#hoxeenArousaPontevedraDíaaDía

#de12a1430

O Concello de Vilanova está a executar a pavimentación dos campos da festa de Baión e Caleiro.

As actuacións supoñen un investimento de 50.000 euros e as máquinas xa comezaron os traballos, tal como nos conta o alcalde, Gonzalo Durán.

#hoxeenArousaPontevedraDíaaDía

#de12a1430

A Fundación Amigos de Galicia e Alcampo iniciaron unha campaña de recollida de xoguetes para que ningún neno quede sen agasallo polo Nadal.

Como en anos anteriores, Amigos de Galicia faise cargo nestas datas da entrega de agasallos para os fillos e fillas dos usuarios atendidos pola Fundación no Salnés.

Alcampo Vilagarcía únese a esta misión colaborando a través da campaña "Ningún neno sen xoguete", convertíndose en punto de recollida de xoguetes novos ou en bo estado ata o vindeiro 8 de decembro.

Con esta iniciativa agardan conseguir máis dun cento de xoguetes.

Así nolo contaban esta mañá Paula Chapela de Amigos de Galicia e Karina Cores en representación de Alcampo.

#hoxeenArousaPontevedraDíaaDía

#de12a1430

O presidente en funcións da Mancomunidade do Salnés compareceu esta mañá para valorar as conclusións da asistencia de representantes da Comarca ao Congreso “Smartcity Expo World” celebrado en Barcelona esta semana.

De ali Durán trae a idea de crear un “Smart Rural”, un servizo mancomunado de aplicación das novas tecnoloxías no rural con centros periféricos intelixentes.

O proxecto permitiría, mediante fibra óptica, crear mobilizario urbano con wifi e cargadores de dispositivos electrónicos, entre outras posibilidades.

#hoxeenArousaPontevedraDíaaDía

#de12a1430

O Presidente en funcións da Mancomunidade do Salnés, Gonzalo Durán, pide asesoramento ao Consello Consultivo de Galicia sobre cómo debe actuar ante a situación creada na entidade comarcal mentres non se resolva o recurso xudicial presentado por Meaño Independente.

Nun escrito dirixido ao organo autonómico, Durán remite tamén dous informes da secretaria da Mancomunidade, que, segundo dí, son contradictorios.

“Un informe di que hai que esperar a que se resolva o de Meaño e agora hai outro que non me di que haxa que convocar, dime cómo se convoca o pleno”, sinala Durán.

#hoxeenArousaPontevedraDíaaDía

#de12a1430

Vilagarcía vólcase nas iniciativas do 25 N contra a violencia de xénero.

A maiores da habitual campaña en negro con cartelería en comercios, hostelería e empresas, este ano un autobús co lema “Só sí é sí” comeza a circular hoxe polas rúas da vila.

Ademáis, os centros educativos volven ser os destinatarios das actuacións contra a violencia machista.

Un total de 720 alumnos reuniranse o vindeiro luns 25 N ás 11 da mañá no Auditorio para presentar os traballos realizados nos centros con vídeos e actuacións musicais.

Posteriormente, ás 12.30 procederase no Concello á lectura do manifesto institucional aprobado por unanimidade por todos os grupos da corporación municipal.

Todo elo para visibilizar situacións como as que en Vilagarcía viven as 110 mulleres que este ano foron atendidas por violencia de xénero no Consello de Igualdade Local, ademáis de outras 46 que teñen orde de protección.

Nolo explicaban esta mañá a Concelleira de Igualdade, Tania García, e a responsable do CIM local Julia Barbosa.

#hoxeenArousaPontevedraDíaaDía

#de12a1430

O espazo de arte Cris Villegas de Vilagarcía inaugura esta tarde ás 19.30 horas unha exposición da obra do artista navarro Iñaki Pardo.

O acto está aberto á toda a veciñanza, que, ademáis, poderá degustar viños da adega Gran Bazán.

A mostra poderase ver ata finais de xaneiro.

Os detalles nolos contan Cris Villegas e o artista Iñaki Pardo.

#hoxeenArousaPontevedraDíaaDía

#de12a1430

Os amantes da apicultura e do mel teñen esta fin de semana en Vilagarcía unha oportunidade para disfrutar dos productos das abellas e aprender sobre os seus beneficios e propiedades.

A cita será na segunda feira de Apisalnés que, organizada pola Asociación Galega de Apicultura en colaboración co Concello de Vilagarcía, desenvolverase o sábado e o domingo na Praza da Peixería.

Unha mostra que ofrece un completo programa de catas, degustacións, conferencias ou obradoiros de elaboración de candeas.

Ademáis, a feira permitirá a promoción de productos con certificado de calidade e procedencia elaborados polos pequenos apicultores que, ao tempo, realizan unha importante contribución ao sostemento do medioambiente.

Nolo explicaba esta mañá o voceiro da Asociación Galega de Apicultura, Jesús Asorey, durante a presentación do evento, acompañado da Concelleira de Promoción Económica, Alba Briones.

#hoxeenArousaPontevedraDíaaDía

#de12a1430

O sindicato CIG conmemora o 25 N contra a violencia de xénero cunha campaña de denuncia sobre a precarización laboral no traballo de coidados, desempeñado fundamentalmente por mulleres.

A central nacionalista reclama ás institucións que promovan o recoñecemento pleno dos dereitos laborais para as traballadoras do fogar e de coidados, a súa integración completa no Réxime da Seguridade Social, salarios dignos e adecuados ao grao de responsabilidade e accións formativas específicas.

Así o visibilizarán na concentración que o sindicato realizará o luns ás 12 do mediodía na praza de Galicia denunciando que a precarización laboral neste sector é violencia machista

Os motivos explicábaos esta mañá a representante do sindicato no Salnés, Rosa Abuín.

#hoxeenArousaPontevedraDíaaDía

#de12a1430

O goberno local de Cambados non executará a pavimentación definitiva do vial de Tragove, demandada polas empresas depuradoras da zona, ata que Augas de Galicia acometa unha canalización pendente.

Así llo comunicaron aos empresarios a alcaldesa de Cambados, Fátima Abal, e o Concelleiro de Obras, Samuel Lago, durante unha reunión celebrada para abordar o problema.

Mentres tanto, arranxará o mal estado do camiño de forma provisional cunha motoniveladora como se viña facendo ata o de agora.

Sen embargo, para o grupo municipal Cambados Pode a obra pendente de Augas de Galicia é unha excusa do goberno municipal ante a súa “falta de capacidade de xestión”.

O seu portavoz, José Ramón Abal urxe Concello á execución da mellora definitiva á maior brevidade posible xa que é un proxecto incluido no Plan Concellos 2018 da Deputación cun importe de 98.000 euros e de non executarse en tempo existe o risco de perder a subvención.

“Se eu continuara como concelleiro a actuación estaría completamente executada”, asegura Abal, que con tal motivo presentará unha moción no pleno deste mes.

#hoxeenArousaPontevedraDíaaDía

#de12a1430

Os escolares do colexio Julia Becerra Malvar volven ser protagonistas e destinatarios especiais das actividades programadas polo Concello de Ribadumia para a conmemoración do 25N contra a violencia machista.

Durante toda esta semana estanse desenvolvendo charlas no centro educativo e o 25 de novembro, Día Internacional contra a Violencia de Xénero, os escolares realizarán un lazo humano ao redor da Praza do Concello.

Posteriormente, procederase á a lectura do manifesto institucional ás 12 horas para rematar cunha actuación musical dun artista local.

Os detalles nolos explicaba esta mañá o alcalde, David Castro, na presentación das actividades.