#hoxeenArousaPontevedraDíaaDía

#de12a1430

O delegado territorial da Xunta en Pontevedra, José Manuel Cores Tourís, visitou esta mañá a parroquia de Alba, na cidade do Lérez, co obxectivo de anunciar a licitación hoxe no Diario Oficial de Galicia da nova senda peonil entre Alba e San Caetano, na PO-225.

Na visita, o delegado territorial estivo acompañado do xefe territorial de Infraestruturas, José Luis Díez, e o xefe da Axencia de Infraestruturas en Pontevedra, Manuel Ángel González Juanatey, así como de representantes dos veciños desta parroquia.

Esta actuación conta cun orzamento de case 632.000 euros, no que se inclúe o pagamento aos titulares das 36 fincas necesarias para executar esta actuación. Trátase dun itinerario planificado polo Goberno galego no marco do Plan de Sendas na comarca de Pontevedra, cofinanciadas con Fondos FEDER 2014/2020.

Hoxe gran parte da axenda informativa lévanos ata a Fitur, en Madrid, no pabellón de Ifema.

O Salnés faise presente esta tarde na Feira Internacional de Turismo, dentro do stand de Galicia, para expoñer as súas ofertas e productos como destino.

Será a partir das 17.30 horas, cando a presidenta da Mancomunidade do Salnés, Marta Giráldez, expoña ante o público asistente o programa "Actívate no Salnés", que integra as actividades que se poden facer na comarca, como sendeirismo, actividades acuáticas ou deporte.

Pero ademáis da promoción conxunta, os concellos de Cambados e Meis intervirán posteriormente de maneira individual para aportar cada un a súas singularidades.

No caso de Meis, quere sacar partido dos seus recursos naturais e patrimoniais mediante a proxección dun vídeo que fará un percorrido pola Ruta da Pedra e da Auga, o Mosteiro de A Armenteira, o campo de golf ou a Semana Santa de Paradela.

Tamén teñen o seu espazo eventos gastronómicos como a Festa dos Callos e a recén creada feira Meus Viños.

Pois de todo elo falamos en Arousa Pontevedra Día a Día coa presidenta da entidade comarcal e alcaldesa de Meis, Marta Giráldez.

#hoxeenArousaPontevedraDíaaDía

#de12a1430

Hoxe comeza en Madrid a Feira Internacional de Turismo, Fitur, e alí, como cada ano, estará presente unha delegación da Mancomunidade do Salnés para presentar os productos turísticos da comarca dentro do stand de Galicia.

Será mañá xoves, cando a presidenta da entidade comarcal, Marta Giráldez, expoña ante o público asistente o programa "Actívate no Salnés", que integra as actividades que se poden facer na comarca, como sendeirismo, actividades acuáticas ou deporte.

Pero ademáis, a presencia do Salnés en Fitur tamén estará representada polos concellos de Cambados e Meis, que serán os únicos este ano que intervirán de maneira individual para aportar cada un a súas singularidades.

No caso de Cambados, a alcaldesa Fátima Abal

centrará este ano a súa presentación na promoción da Festa do Albariño Espumoso, que que este ano estreará imaxen e cambia de datas, adiantándose aos días 14, 15 e 16 de febreiro.

A alcaldesa Fátima Abal contábanos en Arousa Pontevedra Día a Día os motivos da elección deste evento como oferta turística en Fitur e cómo será a edición deste ano.

#hoxeenArousaPontevedraDíaaDía

#de12a1430

O Centro Ocupacional de Discapacitados de Valga, o CODI, estase a converter no primeiro punto de Galicia da Rede Galega de Preparación para a Reutilización de útiles domésticos.

Trátase do proxecto posto en marcha pola Consellería de Medio Ambiente da Xunta o pasado mes de outubro e no que xa hai 70 entidades interesadas, universidades, concellos e empresas, que queren seguir o exemplo de Valga.

Dende aquela, os usuarios do CODI están formándose nas actividades de reutilización impartidas por monitores especializados para darlles unha nova vida aos aparellos e obxetos domésticos co fin de evitar que acaben convertidos en desperdicios.

Agora, para impulsar este proxecto, a Xunta procederá, no primeiro trimestre deste ano, á convocatoria de axudas dirixidas aos concellos,

A Conselleira de Medio Ambiente, Angeles Vázquez, visitaba esta mañá as instalacións do CODI onde puxo en valor o traballo realizado neste proxecto.

#hoxeenArousaPontevedraDíaaDía

#de12a1430

O Concello de Cambados quere seguir dándolle utilidade ás cinco árbores empregadas para a decoración de nadal.

Por tal motivo, o goberno local decidiu replantalas en diferentes espazos tanto do centro urbano como das parroquias.

A primeira delas foi reubicada esta mañá no entorno da Biblioteca Luis Rei, tal como nos contaban os Concelleiro Xurxo Charlín e Samuel Lago, que colaboraron nos traballos plantación realizados polo Obradoiro de emprego de Xardinería.

#hoxeenArousaPontevedraDíaaDía

#de12a1430

A rotonda de Vilariño, en Cambados, quedará ornamentada cunha escultura vexetal, respetuosa co medio ambiente, pero, sobre todo, que non incumpra as normas de seguridade viaria.

Esa é a alternativa que o Concello decidiu para ocupar o espazo deixado polo cartel da Cidade Europea do Viño, que tivo que ser retirado da rotonda por incumplir a autorización da Xunta.

O goberno municipal encargou o deseño da nova escultura vexetal a unha empresa de paisaxismo e está a espera de recibir as propostas.

I é que, segundo o Concelleiro de Obras, Samuel Lago, regularizar o cartel da Cidade Europea do Viño, tal como propón Cambados Pode, non sería viable nin por custe nin por seguridade viaria.

O edil insiste en que teríase que retranquear, poñéndolle unha bionda por diante e elevándoo en altura, o que dificultaría a visión na circulación rodada.

#hoxeenArousaPontevedraDíaaDía

#de12a1430

Vilagarcía e Catoira prevén crear unha senda pola costa que una os dous concellos dende Carril-Cortegada ata as Torres do Oeste e outros lugares de interés.

A senda tería unha distancia duns 7 kilómetros e estaría realizada en xabre.

Pero, ademáis da ruta de senderismo, este novo producto turístico tamén contará con viaxes pola ría en drakar en galeón ou nos barcos da ruta fluvial do Camiño.

Ambos concellos están xa xestionando con Costas os primeiros trámites e na busca de financiación dunha primera fase dende Carril ata a Praia do Campanario en Bamio.

Agora, están pendentes dunha segunda reunión para o estudo da seguinte fase ata Catoira.

Así o explicaban esta mañá o Concelleiro de Turismo de Vilagarcía, Alvaro Carou, e o alcalde de Catoira, Xoan Castaño, durante a presentación do proxecto na praia de O Campanario, en Bamio.

#hoxeenArousaPontevedraDíaaDía

#de12a1430

Promover a igualdade no fútbol é o obxetivo do I Torneo Femenino de F-8 en categoría alevín, entre 8 e 11 anos, ideado polo Club Deportivo Bamio.

O evento terá lugar do 26 ao 28 de xuño no campo Manuel Jiménez de Vilagarcía e prevé contar coa participación de máis de 20 equipos de toda España.

Entre eles destaca a presencia do Valencia Fútbol Club, equipo no que xoga a vilagarciá Mari Paz Vilas, que será a madriña do Torneo.

Tamén haberá presencia de conxuntos da comarca e de algún equipo máis da Liga Iberdrola.

Ademáis, o Torneo terá unha faceta solidaria, co Euro x Goles e a venda de pulseiras que se destinará íntegramente á Asociación Pablo Ugarte de loita contra o cancro.

Os promotores da idea pretende, sobre todo, aportar o seu gran de area cara a igualdade de competicións pensando que as féminas merécense un torneo á altura dos existentes a nivel masculino.

Así o resaltaba esta mañá na presentación un representante dos organizadores, Tino Buján, acompañado do concelleiro de Deportes de Vilagarcía, Miro Serén, o diputado provincial, Gorka Gómez, a secretaria territorial da Xunta, Ana Ortiz e o vicepresidente da Federación Galega de Fútbol, Manuel Fernández.

#hoxeenArousaPontevedraDíaaDía

#de12a1430

A reacción do Concello de Vilagarcía ante a iniciativa de Vilanova de rexistrar a marca “Mar de Santiago” con fins turísticos tivo esta mañá a súa contraréplica por parte do alcalde vilanovés.

O concelleiro de Turismo de Vilagarcía lembraba que este Concello xa ten rexistrada a marca “Mar de Compostela” dende o 2002

e acusaba ao rexedor de Vilanova de contribuir á confusión con este tipo de iniciativas.

Na súa resposta, Gonzalo Durán destacou esta mañá a diferencia do nome entre ambas marcas e denunciou o “acoso” que, ao seu entender, ven sufrindo por parte dos socialistas da comarca, aos que pide que “nos deixen traballar en paz” polos veciños de Vilanova: “non perxudica a nadie que veñan máis turistas a Vilanova”.

#hoxeenArousaPontevedraDíaaDía

#de12a1430

O campo de fúbol de O Terrón conta xa cun novo céspede artificial.

A actuación foi executada cun orzamento de 180.000 euros, financiados a través do Plan Concellos da Deputación.

As instalacións rexistraron un uso intensivo dende a súa creación, o que provocou que o céspede se fora deteriorando ata o punto de ser necesario o seu cambio.

Agora, o novo céspede conta con todas as garantías e certificacións deportivas, tal como nos explica o alcalde Gonzalo Durán.