#hoxeenArousaPontevedraDíaaDía

#de12a1430

Os concellos están xa de cheo na fase do reparto de máscaras de protección contra o coronavirus, e moitos son os que o realizan a domicilio.

Meaño comezou a distribución entre todos os veciños e veciñas do municipio das máis de 5.000 #máscaras adquiridas polo Concello.

Tamén en Meis a alcaldesa Marta Giráldez e os concelleiros intensifican esta semana a entrega das máscaras en todos os fogares e en Vilanova a iniciativa exténdese agora aos polígonos industriais.

Nolo contan o tenente de alcalde, Javier Tourís, e o presidente asociación empresarial do polígono de Tremoedo. Benito Martínez.

#hoxeenArousaPontevedraDíaaDía

#de12a1430

O estado de alarma e o período de confinamento está cambiando moitas cousas nas nosas vidas .. pero tamén está recuperando oficios que permanecían ata o de agora un tanto relegados.

É o caso das costureiras que dende que empezou a crise sanitaria volven coller cada día as súas máquinas de coser para elaborar equipos de protección fronte o coronavirus.

Iniciativas solidarias que no municipio de Barro desempeñan trece destas mulleres que xa teñen elaborado e distribuído unhas 1.000 máscaras, 500 gorros e 40 pantallas protectoras.

Unha desas costureiras é Ana Rodríguez e con ela falabamos en #ArousaPontevedraDíaaDía

#hoxeenArousaPontevedraDíaaDía

#de12a1430

As bandeiras ondean a media asta en Cambados en sinal de dó polo falecemento do veciño da parroquia de Vilariño, a primeira víctima mortal por coronavirus rexistrada no Hospital do Salnés e tamén a primeira do municipio.

O home, de 76 anos, que padecía patoloxías previas con problemas respiratorios, ingresou no centro comarcal hai uns días pero a complicación da súa sintomatoloxía provocou o fatal desenlace.

Varios familiares están en corentena á espera de que se lles realicen as probas.

O concello mantén a bandeira a media asta e a alcaldesa, Fátima Abal, trasladou as súas condolencias á familia e expresaba a conmoción pola perda.

Ao tempo transmitía unha mensaxe de ánimo á familia e á veciñanza do municipio, tal como o expresaba nestas declaracións.

#hoxeenArousaPontevedraDíaaDía

#de12a1430

Si hai unha Semana Santa emblemática no Salnés esa é a Semana Santa de Paradela..

Este ano, obviamente debido ao estado de alarma non se vai celebrar pero os actores que a representan buscaron outra alternativa.

Grabarán esceas dende os seus domicilios nos días máis representativos e emitiranse a través das redes sociais.

Nolo contaba esta mañá a alcaldesa de Meis, Marta Giráldez, que tamén está convidada a facer a súa representación.

Con ela falamos, deste e doutros temas, en #ArousaPontevedraDíaaDía

#hoxeenArousaPontevedraDíaaDía

#de12a1430

Con “moita preocupación e resignación” pero tamén con esperanza resume o alcalde de A Illa de Arousa, Carlos Iglesias, cómo se vive no municipio o estado de alarma e o período de confinamento.

O sector do mar é a base fundamental da economía local e por eso o rexedor fai pública a demanda que lle trasladan mariñeiros e armadores: solicitar á Xunta e ao Goberno de España que se establezca o marco necesario para que o marisqueo e a acuicultura poida acceder a un réximen de axudas.

Delo e de cómo se está vivindo en A Illa de Arousa esta situación de crise sanitaria e confinamento falabamos con #CarlosIglesias nesta entrevista en #ArousaPontevedraDíaaDía

#hoxeenArousaPontevedraDíaaDía

#de12a1430

O Concello de Cambados pon a disposición de todas as familias con escolares en primaria que non dispoñan de medios de impresión nos seus domicilios un servizo gratuito de impresión de apuntes e traballos escolares.

Os documentos deben enviarse por correo electrónico indicando o nome do alumno/a e o colexio onde estuda.

A recollida realizarase nun lugar a concretar entre a familia e o Concello ou entrega a domicilio no caso de que sexa imposible o desprazamento, como nos conta a alcaldesa Fátima Abal.

#hoxeenArousaPontevedraDíaaDía

#de12a1430

O Concello de Meaño adoptou diferentes medidas para “xestionar con firmeza e solidaridade esta crise sanitaria COVID-19 sen precedentes que está afectando ás nosas vidas no

ámbito social, no ámbito laboral, no ámbito económico e no ámbito familiar”.

De todo elo falabamos co alcalde Carlos Vieitez nesta entrevista en #ArousaPontevedraDíaaDía

O rexedor explicounos que no ámbito económico “estamos axilizando o máximo posible o pago a proveedores para que as empresas e negocios poidan ter liquidez. Tampouco cobraremos os servizos que durante esta crise sanitaria non se están prestando”.

En relación ao ORAL, o Concello acordou a suspensión de recaudación de tributos e outros ingresos durante o estado de alarma, así como “outras medidas económicas que se poidan tomar, que estamos estudiando”.

Asimesmo, o goberno local de Meaño adoptou a coordinación de novo de todos os servizos municipais, que son todos de xestión directa e dotouse a todo o persoal cos EPIS correspondentes, seguindo as indicacións das

autoridades sanitarias.

Igualmente, reforzouse o servizo de asuntos sociais, para dar atención ás persoas que están en risco de exclusión social, facilitandolle a compra de alimentos mediante vales.

Neste sentido “mantemos o servizo do vehículo asistencial para axudar ás persoas que teñen que desplazarse ao médico, á farmacia e a entidades bancarias, realizamos un servizo de apoio ás persoas vulnerables que viven soas, que son maiores ou con enfermidades de risco que precisen axuda para cubrir algunha das necesidades básicas, de alimentación, menciñas ou calquera outra necesidade”, sinala o alcalde.

Dentro das actuacións excepcionais, tamén se reforzou o servizo de Policia Local coa contratación dun auxiliar de Policía e se incrementan os servizos de limpeza e desinfección.

Concretamente, execútanse tarefas de limpeza diaria en zonas de acceso a establecementos de alimentación, centros de saúde, farmacias, entidades bancarias ou á praza de abastos.

Tamén se realizan traballos de limpeza semanais en beirarúas dos núcleos urbanos (Dena e Meaño) e viais do núcleo rural das sete parroquias, desinfección nas instalacións municipais (Casa do Concello, Almacén de

Maquinaria, Praza de Abastos) e en vehículos municipais.

Asimesmo, estase realizando a entrega de mascarillas aos negocios que permanecen funcionando durante este estado de alarma e tamén as hai a disposición dos veciños que as precisen.

Carlos Vieitez remata cunha mensaxe de “agradecemento ao esforzo, a responsabilidade, a colaboración e a solidaridade amosada polos

veciños de Meaño, Xuntos saldremos adiante”.

#hoxeenArousaPontevedraDíaaDía

#de12a1430

Meis foi o primeiro concello en aconsellar á veciñanza manter abertas as tapas dos contedores para evitar a propagación do coronavirus.

A súa alcaldesa, Marta Giráldez, é consciente de que a medida non é aceptada igual por toda a veciñanza, que alega malos cheiros, nin tampouco por todos os concellos onde as gaivotas poden espallar o lixo.

A rexedora entende ambos casos pero considera que a iniciativa é beneficiosa para previr novos contaxios.

Nolo explicaba a rexedora e presidenta da Mancomunidade do Salnés nesta entrevista na que repasábamos as medidas excepcionais adoptadas polo Concello de Meis para facer fronte á crise sanitaria.

Entre elas, o rastreo do padrón municipal na busca de persoas maiores que viven soas e poñerse a súa disposición para facerlles a compra e levarlla ao seu domicilio.

De momento, levan localizadas a unha trintena de maiores nestas circunstancias.

#hoxeenArousaPontevedraDíaaDía

#de12a1430

Os Concellos continúan adoptando medidas excepcionais a consecuencia do estado de alarma.

En Cambados, o Concello pon a disposición das persoas que teñen que acudir asiduamente a recibir tratamentos médicos máscaras de tea elaboradas por costureiras voluntarias.

Nolo contaba nesta entrevista a alcaldesa, Fátima Abal, coa que facíamos balance da primeira semana de estado de alarma.

#hoxeenArousaPontevedraDíaaDía

#de12a1430

Complicada situación a que está vivindo a veciña de cambados Vanesa Serantes e a súa familia que sufren en Lanzarote o estado de alarma decretado polo coronavirus.

A familia está dende o pasado día 11 na illa canaria, a onde foron a pasar unha semana de vacacións, pensando sobre todo no menor dos seus dous fillos, que padece autismo.

Pero as cousas empezáron a torcerse cando o goberno decretou o estado de alarma.

Cancelaron o seu vóo de volta e no hotel onde se aloxan non poden permanecer máis días porque tamén pecha.

Agora intentan conseguir billetes nun ferry que os trasladará ata Cádiz e dende ahí poder volver á casa sen saber ainda moi ben cómo.

A desesperación de Vanesa é maior pensando no seu pequeno, xa que non sabe cómo se vai a enfrentar a todo elo, tal como nos contaba nesta entrevista esta veciña de Cambados.