte Lobeira.

O percorrido será duns 7 km e transcorrerá por lugares emblemáticos do municipio como O Esteiro e Os Muiños de Currás.

Este novo proxecto turistico da vila contará con paneis informativos e o concello organizará andainas para amosar os segredos desta ruta.

De principio, xa se pode camiñar pola parte do percorrido ata os Muiños de Currás, xa feito, e queda pendente a última parte do tramo ata Lobeira pola beira do río.

Para elo, o Concello empregará fondos municipais e a axuda do Obradoiro de Xardinería co fin de que a senda estea completa para o Xacobeo 2021.

Os detalles explicábaos esta mañá o alcalde Gonzalo Durán.

#hoxeenArousaPontevedraDíaaDía

#de12a1430

O grupo municipal de Cambados Pode insta ao concello a que inclúa nos proxectos do Plan Concellos 2020 as obras de mellora urbanística da Rúa Manuel Murguía no casco antigo do entorno de Fefiñáns, valorado nuns 50.000 euros.

Segundo o portavoz, José Ramón Abal, é unha obra moi necesaria, que contemplaría o cambio das redes de sumidoiros e de pluviais.

Tamén conlevaría o cambio do firme coa instalación de adoquíns e lousa de pedra para que teña unha estética similar a do resto de rúas do casco vello.

Cambados Pode sinala que o proxecto para esta obra xa se realizou en 2018 pero retrasouse a súa licitación debido á espera dos informes de Patrimonio.

Agora, con todos os informes favorables, José Ramón Abal presenta unha moción no vindeiro pleno da corporación para que se execute o proxecto e agarda contar coa aprobación de todos os grupos municipais.