#hoxeenArousaPontevedraDíaaDía

#de12a1430

O Concello de Vilagarcía convoca unha nova edición dos Premios ao Emprendemento para apoiar a creación de novas empresas.

Nesta nova convocatoria, na que poderá participar cualquer persoa cunha idea de negocio ou cunha empresa con menos de 24 meses de actividade, incrementarase o importe dos premios, cun primeiro de 8.000 euros, un segundo de 5.000 euros e un terceiro de 3.000 euros.

O prazo de presentación dos proxectos xa está aberto e rematará o vindeiro 29 de febreiro.

O xurado seleccionará os seis mellores proxectos o 23 de marzo e tras un periodo de mentoring, darase a coñecer a idea gañadora nun evento que terá lugar o vindeiro 24 de abril e no que se realizarán tamén as exposicións dos proxectos.

Con esta iniciativa o goberno local mantén unha aposta por proxectos que engadan valor á economía local e social, tal como expresaba esta mañá a Concelleira de Promoción Económica, Alba Briones, na presentación dos Premios.

#hoxeenArousaPontevedraDíaaDía

#de12a1430

O Concello de Vilanova promove a integración de usuarios da asociación Lar Pro Saúde Mental en actuacións no municipio.

O goberno municipal ven de contratar a dous traballadores deste colectivo para que acondicionen diferentes espazos públicos de cara á tempada estival.

Concretamente, encargaranse da reparación e mantemento dos bancos do Xardín Umbrío, tal como nos exlicaba a directora de Lar, Amelia Varela.

#hoxeenArousaPontevedraDíaaDía

#de12a1430

O sector pesqueiro e as organizacións non gobernamentais poderán beneficiarse este ano, e por primeira vez, de axudas destinadas a accións de recollida de lixo mariño en Galicia.

O anuncio facíao esta mañá en A Illa de Arousa a Conselleira do Mar, Rosa Quintana, durante unha visita á confraría.

Estas achegas, cofinanciadas polo Fondo Europeo Marítimo e de Pesca (FEMP), contan cun orzamento de 500.000 euros para os exercicios 2020 e 2021.

Ademáis, a Consellería do Mar abre unha nova liña de axudas para colaborar coas confrarías na rexeneración dos bancos marisqueiros.

Así o explicaba Rosa Quintana na reunión co pósito de A Illa, que acollía con satisfacción ambas iniciativas.

#hoxeenArousaPontevedraDíaaDía

#de12a1430

O Concello de Cambados ten xa todo preparado para a celebración da Festa do Albariño Espumoso, que nas súas VIII Xornadas cambia de imaxe e de rumbo.

Baixo o slongan “essspop” o evento crece en días e actividades convertendo ao Salón Peña en epicentro dos Espumosos Rías Baixas dende o 14 ao 16 de febreiro, coa participación de 14 adegas da Denominación de Orixe.

Showcookings, degustacións, maridaxes, catas, concertos e formación para adegueiros e público en xeral son algunhas das innovacións do programa que esta mañá presentaron a alcaldesa Fátima Abal, o organizador do evento, Jacobo Aragunde, e o sumiller José Luis Aragunde.

#hoxeenArousaPontevedraDíaaDía

#de12a1430

O Concello de Vilagarcía e a Asociación O Souto de Rubiáns organizan a XII Exposición da Camelia.

A cita terá lugar os días 15 e 16 de febreiro no Centro Cociocultural de Rubiáns e contará cuns 55 expositores.

As xornadas comezarán o sábado as 17 horas coa inauguración da exposición e dunha mostrar fotográfica de Manuel Hermosa Rivas.

Posteriormente, as 18:30 horas terá lugar unha charla divulgativa da Camelia por Pedro Mansilla.

Xa o domingo ás 12:30 horas haberá unha actuación musical de Arousa Dúo Trombón.

Pola tarde, ás 16:30 horas realizarase unha visita guiada ao Pazo de Rubiáns e ás 20 horas será a clausura da exposición coa actuación do grupo Folclórico O Souto de Rubiáns.

Unha xornadas que consolidan a presencia de veciños cultivadores, tal como explicaba a concelleira d e Cultura, Sonia Outón, e o presidente da Asociación O Souto, Xurxo Abuín, na presentación das Xornadas.

#hoxeenArousaPontevedraDíaaDía

#de12a1430

O Concello de A Illa de Arousa pon en marcha, a través da Universidade Popular, dous cursos gratuitos de empregabilidade dirixidos a xóvenes e a mulleres de toda Galicia en risco de exclusión social.

Son concretamente, formación teórico-práctica en hostelería e turismo e limpeza de superficies en edificios e locais.

No primeiro caso, abordaranse técnicas básicas de cociña, información turística, atención en barra, café e coctelería, novos modelos de negocio, informática, e técnicas de axuda á autoestima.

En canto ao curso de limpeza en superficies en edificios e locais, pretende que as destinatarias poidan ver un obxetivo de futuro e crear a súa propia empresa.

A formación centrarase nos módulos de limpeza e tratamento de solos, paredes e teitos, mobiliario interior e procedementos con maquinaria.

Asimesmo, inclúe orientación laboral para a creación dunha empresa, asesoramento sobre cómo falar en público e informática básica.

Os cursos comezan nos vindeiros días cunha disponibilidade de 16 prazas e prolongaranse ata finais de marzo.

Os detalles nolos contaban esta mañá o alcalde, Carlos Iglesias, e a Concelleira de Cultura, Rosy Viana, acompañados da responsable da formación.

#hoxeenArousaPontevedraDíaaDía

#de12a1430

O BNG do Salnés inicia unha campaña “En Defensa da Sanidade Pública” dende as institucións con mocións nos concellos pero tamén centrada na rúa e na veciñanza.

Os primeiros pasos serán o apoio á manifestación convocada para este vindeiro domingo día 9 en Santiago e unha charla sobre a problemática da sanidade que a formación nacionalista ofrecerá este mércores en Exposalnés ás 20.30 horas.

A deputada Montse Prado e os concelleiros nacionalistas de Cambados, Victor Caamaño, e Vilagarcía, Lucía Veloso, denunciaban esta mañá en rolda de prensa os motivos da iniciativa.

A situación dos centros de saúde da comarca e do hospital do Salnés, recortes, falta de persoal, peche de camas, longas listas de agarda para citas ou baixas e vacacións do persoal sanitario que non se cubren.

Todo elo, segundo aseguraron, provocan unha perda de servizos na sanidade privada a cambio de potenciar o sector privado.

#hoxeenArousaPontevedraDíaaDía

#de12a1430

Os comerciantes de Vilagarcía e o Concello preparan para este ano unha campaña de San Valentín que, ademáis de incentivar as compras, centrarase na reivindicación dos dereitos LGTBI.

A idea xurdiu de Zona Aberta e foi ben acollida polo goberno local, coa colaboración do CIM e o IES Castro Alobre, baixo o slogan "Amamos a Diversidade".

A iniciativa inclue a entrega de papeletas nos comercios para o sorteo dunha fin de semana en parella con hotel máis spá e a celebración dunha Festa de San Valentín que terá lugar o 14 de febreiro ás 20.30 horas na Praza de Galicia coa música de A Duendeneta. En caso de chuvia trasladaríase á Praza da Pescadería.

Asimesmo, o IES Castro Alobre realizará un concurso de fotografía entre o alumnado baixo a temática de calquera tipo de relacións afectivas.

Os detalles nolos contaba esta mañá Rocío Louzán, presidenta de Zona Aberta, acompañada da Concelleira de Igualdade, Tania García e técnicas do CIM.

#hoxeenArousaPontevedraDíaaDía

#de12a1430

Os alcaldes e representantes do PP da provincia reflexaron esta mañá nun encontro en Vilagarcía a súa preocupación pola modificación do regulamento xeral de Costas.

Os populares reclaman ao Goberno do Estado que aclare por escrito “os aspectos que manteñen en vilo ao sector do mar”, tal como resumía a alcaldesa de Marín, María Ramallo.

#hoxeenArousaPontevedraDíaaDía

#de12a1430

O delegado territorial da Xunta en Pontevedra, José Manuel Cores Tourís, e o alcalde David Castro, supervisaron esta mañá diversas obras do Plan Marco de mellora de camiños municipais.

Trátase da ampliación e pavimentación do Camiño de Couto e viais en Outeiral e Cruceiro Vello que supuseron un investimento total de

45.000 euros.

O rexedor amosaba a súa satisfacción polas actuacións realizadas.