#hoxeenArousaPontevedraDíaaDía

#de12a1430

A Mostra Solidaria de Caritarte organizada por Cáritas Interparroquial Arousa celebra este ano unha edición extraordinaria coa recopilación de obras donadas polos seus autores nas trece edicións anterores.

Serán en total unhas 70 obras de pintura, fotografía e escultura realizadas por 60 artistas que poden ser adquiridas á metade do prezo anterior.

A recadación será destinada aos diferentes servizos que presta Cáritas en Arousa.

A mostra inaugurarase o 5 de decembro na sala Rivas Briones de Vilagarcía coa actuación de Dani Barreiro e poderá visitarse ata o 27 de decembro.

Os detalles nolos contaban esta mañá o Presidente da entidade, Francisco Fernández, e a comisaria da exposición, Teresa Suárez.

#hoxeenArousaPontevedraDíaaDía

#de12a1430

A Asociación de Mulleres Rurais Os Borrizos de Cornazo celebra o seu 25 aniversario.

Para conmemoralo, o colectivo organiza para a semana que ven unha serie de actos dos que falamos coa súa presidenta, Mari Carmen Somoza.

#hoxeenArousaPontevedraDíaaDía

#de12a1430

Unha vintena de tendas participarán na quinta edición do Desfile de Moda outono-inverno organizado pola Asociación de Comerciantes Cambados Zona Centro.

O evento terá lugar o domingo 24 de novembro ás 18 horas no Salón José Peña.

Serán 50 modelos, a metade nenos, os que ensinarán en pasarela as coleccións de tempada do comercio local, tanto en roupa de home, muller e neno, como calzado e complementos.

Ao igual que na pasada edición, haberá un pase especial en conmemoración do Día contra a Violencia de Xénero e unha ludoteca infantil con actividades para os máis pequenos a cargo da asociación TDAH Salnés.

Ademáis, este ano, como novidade, celebrarase un sorteo de 200 euros en vales compra.

Trátase dunha iniciativa para potenciar o comercio local, tal como expresaban esta mañá o Concelleiro Xurxo Charlín, e o Presidente de Zona Centro, Juan Rey, na presentación do Desfile.

#hoxeenArousaPontevedraDíaaDía

#de12a1430

A Asociación de comerciantes Zona Aberta de Vilagarcía organiza a VlIl Media Maratón Solidaria que se celebrará o domingo 24 de novembro dende as 10:30h con saída dende a Avenida da Mariña.

Nesta ocasión, a recadación irá destinada para a Fundación Andrea de apoio a nenos con enfermidades de longa duración, crónicas ou termináis.

As inscripcións poden facerse a través da web championchipnorte.com ou en Moto Bazar de Vilagarcía cun importe de entre 12 e 15 euros.

Os organizadores agardan superar as cifras da pasada edición na que se recadaron máis de 2.500 euros coa participación duns 500 corredores.

Así o explicaba a presidenta da asociación Rocío Louzán, na presentación da proba, acompañada do edil de deportes, Álvaro Carou, e representantes de organismos colaboradores, Amaia Castro da Fundación Andrea, Alberto Rey de Atenas Running e Juan Borrello de Sanitas.

#hoxeenArousaPontevedraDíaaDía

#de12a1430

O Concello de Vilagarcía toma como modelo as políticas que se están implantando na Cámara portuguesa de Matosinhos cara desenvolver os Obxetivos de Desenvolvemento Sostible marcados pola ONU cara 2030.

Foron dúas xornadas de intercambio de experiencias celebradas na Casa Consistorial de Vilagarcía das que o goberno local sae con conclusións gratificantes.

Así o decía a tenente de alcalde de Vilagarcía, Tania García, trala conclusión das xornadas, acompañada do representante da Cámara Municipal de Matosinhos, Pedro Carneiro; e a técnico do Fondo Galego de Cooperación, Carmen Novás.

#hoxeenArousaPontevedraDíaaDía

#de12a1430

O Concello de Cambados ten preparado a programación relacionada co Día contra a Violencia de Xénero, que se conmemora o 25 de novembro.

Este ano, como novidade incorpórase unha iniciativa solidaria organizada dende a Concellería de Enoturismo.

Será “Un paseo entre viñedos”, en beneficio da asociación Esmar, que terá lugar o domingo 17 de novembro ás 17 horas, coa colaboración coa Adega Condes de Albarei e a Fundación Manolo Paz.

No percorrido polos viñedos de Condes de Albarei un técnico da adega irá explicando aos asistentes os cuidados e procesos que requiren as viñas.

Unha vez na Fundación Manolo Paz procederase a unha degustación de viños de Condes de Alberei e aperitivos.

A saída haberá un peto para quen queira colaborar con Esmar.

Xa o propio día 25, Dia Internacional Contra a Violencia de Xénero, procederase á tradicional lectura do manifesto institucional ás 12 horas na Praza do Concello.

A programación complétase cunha charla sobre novas iniciativas na loita contra a violencia de xénero, o día 26 ás 19 horas en Exposalnés.

E no eido educativo, os alumnos de secundaria dos centros do municipio recibirán formación sobre a diversidade durante os meses de novembro e decembro.

Un programa de actividades transversal que tamén pretende fomentar a igualdade entre áreas e colectivos, ademáis de entre homes e mulleres.

Así nolo contaban esta mañá a Concelleira de Enoturismo, Cruz Leiro, e a alcaldesa Fátima Abal, no acto de presentación.

#hoxeenArousaPontevedraDíaaDía

#de12a1430

A Asociación Cantarela abre este vindeiro luns en Vilagarcía o seu Outono Micolóxico, que se prolongará durante todo o mes de novembro cunha ampla programación de actividades.

Entre elas, saídas para a recollida de setas, concursos de fotografía e de debuxos nos colexios ou mostra de productos.

A programación principal desenvolverase dende o 11 ao 24 de novembro con conferencias no Auditorio, a Festa dos Cogumelos na Praza da Peixería o día 17 e o Xantar Micolóxico o día 24.

Nolo contaba esta mañá o Presidente da Asociación Cantarela, Carlos Alvarez, na presentación da iniciativa, acompañado da Concelleira de Cultura de Vilagarcía, Sonia Outón.

#hoxeenArousaPontevedraDíaaDía

#de12a1430

Vilanova acolle esta fin de semana unhas xornadas para aprender a bailar o West Coast Swing, organizadas pola asociación que promove este baile en Galicia.

Baixo o nome de “Magosto Westie”, desenvolveranse o 8, 9 e 10 de novembro no Pabillón Multiusos, con clases impartidas por profesores internacionais e outras abertas e gratuitas que impartirán profesores galegos.

Ademáis, haberá exhibicións, concertos de musica acústica e xornadas de convivencia para amosar aos participantes que veñen doutros lugares de España como se vive o magosto, con castañas e xogos tradicionais

Nolo explicaba esta mañá Fran Vidal, profesor de danza, veciño de Baión e un dos organizadores, durante a presentación da actividade acompañado do alcalde, Gonzalo Durán.

#hoxeenArousaPontevedraDíaaDía

#de12a1430

Cambados acolle esta fin de semana o I Campionato Internacional de Powerlifting Terras Celtas no que 30 deportistas de toda España e Portugal competirán en levantamento de peso.

O certame terá lugar os días 9 e 10 de novembro no Salón Peña a partir das 16 horas.

Disputaránse tres modalidades Press Banca, Peso Morto e Sentadillas, e ademáis haberá un Grip Contest, un concurso de agarre cos dedos.

Un dos participantes que máis expectación causa é o carrilexo Carlos García Berride "Vikingo", que ven de acadar importantes resultados no mundo do Fisicoculturismo e do Powerlifting.

É o terceiro ano que se organizan en Cambados competicións de levantamento de peso, celebrándose xa os campionatos de Nacional e Ibérico, con grande asistencia de público.

Un deporte que se vai facendo un hoco na comarca, tal como explicaba esta mañá José Conde, do ximnasio Vital Sport de Cambados e tamén presidente de Pro Powerlifting España, acompañado da concelleira de Cultura, Cruz Leiro.

#hoxeenArousaPontevedraDíaaDía

#de12a1430

O concello de Vilanova presentou esta mañá a súa programación contra a violencia de xénero para este mes de novembro.

As actividades comezarán o martes día 12 cunha proxección de Curtametraxes sobre Mulleres pioneiras na historia, que terá lugar no Auditorio Valle Inclán de Vilanova ás 20 horas.

O día 22 realizarase un café coloquio de Mulleres e homes contra a violencia de xénero, no pazo de Vista Real ás 20 horas.

O 25 de novembro, Día contra a violencia de xénero, darase lectura do manifesto institucional ás 12 horas na Praza do Concello.

Para rematar o mes de actividades, haberá un café musical "Porque eu válloo! na sede dos xubilados ás 20 horas.

Ademáis, durante todo o mes desenvelránse formacións nos centros escolares: "Abre ós ollos á igualdade de xénero" para primaria, e "Tarxeta vermella á violencia de xénero" para secundaria.

Os detalles nolos contaba esta mañá a técnica do CIM, Mónica Novas, acompañada do alcalde de Vilanova, Gonzalo Durán, e a Concelleira de Servizos Sociais Ana Carballa.