#hoxeenArousaPontevedraDíaaDía

#de12a1430

A Xunta estuda a posibilidade de ampliar a dotación da Unidade de Desenvolvemento Infantil e Atención Temperá da comarca do Salnés, ubicada en Vilagarcía.

O centro leva tempo ao límite da súa capacidade asistencial debido á alta demanda do servizo ao que acuden familias de todos os municipios da comarca.

Por tal motivo, dende a Xunta, o director xeral de Maiores e Persoas con Discapacidade, Ildefonso Campa, visitaba esta mañá a unidade para analizar cos seus responsables a forma de resolver a situación.

Unha solución que, en todo caso, pasaría por ubicar novas unidades noutros concellos, tal como sinalaban tanto o Director Xeral da Xunta como o representante da Asociación Galega de Atención Temperá Jaime Ponte.

#hoxeenArousaPontevedraDíaaDía

#de12a1430

A Plataforma de afectados polas listas de espera sanitarias no Salnés continúa coa rolda de encontros cos partidos políticos para que recollan as súas demandas cara as vindeiras eleccións autonómicas do 5 de abril.

Tras reunirse onte coa deputada do BNG Montse Prado, o colectivo faino esta mañá co alcalde de Vilagarcía, Alberto Varela, e mañá teñen previsto unha xuntanza co PP.

O goberno local de Vilagarcía da o seu "decidido apoio" ás reivindicacións da da Plataforma de Afectados polas Listas de Espera.

Neste sentido, o pleno ordinario de marzo incluirá unha moción do grupo de goberno na que se expresan as principais demandas deste colectivo en materia de saúde para a futura Xunta de Galicia.

O debate plenario producirase a apenas dez días das eleccións autonómicas do 5 de abril.

A Plataforma foi recibida esta mañá polo alcalde, Alberto Varela, a portavoz municipal, Tania García, e a concelleira de Sanidade, Maty Laya.

Durante o encontro, o goberno local explicoulles aos representantes do colectivo as súas xestións para mellorar a atención sanitaria no municipio, "con especial incidencia na necesidade de contar cun centro de saúde acorde aos tempos actuais e á realidade da oitava cidade de Galicia e noveno municipio por número de habitantes", sinalan fontes municipais.

Pola súa banda, o colectivo lembrou as súas principais demandas: impedir o desmantelamento ou deterioro da atención sanitaria no hospital do Salnés e a súa dependencia de centros de Pontevedra, ou que todos os partidos, sindicatos e asociacións camiñen en común nese obxectivo.

"Reivindicacións do colectivo de Afectados polas Listas de Espera coas que o goberno local coincide plenamente. De aí o seu compromiso de levar este debate ao vindeiro pleno, o 27 de marzo", indica o executivo municipal.

Asimesmo, o presidente do colectivo, Santiago Bua, pide aos usuarios da sanidade pública que presenten reclamacións para que o Sergas non contabilice listas de espera ficticias.

#hoxeenArousaPontevedraDíaaDía

#de12a1430

Ribadumia acolle este domingo 1 de marzo o Campionato Galego de Jiu-Jitsu nas modalidades absoluta e promesas.

A competición, na que se agarda a participación de máis de 100 deportistas de toda Galicia, desenvolverase no pavillón deportivo de Sisán e comezará ás 10:30 cos duelos das promesas alevíns e infantís.

O campionato foi presentado esta mañá polo alcalde de Ribadumia, David Castro e o adestrador Andrés Senín do Club Judo Senín.

#hoxeenArousaPontevedraDíaaDía

#de12a1430

A Plataforma de afectados polas listas de espera no Salnés celebraron esta mañá un novo encontro cos partidos políticos para que recollan as súas demandas cara as vindeiras eleccións autonómicas do 5 de abril.

Desta volta, o colectivo reuniuse coa deputada do BNG, Montse Prado, que se comprometeu a recuperar a área sanitaria do Salnés, repoñendo as especialidades perdidas no Hospital Comarcal e dotandoo de maior poder de decisión.

Paralelamente, a Plataforma está a manter reunións cos sindicatos. Xa o fixo coa CIG e CCOO e está a espera da resposta de UXT para poñer en marcha unha convocatoria de mobilizacións.

Así o explicaban o presidente do colectivo, Santiago Bua, e a deputada nacionalista, Montse Prado, tralo encontro celebrado na sede do BNG en Vilagarcía.

#hoxeenArousaPontevedraDíaaDía

#de12a1430

O Concello de Vilagarcía abre unha nova edición do Programa de Inclusión e Capacitación Dixital que, un ano máis, se imparte na aula Cemit do Centro de Formación de Matosinhos ata o mes de novembro.

O programa, que pretende a formación cara a empregabilidade, componse de 14 cursos gratuitos distribuidos en cinco bloques temáticos, dirixidos a maiores de 18 anos: ofimática, novas ferramentas TIC, administración electrónica, orientación de emprego e capacitación dixital.

A formación é impartida pola consultora Kaeme en horario de mañana e de tarde e as inscripciones poden hacerse no propio centro de Matosinhos en horario de 9 a 14 horas.

A edición deste ano contempla diversas novidades como a creación dun perfil laboral profesional, o uso de novas aplicacións de deseño, o control parental e a seguridade na rede.

Os detalles nolos explicaba esta mañá a responsable da formación, Cristina Parracho, na presentación do programa, acompañada da Concelleira de Emprego, Alba Briones.

#hoxeenArousaPontevedraDíaaDía

#de12a1430

Vaise achegando o 8 M, día Internacional da Muller e xa se están preparando diferentes actividades conmemorativas da xornada.

O Campo de Golf de Meis celebra o vindeiro 8 de marzo, Día da Muller, o I Torneo de Golf Feminino Oficial para visibilizar á muller no mundo do deporte e en concreto no golf.

O evento está organizado pola Fundación Monte Castrove e conta co apoio da Federación Galega de Golf e os concellos de Meis, Cambados, Sanxenxo, Ribadumia e Vilagarcía e o clube Chan do Fento.

Tamén colaboran a Deputación de Pontevedra, Obra Social La Caixa e Electricidade Salvador Cores de Cambados.

O campionato no que se agarda que participen unhas 100 golfistas profesionais, terá dúas categorías, de 9 e de 18 fosos, con premios para os primeiros postos e agasallos para todas as participantes.

A inscripción é gratuita, a través da páxina do Campo de Golf de Meis e o prazo xa está aberto.

Para os organizadores "ter o I Torneo de golf da Muller traballadora neste campo é unha iniciativa importantísima".

Nolo decían esta mañá as alcaldesas de Meis e Cambados, Marta Giráldez e Fátima Abal, na presentación do Torneo, xunto con Clara López, da Federación Galega de Golf e Juan Ramón Vidal, Presidente da Fundación Monte Castrove.

#hoxeenArousaPontevedraDíaaDía

#de12a1430

O candidato socialista á presidencia da Xunta, Gonzalo Caballero, comprometeuse esta mañá en Vilagarcía a construir o novo centro de saúde na antiga Comandancia coa maior celeridade e a realizar as beirarrúas de Bamio nos primeiros meses de mandato.

Caballero trasladou ao alcalde e presidente da Fegamp, Alberto Varela, que “os concellos contarán co apoio dun goberno progresista que defende o estado de benestar con servizos públicos de calidade”.

#hoxeenArousaPontevedraDíaaDía

#de12a1430

A Fundación Amigos de Galicia vese na obriga de cambiar o operativo de distribución de alimentos trala inspección de Sanidade que prohíbe o almacenamento dos mesmos na nave de Vilagarcía.

Ademáis, a Fiscalía investiga se a Fundación distribúe alimentos caducados a través dos almacéns que a entidade ten tanto en López Ballesteros como en San Cibrao das Viñas en Ourense.

A inspección foi consecuencia dunha denuncia presentada por dúas persoas que realizaban traballos en beneficio da comunidade.

Como consecuencia, Sanidade prohibiulles a manipulación e distribución de alimentos frescos e tampouco lles autoriza a etiquetaxe de productos.

Amigos de Galicia recoñece que a nave situada en López Ballesteros de Vilagarcía non reúne as condiciones sanitarias adecuadas “xa que ao tratarse dun espazo aberto hai heces de roedores e non garante a trazabilidade”.

Así que, a instalación quedará, de momento, para a almacenaxe de mobles e tapóns.

Por eso, a entidade busca agora outras fórmulas de reparto como a cobertura a través de tarxetas de crédito válidas en tendas de alimentación.

Unha circunstancia, que, sen embargo, reducirá o número de beneficiarios e familias que atendían ata o de agora, tal como explicaba esta mañá Jesús Busto, responsable da entidade en Vilagarcia.

Pola contra, a Fundación asegura que nunca se entregaron nin se entregan productos alimenticios caducados, como investiga a Fiscalía, ainda que “é certo que recibimos grandes cantidades de alimentos donandos cunha data de consumo preferente corta pero sempre llo comunicamos aos usuarios, sendo vontade deles recollelos ou non”.

Asimesmo, a entidade continuará cos programas de emprego, mulleres en situación de vulnerabilidade, atención a personas maiores que viven soas e especial defensa da infancia.

#hoxeenArousaPontevedraDíaaDía

#de12a1430

Vilanova celebra este sábado día 29 a cuarta edición do Cannaval, un evento que convoca a celebración do Entroido para todo tipo de mascotas de toda a comarca

Para este ano agárdase aumentar a participación e que sexan máis de 200 persoas coas seus animais os que desfilen a partir das 17 horas na pasarela do Multiusos.

O Cannaval inclúe tamén o seu Concurso de Difraces con premios para o máis creativo, o máis divertido e o mellor combo dono/a-mascota.

Unha divertida forma de “integrar socialmente aos animais de compañía”, tal como sinalaban esta mañá os representantes das clínicas veterinarias organizadoras na presentación do evento xunto co alcalde, Gonzalo Durán

#hoxeenArousaPontevedraDíaaDía

#de12a1430

Os sete alumnos do Plan de Emprego da Mancomunidade do Salnés que está realizando as prácticas na empresa de Servizos Eólicos Galventus están a piques de rematar a súa formación.

Unha vez finalizadas as prácticas, o alumnado ten probabilidades reais de incorporación a diferentes postos de traballo na empresa en postos de inspección con dron en parques eólicos e reparación de palas en nave.

Os candidatos que resulten contratados recibirán, a maiores, unha formación en riscos de altura para futuras inspeccións in situ.

O responsable da empresa Carlos Vázquez, a Presidenta da Mancomunidade, Marta Giráldez, e o xerente da entidade, José Ramón Guinarte, comprobaron esta mañá o traballo realizado polo alumnado durante unha visita ás instalacións no Polígono de Sete Pías de Cambados.