#hoxeenArousaPontevedraDíaaDía

#de12a1430

O 29 de febreiro, Día Internacional das Enfermidades Raras, o Auditorio de Vilagarcía acolle un evento solidario en beneficio da Asociación GaliciAme contra a Atrofia Muscular Espinal, que dirixe a cambadesa Merchy Alvarez.

Concretamente, será a proxección do filme documental “Historias de nuestro cine”, ás 20.30 horas, que contará coa presencia de Antonio Resines, embaixador de GaliciAme.

As entradas, a un prezo de 5 euros, está á venda en Anaquiños, Rúa Baldosa 24, en Exposalnés en Cambados e a través da plataforma online eventbrite.es

Nolo contaba a presidenta de GaliciAme na presentación do evento, acompañada da Concelleira de Servizos Sociais de Vilagarcía, Tania García

#hoxeenArousaPontevedraDíaaDía

#de12a1430

O Concello de Vilanova solicita financiamento da Xunta de Galicia para poñer en marcha un novo obradoiro de emprego que estará destinado á creación de redes de Smart City no municipio.

Por tal motivo, o alcalde, Gonzalo Durán, e o tenente de alcalde, Javier Tourís, reuníronse esta mañá en Santiago co Conselleiro de Industria para presentarlle o proxecto.

#hoxeenArousaPontevedraDíaaDía

#de12a1430

O Concello de Cambados centraliza todos os seus dominios web nunha única páxina, http://enoturismo.cambados.es para facilitar o acceso dos usuarios á información municipal.

Os 8 alumnos do Obradoiro de Emprego de Informática de Cambados realizaron as tarefas de redirección dos enlaces web e actualizaron os códigos QR coa información turística e patrimonial da vila e as audio guías do Museo do Viño.

Así o explicaba o edil de promoción económica, Xurxo Charlín acompañado do docente do curso, Rubén Cornes.

#hoxeenArousaPontevedraDíaaDía

#de12a1430

A Dirección Xeral do Patrimonio autoriza a ubicación definitiva do cartel de Cambados Cidade Europea do Viño no Museo do Viño.

Nas vindeiras semanas fixarase o cartel na actual ubicación e realizarase a instalación eléctrica.

Mentras tanto, o Concello continúa buscando asesoramento con paisaxistas para decidir cómo será a nova imaxe vexetal que se ubicará na rotonda de Vilariño, tal como nos conta o Concelleiro de Obras e Servizos, Samuel Lago.

#hoxeenArousaPontevedraDíaaDía

#de12a1430

Productores, depuradoras e comercializadoras do sector mexilloeiro visibilizaron esta mañá en Vilagarcía a súa preocupación pola modificación da lei de Costas.

Representantes de confrarías, bateeiros e empresas transformadoras demandan ao goberno do estado “a constitución dunha mesa de análise onde esté presente o sector co fin de garantir a preservación das condicións indispensables para o desenvolvemento sostible e viable das súas actividades”.

Segundo aseguran, necesitan seguridade xurídica porque “está en xogo a principal fonte de creación dun número inxente de postos de traballo, a fixación de poboación na Galicia costeira e o futuro socioeconómico do país”.

Así o decía o presidente da Asociación de Depuradores e Comercializadores de Moluscos, Roberto Fariña.

#hoxeenArousaPontevedraDíaaDía

#de12a1430

O deputado socialista no Parlamento Julio Torrado fixo esta mañá balance do traballo feito polo seu grupo durante esta lexislatura na comarca de Arousa.

Torrado destacou as iniciativas plantexadas en materia de saneamento da ría e insistiu no abandono da comarca por parte do goberno da Xunta.

#hoxeenArousaPontevedraDíaaDía

#de12a1430

O Grupo de Emerxencias Supramunicipal de Sanxenxo reforza o seu equipamento cun novo sistema de excarceración facilitado pola Consellería de Presidencia da Xunta de Galicia.

O novo equipo foi supervisado esta mañá polo vicepresidente da Xunta, Alfonso Rueda, acompañado do alcalde Telmo Martín.

Ambos destacaban a importancia do traballo que realiza este grupo de emerxencias.

#hoxeenArousaPontevedraDíaaDía

#de12a1430

O Vicepresidente da Xunta, Alfonso Rueda, trasladouse esta mañá a Vilanova para comprobar o funcionamento do coche eléctrico do que dispón a Policía Local dende o pasado novembro.

O vehículo ten un motor de 40 kilowatios e máis de 300 kilómetros de autonomía e supuso un investimento de 40.000 euros, financiados nun 80% pola Xunta e o restante pola administración municipal a través do Plan Concellos da Deputación.

En vista do bo resultado, o Concello solicitará a Xunta unha furgoneta destas características para o servizo de obras, tal como explicaba o alcalde Gonzalo Durán.

#hoxeenArousaPontevedraDíaaDía

#de12a1430

Un total de 41 fotografías participaron no I Premio de Fotografía "Regala Diversidade" organizado polo IES Castro Alobre, en colaboración coa Asociación de Comerciantes Zona Aberta e o Concello, para celebrar o San Valentín "Diverso".

As tres fotografías gañadoras do certame, cunha temática sobre as relacións afectivas, recibiron vales compra de 60, 30 e 20 euros para gastar nos comercios da vila.

Ademáis, esta mostra que agora pode verse na cafetería do instituto Castro Alobre, será itinerante e poderá contemplarse tamén nos comercios da vila, no centro educativo Con Eles e no Centro Ocupacional O Saiar.

Os motivos desta iniciativa nolos explican a responsable do grupo de Diversidade Afectivo-Sexual do instituto Castro Alobre, Paloma García, e a Presidenta de Zona Aberta, Rocío Louzán durante a inauguración da exposición.

#hoxeenArousaPontevedraDíaaDía

#de12a1430

O Pabillón Multiusos de Vilanova está xa dotado cun ascensor que mellora a accesibilidade do edificio.

A instalación do elevador foi adxudicada á empresa Enor por un importe total de 38.962 euros, financiados co apoio da Xunta, que aportou 20.000 euros.

A actuación tamén incluiu a creación dunha plataforma entre as gradas para que as persoas con cadeira de rodas ou as familias con carriños de bebé poidan ver as actividades dende as bancadas.

Deste xeito, segundo o alcalde Gonzalo Durán, o pavillón multiusos de Vilanova é o único da comarca, ata o momento, que dispón desta mellora de accesibilidade.