#hoxeenArousaPontevedraDíaaDía

#de12a1430

O Coordinador de Seguridade e Saúde da obra da Rúa Vázquez Leis fará unha inspección para determinar os puntos que é preciso acotar, os medios para asegurar o valado e acondicionar os accesos ás vivendas.

Así o anunciaron o alcalde de Vilagarcía, Alberto Varela, e a Concelleira de Urbanismo, Paola María, durante a reunión celebrada esta pasada noite cos veciños afectados pola paralización dos traballos a raiz da situación que atravesa a empresa Nexia, adxudicataria do proxecto.

A maiores, tamén se habilitará un paso seguro para peóns no cruce de Vázquez Leis coa Avenida de Cambados co fin de evitar que teñan que invadir a calzada para atravesar a rúa.

Asimesmo, os titulares de vados permanentes en Vázquez Leis serán exentos do pago da cota anual correspondente ao ano 2020 debido á imposibilidade de facer uso dese servizo como consecuencia das obras.

O alcalde Alberto Varela, agradece en nome de todo o goberno local a colaboración e o afán construtivo dos veciños da Rúa Vázquez Leis cos que mantivo a xuntanza onte pola noite no centro socio cultural de Vilaxoán.

O rexedor acudiu a reunión para explicarlles as xestión que está a levar a cabo o Concello para salvar as dificultades legais creadas pola situación que atravesa a empresa adxudicataria, Nexia, e comprometeuse a continuar buscando a solución máis rápida e eficaz que permita rematar canto antes a parte da obra que queda pendente.

Varela Paz trasladoulles as dificultades legais que existen ante este tipo de situacións e que limitan o marxe de manobra das administracións afectadas, que son moitas en toda a provincia de Pontevedra.

Sobre todo, despois de que a adxudicataria alegase contra a decisión municipal, alegacións que están sendo analizadas moi minuciosamente polos servizos técnicos e xurídicos do Concello por si o asunto chegase a rematar no xulgado.

Esta opción non é a desexada polo goberno, dado que demoraría aínda máis o remate da obra, polo que, paralelamente tratarase de negociar un acordo cos novos responsables da empresa, cos que, polo momento, foi imposible contactar.

#hoxeenArousaPontevedraDíaaDía

#de12a1430

Vilanova acollerá este sábado o I Torneo de Ximnasia Rítmica para as categorías base e federado, organizado polo Clube Ximnasia Rítmica Arousa.

Uns 200 deportistas, nenas e nenos de toda Galicia, Asturias, Levante e outras zonas de España, competirán este sábado 15 de febreiro a partir das 9 horas da mañá no multiusos de Vilanova de Arousa.

Un evento que para o goberno local supón tamén unha aportación ao turismo do municipio, tal como explicaba o alcalde, Gonzalo Durán, acompañado da representante do club organizador, Carmen Bermúdez.

#hoxeenArousaPontevedraDíaaDía

#de12a1430

Os xuristas da Asociación In.Xurga, Xuristas pola Inclusión, celebran este venres 14 e o sábado 15 o seu III Congreso sobre os dereitos das persoas con discapacidade e dependencia.

O evento terá lugar no Pazo de Cultura de Pontevedra con entrada gratuita previa inscripción necesaria dende a páxina web da Asociación.

De todo elo falamos con Ana María Castro presidenta de In.Xurga

#hoxeenArousaPontevedraDíaaDía

#de12a1430

O Concello de Cambados presentou esta mañá as actividades organizadas para celebrar o Entroido do 21 ao 26 de febreiro, no que se distribuirán máis de 7.500 euros en premios.

Os festexos comezarán o venres 21 coa parodia do concurso "A rúa cara sóame" dende as 22:30 na Praza de Alfredo Brañas.

O sábado pola tarde haberá actividades e obradoiros para nenos no parque de Torrado e xa o domingo será o día grande co Desfile de Carrozas que sairán ás 17 horas da Escalinata de San Tomé ata a Praza de Fefiñáns.

O luns 24 será o baile infantil organizado en colaboración coa Cofradía de Pescadores San Antonio, a partir das 17 horas no Salón Peña.

O martes 25 terá lugar o Gran Concurso de Disfraces e de Comparsas dende ás 17 horas na Praza de Alfredo Brañas.

Xa para rematar, o mércores de cinza os cambadeses enterrarán ás longas esperas na Sanidade Pública.

Os alumnos do Obradoiro de Emprego imitarán estar nunha sala de agarda durante o percorrido que sairá ás 19 horas dende o Concello ata a Praia de San Tomé onde se ofrecerá a homilía a cargo do Frade Goio.

Unha programación, sinala o edil de Cultura, Tino Cordal, moi condicionada pola retirada da concesión do uso do Salón Peña por parte de Portos de Galicia.

Por este motivo, este ano suspendese a celebración do tradicional concurso de filloas e as actividades que se viñan realizando no Salón Peña como o concurso de Comparsas terán que facerse no Auditorio da Xuventude en caso de choiva.

Os detalles explicabaos o edil de cultura, Tino Cordal, acompañado do concelleiro de economía, Xurxo Charlín, e da directora do Obradoiro de Emprego, Bea Esteban.

#hoxeenArousaPontevedraDíaaDía

#de12a1430

O Concello de Cambados e a Asociación de Comerciantes Zona Aberta poñen en marcha a segunda edición de Cambados Namora para promover as compras na campaña de San Valentín.

Durante os días 14, 15 e 16, os letreiros coas palabras Cambados, Amor, Bicos e Love, ubicaranse na Praza do Concello, na Praza de Asorey, na Praza de Alfredo Brañas e como novidade este ano, na Torre de San Sadurniño.

Outra das novidades é que o obradoiro de xardinería colaborará con esta actividade creando un ramo de flores xigante que adornará a Praza do Concello.

Ao igual que o pasado ano, as persoas que queiran participar nesta iniciativa deberán sacar unha fotografía nestes photocalls e subila ás redes sociais co hastag #cambadosnamora.

As fotografías máis votadas en Facebook, Twiter ou Instagram poderán gañar estuches de albariño da adega Paco&Lola e a mellor de todas elas recibirá unha fin de semana romántico nun hotel, agasallo de Cambados Zona Centro.

Os detalles nolos contaba esta mañá o Concelleiro de Economía Xurxo Charlín, durante a presentación da iniciativa, acompañado de representantes de Zona Centro.

#hoxeenArousaPontevedraDíaaDía

#de12a1430

“O PP está nun proceso de mellora contínua e aspira a gobernar en todos os concellos”.

Así se refería esta mañá o vicepresidente da Xunta, Alfonso Rueda, á petición formulada polo alcalde de Vilanova reclamando cambios na comarca tralas eleccións autonómicas.

Ademáis, Rueda tamén respaldou á decisión dos representantes populares de regresar ao pleno da Mancomunidade do Salnés.

#hoxeenArousaPontevedraDíaaDía

#de12a1430

O Plan de Emprego da Mancomunidade do Salnés incorpora un novo ámbito de formación para os demandantes de emprego da comarca.

Desta volta, a adega Condes de Albarei e Pazo Baión formará nos vindeiros meses a 15 alumnos en maerias vinculadas coa xestión e mantemento dunha adega.

Aprenderán aspectos como etapas de maduración da uva, principais enfermidades da vide, tratamentos fitosanitarios, vendima manual e mecánica ou a elaboración de distintos tipos de viño.

Tamén se formarán sobre crianzas, embotellado, ou limpeza e desinfección dunha adega.

Contidos que, posteriormente, os usuarios poñerán en práctica na propia adega.

Esta formación permitirá aos participantes no Plan de Emprego completar o seu perfil profesional ampliando o abano de posibilidade de inserción dun dos sectores de maior implantación da comarca.

Así o explicaba esta mañá Javier Zas García, director xeral de Condes de Albarei na presentación desta nova formación acompañado da presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

Os socialistas visibilizaron esta mañá en Vilagarcía o seu respaldo á manifestación en defensa da Sanidade Pública deste domingo en Santiago convocada pola Plataforma SOS Sanidade Pública.

O deputado do grupo parlamentario na Cámara Galega, Julio Torrado, acompañado do alcalde Alberto Varela e concelleiros socialistas de Vilagarcía expresaron diante do Centro de Saúde da localidade os argumentos para apoiar a protesta.

Entre eles, o deputado socialista mencionaba a campaña realizada estes días polo Sergas defendendo a mellora na asistencia sanitaria en Arousa.

Unha campaña que Torrado califica de “electoralista”.

#hoxeenArousaPontevedraDíaaDía

#de12a1430

A presidenta da Mancomunidade, Marta Giráldez valora como “de sentido común” o regreso dunha parte do PP ao pleno da entidade comarcal.

Os representantes de Cambados, A Illa e Sanxenxo tomaron posesión na sesión da pasada noite rectificando a decisión adoptada no pleno constitutivo en sinal de protesta pola forma en que fora convocado.

Todos eles siguen pensando que a constitución do pleno foi “ilegal” pero consideran que non debe quedarse ao marxe nun foro tan importante como a mancomunidade

Neste sentido, a presidenta comarcal, Marta Giráldez, considera que parte do Partido Popular “deuse conta que aquela extratexia fora un erro” e desexa que o resto se siga incorporando.

Sen embargo, os ausentes nos plenos da Mancomunidade seguirán sendo os representantes de Vilanova, ainda que insisten en que continúan formando parte dos proxectos da entidade.

O alcalde Gonzalo Durán e o tenente de alcalde, Javier Tourís indicaban esta mañá respetar as decisións dos seus compañeiros de partido pero na opinión de Durán “o PP debe facer cambios na comarca cando remate o proceso electoral autonómico” porque “non é normal que nunha comarca que vota maioritariamente dereitas só se goberne en dous concellos”.

#hoxeenArousaPontevedraDíaaDía

#de12a1430

O Concello de Vilanova reemplazara as palmeiras da Praza dos Olmos afectadas polo picudo bermello por outros exemplares que non corran o risco da presencia do escarabello asiático.

Os traballos serán realizados polos alumnos do Obradoiro de Emprego de Xardinería, que xa empezaron a preparar os espazos verdes do municipio de cara o verán, tal como nos conta o alcalde Gonzalo Durán.