#hoxeenArousaPontevedraDíaaDía

#de12a1430

Unhas 250 mulleres do Salnés en situación de vulnerabilidade son atendidas anualmente polo Centro de Información á Muller comarcal.

Alí reciben asesoramento tanto xurídico como psicolóxico, ademáis de laboral, por parte das responsables do CIM que esta mañá estiveron na presentación das actividades do 8 M programadas a nivel comarcal.

#hoxeenArousaPontevedraDíaaDía

#de12a1430

A Asociación de Comerciantes Zona Centro e o Concello poñen en marcha a campaña do Día do Pai que presentaban esta mañá o presidente dos comerciantes Juan Rey, e o Concelleiro de Promoción Económica, Xurxo Charlín.

Nesta ocasión, distribuiranse un total de 30.000 boletos entre os clitentes dos establecementos asociados que poderán optar a 600 euros en vales compra, repartidos nun premio de 200 euros; dous de 100 euros e catro premios de 50 euros.

Ademáis, reedítase o premio especial dunha estancia en Asturias para unha familia, dous adultos e dous nenos, que inclúe aloxamento, e unha visita ao parque de Cabárceno.

O Sorteo da campaña realizarase o mércores 25 de marzo ás 13:00 horas na sede da asociación (Rúa Nova, 4).

#hoxeenArousaPontevedraDíaaDía

#de12a1430

O Concello de Meis ten xa preparada unha ampla programación para conmemorar a celebración do 8 M Día da Muller.

Os actos comezarán este venres cun almorzo de emprendemento feminino e a lectura do manifesto, tal como nos contaba esta mañá a alcaldesa Marta Giráldez.

Moción de censura en Catoira.

Os portavoces do Partido Socialista e do Partido Popular en Catoira, Alberto García e Iván Caamaño, presentaron esta mañá no Rexistro do Concello o escrito que promove esa moción de censura que desaloxará do goberno local ao nacionalista Xoan Caamaño.

Os motivos xustifícanos nunha carta asinada por ambos para ser remitida en próximos días a todos os veciños do municipio.

Denuncian na carta que "o Concello está esquecido" e que "o alcalde do BNG non traballa para a xente de Catoira e incumpre as súas promesas electorais".

O que se limita a facer Xoán Castaño, din García e Caamaño, é "beneficiar aos seus, pagando diñeiro a xornais dos que el mesmo é accionista ou contratando xente das listas do BNG para pagarlles ata 3.000 euros por dar un pregón".

"O que resta de mandato a Alcaldía estará dividida a partes iguais. Metade gobernará Alberto García e a outra metade Iván Caamaño, mentres un sexa alcalde outro será tenente de alcalde",

O pleno para debater e aprobar a moción de censura sen complicacións, xa que suman 8 concelleiros nunha Corporación de 11, celebrarase o día 17 ás 12.00 horas.

Sen embargo, a moción de censura non conta co beneplácito das direccións de ambos partidos na provincia.

O presidente da formación popular en Pontevedra, Alfonso Rueda, dixo esta mañá en A Illa de Arousa que a moción non foi consensuada nin autorizada polo partido.

Rueda asegura que non está de acordo coa decisión pero que o partido agardará a escoitar as explicacións do grupo municipal de Catoira.

En todo caso advirte que, probablemente, se adopten medidas disciplinarias.

Dende o PSdG, o secretario provincial, David Regades considera que "este acordo é un erro político grave. O Partido Socialista na provincia de Pontevedra non comparte este tipo de acción, e menos un acordo político co Partido Popular. Un Partido Popular da discordia, un Partido Popular dos recortes, un Partido Popular dos castigos en materia de sanidade e de educación pública"

Ao igual que no PP, o máximo responsable provincial socialista adiantou que "imos convocar de maneira inmediata ao grupo municipal na sede provincial, e iniciaremos tamén nese mesmo momento un expediente para tratar a devandita situación".

#hoxeenArousaPontevedraDíaaDía

#de12a1430

Avanzan as obras de construcción das novas sendas peonis e ciclistas en Vilanova, que a Xunta executa na PO-549 por importe de 1,5 millóns de euros.

O alcalde Gonzalo Durán, supervisou esta mañá a realización dos dous primeiros tramos creados.

#hoxeenArousaPontevedraDíaaDía

#de12a1430

O Concello de Cambados presentou esta mañá as actividades que se levarán a cabo con motivo da conmemoración do 8M, Día da Muller Traballadora.

Os actos comezan este venres día 6 cun almorzo de emprendedoras ás 10 horas en ExpoSalnés e coa lectura do manifesto na Praza do Concello ás 12 do mediodía.

O sábado terá lugar un café coloquio sobre "10 cousas que non sabías. Sexualidade en feminino" ás 19 horas en ExpoSalnés.

Xa o domingo 8M, o colectivo de mulleres "A Naiciña" sairá ás 12 horas en manifestación ata a Praza de Asorey donde se dará lectura do manifesto.

E pola tarde, celebrarase a Gala da Muller no auditorio da Xuventude a partir das 18 horas.

No evento o Concello fará un recoñecemento a mulleres da vila que veñen realizando actividades de xeito altruista e premiarase á cambadesa máis xoven e a máis antiga. Asimesmo, proxectarase a cortametraxe “V” realizado pola cambadesa Paula González e que foi gañador do premio Sofía Novoa da Deputación.

A maiores, durante a semana haberá obradoiros de "Comunicación Non Verbal para o éxito" e "5 técnicas de relaxación para combatir o estrés".

Tamén a Asociación Esmar participa nesta conmemoración coa presentación dun libro póstumo de poemas dunha muller víctima de violencia de xénero.

A programación foi presentada esta mañá pola alcaldesa de Cambados, Fátima Abal acompañada de representantes das asociacións A Naiciña e Esmar.

#hoxeenArousaPontevedraDíaaDía

#de12a1430

A plantilla de COINBA mobilizouse esta mañá ante a negativa da Seguridade Social a desbloquear as contas da empresa, inmersa en concurso de acreedores.

Un grupo de traballadoras, respaldadas polo comité de empresa, pechouse esta mañá na sede da Seguridade Social en Vilagarcía coa intención de non abandonar a mobilización ata que o organismo retirara o embargo que impide á plantilla cobrar as nóminas.

Finalmente, a Seguridade Social desbloqueou as contas e as traballadoras volveron aos seus postos, tal como nos conta Rosa Abuín da CIG.

A plantilla cree que a empresa é viable pero teme que se trate dun "pelotazo urbanístico" debido a que a nave e a parcela encóntranse en primeira liña de praia.

Unha circunstancia que, sen embargo, nega tallantemente a dirección da firma.

En todo caso, o comité de empresa pedirá esta semana ao Concello unha xuntanza para saber cómo están recalificados os terreos no PXOM.

#hoxeenArousaPontevedraDíaaDía

#de12a1430

O Concello de Vilanova inicia a primeira actuación no proxecto de creación dunha senda entre os Muiños de Currás e Lobeira.

Os alumnos do Obradoiro de Emprego están recuperando o Muiño de O Piruchiño, que ata agora estaba oculto pola maleza e do que se descoñecía a súa existencia.

Nolo contan a directora do Obradoiro, Elena Suárez, e o alcalde Gonzalo Durán.

#hoxeenArousaPontevedraDíaaDía

#de12a1430

Vilagarcía conmemorará o 8M, Día da Muller Traballadora, cunha semana de actividades para concienciar á cidadanía e loitar pola igualdade efictiva entre homes e mulleres

Os actos comezarán este domingo 1 de marzo, coa manifestación convocada en Verín.

O concello de Vilagarcía porá a disposición un autobús para todas as persoas que queiran asistir. Só deberán anotarse no correo

Posteriormente, o venres 6 de marzo ás 12 do mediodía terá lugar a lectura do Manifesto do Consello local da Muller aprobado onte no pleno municipal, que este ano pronunciará Teresa Brianes Loroño, recente gañadora do Premio Autónoma do Ano.

Pola tarde realizarase a presentación do libro "Eu son Carolina" de Javier Carballo de Jesús.

E xa pola noite as mulleres que o desexen poderán asistir á tradicional cea no restaurante A Batea de Vilagarcía.

Os actos continúan o sábado 7 de marzo coa XII edición do Maratón Fotográfico polas rúas da cidade.

Xa o 11 de marzo realizarase unha proxección do filme "Una Cuestión de Género", coa colaboración do Cine Clube Ádega e para rematar, o 13 de marzo celebrarase no Salón García, unha mesa de debate coa participación de mulleres que relatarán a súa experiencia de vida en diferentes ámbitos.

A programación foi presentada esta mañá pola concelleira de igualdade de Vilagarcía, Tania García e a Directora do CIM municipal, Julia Barbosa.

#hoxeenArousaPontevedraDíaaDía

#de12a1430

A plantilla da empresa COINBA, ubicada en Vilaxoán, non acaba de comprender os motivos da dirección da firma para presentar o concurso de acreedores.

O comité de empresa, representado no sindicato CIG, expresaba esta mañá en rolda de prensa a súa incredulidade ante unha situación que pode levar ao peche da única empresa que queda na zona.

Segundo a representante sindical Rosa Abuín, a firma ten unha débeda con Abanca e coa Seguridade Social por importe de 400.000 euros que, pensa, sería facilmente revertible mediante unha hipoteca da nave e da parcela na que se ubica.

Sen embargo, ao seu entender, son diferencias entre os 11 socios as que desembocaron nesta situación.

Ademáis, todo acontece cando, precisamente, estaban recuperando clientes.

O comité de empresa asegura que a empresa é viable pero teme que se trate dunha trama urbanística debido a que a nave e a parcela encóntranse en primeira liña de praia.

Por tal motivo, a vindeira semana pedirán ao Concello unha xuntanza para saber cómo están recalificados os terreos no PXOM.

Asiemesmo, os representantes dos traballadores reuniranse o luns co administrador concursal e se a Seguridade Social non desbloquea as contas da empresa, unha medida que consideran dentro da ilegalidade, iniciarán mobilizacións.