#hoxeenArousaPontevedraDíaaDía

#de12a1430

O goberno local de Cambados porá en marcha a principios de xaneiro unha iniciativa de recollida de bioresiduos entre a hostelería do municipio a través dun servizo porta a porta.

Trátase dun plan piloto no que participan, de principio, dezanove establecementos que, ademáis, recibirán un selo de certificación de xestión de resíduos sostible.

A recollida realizarase 6 días a semana, en horario de 16 a 18 horas, e o sistema non suporá ningún custe para o Concello, segundo explicaba esta mañá o Concelleiro de Servizos, Samuel Lago.

#hoxeenArousaPontevedraDíaaDía

#de12a1430

O alcalde de Vilanova, Gonzalo Durán, está decidido a pechar unha etapa e desvincularse completamente da Mancomunidade a nivel persoal, centrándose a partir de agora na promoción turística e económica do seu municipio.

Durán sigue considerando que a constitución da entidade foi ilegal pero deixa a resolución nas mans da xustiza.

Ademáis, rexeita a man tendida que a nova presidenta da Mancomunidade, Marta Giráldez, ofreceu aos representantes do PP “se non devolve os votos roubados”

#hoxeenArousaPontevedraDíaaDía

#de12a1430

A Xunta continúa realizando melloras de seguridade viaria na PO-531 entre Vilagarcía e Pontevedra.

Desta volta, trátase dun proxecto que se executará no lugar de Bretoña, no Concello de Barro que acaba de sair a exposición pública no Diario Oficial de Galicia cun orzamento de 1,6 millóns de euros, incluídas as expropiacións necesarias.

A actuación implica a construcción dunha glorieta e un paso inferior que permita o paso de peóns dun lado a outro da estrada.

Asimesmo, crearanse dúas paradas de bus, instalaranse beirarrúas e reforzarse o firme. Tamén se renovará o drenaxe lonxitudinal e se mellorará o alumeado público, a sinalización viaria e as barreiras de seguridade.

A obra realizarase ao longo de 600 metros entre os puntos quilométricos 8+900 e 9+560, con anchos de carril mínimo de 3,50 metros. A glorieta terá un diámetro de 44 metros e 7 novos puntos de luz. O paso inferior terá unha lonxitude de 38,5 metros.

O proxecto atende así a unha demanda veciñal, tal como explicaban esta mañá o delegado territorial da Xunta en Pontevedra, Cores Tourís, e o xefe da Axencia de Infraestruturas en Pontevedra, Manuel Ángel González Juanatey na presentación dos traballos.

Tamén estiveron presentes o alcalde de Barro, Xosé Manuel Fernández Abraldes e veciños da parroquia.

Os traballos inclúense dentro do programa operativo FEDER 2019-20, e en particular, dentro da acción de fomento de estratexias de redución do carbono e da mellora da seguridade viaria.

#hoxeenArousaPontevedraDíaaDía

#de12a1430

Os debuxos de Rita Trigo e Yaiza Millán anunciarán a Cabalgata de Reis de Vilagarcía.

O primeiro premio do Concurso promovido polo Concello foi para Rita Trigo e será a imaxe dos carteis oficiais que anuncian a chegada das Súas Maxestades Reais de Oriente, mentres que o accésit conseguido por Yaiza Millán formará parte dos folletos co percorrido da cabalgata.

Os carteis e o percorrido repartiránse polo comercio e a hostelería local e todos os debuxos presentados estarán en exposición no auditorio municipal.

Nolo contaba esta mañá a Concelleira de Cultura Sonia Outón.

#hoxeenArousaPontevedraDíaaDía

#de12a1430

O desfile solidario organizado polo comercio de Vilanova en favor da Asociación Contra o Cancro resultou todo un éxito e conseguiu recadar 5.133 euros.

Tanto é así que as promotoras xa teñen pensado repetir a iniciativa o vindeiro ano.

O importe recadado foi entregado esta mañá por parte das organizadoras á presidenta da asociación nun acto celebrado no Concello de Vilanova.

#hoxeenArousaPontevedraDíaaDía

#de12a1430

Uns 300 escolares do Centro de Educación Especial de Vilagarcía e do Colexio Anexo A Lomba participaron esta mañá na II edición da Carrera San Silvestre en beneficio da Fundación Amigos de Galicia.

Cada participante entregou 1 kilo de alimentos non perecedeiros a cambio do dorsal e o recadado será distribuido entre as familias atendidas pola Fundación.

A carreira ía desenvolverse polas rúas de Vilagarcía pero o mal tempo obrigou a trasladala ás instalacións do centro educativo.

Os detalles nolos contaba Alba Paredes, directora do Colexio de Educación Especial.

#hoxeenArousaPontevedraDíaaDía

#de12a1430

A Fundación Galega contra o Narcotráfico presenta unha nova edición da mostra Saudarte, unha exposición que ten como obxetivo achegar a arte á mocidade como forma de ocio saudable.

Nesta 17 edición da exposición participan 50 artistas noveis, estudantes dos seis centros de educación secundaria de Vilagarcía, Colexio San Francisco, Colexio Sagrada Familia, IES Armando Cotarelo, IES Bouza Brey e IES Miguel Ángel González Estévez.

As 61 obras poderán verse na Sala de Exposicións do Auditorio de Vilagarcía dende hoxe e ata o 11 de xaneiro.

Con esta mostra pretendese fomentar a creatividade e a cultura empregando a arte como unha actividade de ocio saudable e como unha forma de sensibilización social fronte a problemática do consumo de drogas.

Esta iniciativa enmarcada no Programa de Sensibilización Social da Fundación Galega contra o Narcotráfico, conta co apoio do Concello de Vilagarcía de Arousa, a Consellería de Sanidade da Xunta da Galicia, o Porto de Vilagarcía e CaixaBank.

Así o explicaban o xerente da Fundación Galega contra o Narcotráfico, Fernando Alonso, acompañado da concelleira de Cultura de Vilagarcía, Sonia Outón.

#hoxeenArousaPontevedraDíaaDía

#de12a1430

O Concello de Meis programa as actividades de Nadal con varias novidades que se sumarán o xá tradicional Mercado de Nadal do Galo de Corral.

Como cada ano, o día 22 durante todo o día na Praza de España poderase mercar o galo xa limpo e listo para consumir a 10 euros o kilo.

Pero ademáis, o novo goberno local preparou diferentes actividades, con teatro e actuacións musicais e dúas novidades.

Por un lado, a I Gala de Recoñecemento a sete persoas e asociacións do municipio, o 4 de xaneiro ás 20 horas no Multiusos.

E por outra banda, recupérase a recepción aos Reis Magos que chegarán o día 5 á Praza de España en carros de cabalos.

Nolo contaba esta mañá a alcaldesa de Meis, Marta Giráldez.

#hoxeenArousaPontevedraDíaaDía

#de12a1430

O Concello de Valga dará por finalizada este próximo 31 de decembro, ás 24 horas, a xestión do Grupo de Emerxencias Supramunicipal ubicado nesta localidade e que presta servizo, tamén, aos concellos de Pontecesures, Catoira, Caldas de Reis e Portas.

Así llo comunicou o Concello á Vicepresidencia da Xunta de Galicia, á Deputación Provincial de Pontevedra e á Federación Galega de Municipios e Provincias (Fegamp), solicitándolles que coa máxima urxencia se convoque unha reunión entre estes tres organismos e os municipios afectados co fin de decidir unha nova ubicación para o servizo.

Ademais, tendo en conta que Valga é o municipio da comarca máis afastado dos servizos de emerxencias, o goberno local tamén solicíta á Deputación que a partir do día 1 de xaneiro de 2020 se faga cargo da xestión.

O alcalde de Valga, Bello Maneiro, explicaba esta mañá os motivos da finalización da xestión argumentando que non se cumpliron as expectativas postas no servizo.

Por outra parte, comunícase aos veciños que entre os días 21 e 25 de decembro, ambos incluídos, non haberá servizo de emerxencias no turno de tarde (de 14 a 22 horas) debido a falta de persoal, polo que ante calquera incidencia deberán chamar ao 112.

#hoxeenArousaPontevedraDíaaDía

#de12a1430

A Mancomunidade do Salnés bota a andar, tras meses de retraso por bloqueo político.

Marta Giráldez, alcaldesa de Meis, é xa a nova presidenta da Mancomunidade do Salnés, constituida no pleno celebrado esta pasada tarde coa ausencia anunciada de todos os representantes do Partido Popular por considerar ilegal a convocatoria.

A socialista foi elexida por maioría absoluta con 14 votos a favor: os dos seus compañeiros de partidos máis BNG, Esquerda Unida e Somos Cambados.

Non houbo votos en contra pero sí cinco abstencións: as de Independentes de Meaño e Ribadumia e a do alcalde de Meaño, Carlos Vieitez.

A primera decisión de Marta Girálde foi a de convocar un pleno extraordinario para este xoves, ás 20.00 horas, co único fin de aprobar a conta xeral da Mancomunidade.

Tras prometer o seu cargo, nas súas primeiras palabras tras prometer o cargo, Marta Giráldez tendía a man aos representantes populares.

Ademáis, o pleno tamén deixaba unha sorpresa.

O portavoz de Independentes de Meaño, José Manuel Aspérez, anunciou que están “a disposición da nova presidenta” para “ter conversacións do que pasou en Meaño e retirar a demanda para remar todos no mesmo sentido”.