#hoxeenArousaPontevedraDíaaDía

#de12a1430

A excelencia do mundo do viño vólvese a dar cita en Vilagarcía.

A Feira do Viño Castes celebra a súa terceira edición os días 16 e 17 de novembro na Praza de Abastos de Vilagarcía coa participación de 70 adegas de España, Portugal, Francia, Italia e Alemaña.

Ao igual que na pasada edición haberá campionato internacional de catas por equipos e como novidade amplíase o horario durante a xornada do domingo, de 12.30 a 20 horas.

Os detalles nolos contaba esta mañá o organizador do evento, Sito Dieste, acompañado da Concelleira de Promoción Económica de Vialgarcía, Alba Briones.

#hoxeenArousaPontevedraDíaaDía

#de12a1430

O Salón Motor Okasión abriu este mediodía en Fexdega unha nova edición que pode visitarse ata o domingo en horario ininterrumpido dende as 11 da mañá ás 9 da noite.

Para saber máis detalles achegámonos ata Fexdega e falamos co organizador do evento, Juan Lijó.

#hoxeenArousaPontevedraDíaaDía

#de12a1430

A Fundación Amigos de Galicia deu a coñecer esta mañá as entidades e persoas premiadas este ano co Grelo de Ouro, un Premio co que a Fundación rende homenaxe a aquelas personas e entidades que traballan a diario polo engrandecemento de Galicia.

Nesta 38 edición o galardón será concedido á Agencia Galega de Sangre, Organos e Tecidos do Sergas, ADOS, así como a diversas asociacións de doazóns de Galicia: Asociación Galega de Transplantes "Airiños", a Asociación de Doantes e Receptores de Órganos de Vigo "ADROVI";e a Federación ALCER Galicia.

Además, a Fundación Amigos de Galicia quere este ano personificar o Grelo de Ouro na figura de José Antonio Alonso Miranda, antigo xefe da Brilata e membro do Patronato Rector da entidade, falecido recentemente e donante de todos os órganos.

Así o decía o presidente da Fundación nun acto de doazón de sangue realizado esta mañá na unidade móvil ubicada en Vilagarcía por parte da directiva, personal e personas voluntarias.

#hoxeenArousaPontevedraDíaaDía

#de12a1430

O PP de Cambados critica as obras de remodelación das beirarrúas do entorno da Igrexa parroquial de Santa Mariña, que acaba de executar o goberno municipal.

Segundo o portavoz popular, Luis Aragunde, "a actuación é unha chapuza, xa que carece de accesibilidade no paso de peóns e remata na metade da rúa".

Ademáis, tampouco entende por qué non se remodelou tamén a beirrarúa de enfrente, que se atopa en moi mal estado.

Asímesmo, Luis Aragunde califica de “cacicada” a creación de grandes ourellas nas esquinas das beirrarúas que, ao seu entender, permiten a posible instalación dunha terraza para un local de hostelería e que, sin embargo, estreitan o vial e complican o paso de camións.

#hoxeenArousaPontevedraDíaaDía

#de12a1430

A Policía Local de Vilanova alerta sobre o risco da posible presencia de bengalas de sinalización nas praias do municipio que, se alguén as manipula incorrectamente, poden provocar queimaduras.

Unha delas foi atopada na praia de As Sinas por operarios municipais que estaban realizando traballos de reparación.

No caso de que alguén encontre unha destas bengalas recoméndase dar aviso ao 112 para que se proceda a súa retirada.

Así o explica o axente da Policía Local de Vilanova Emilio Fontenla.

#hoxeenArousaPontevedraDíaaDía

#de12a1430

A Asociación de Xóvenes Empresarios da Provincia de Pontevedra ten xa aberto o prazo para a presentación de candidaturas aos premios Xoven Empresario e Xoven Emprendedor deste ano.

O certame celebrarase o 31 de outubro ás 20:30 horas no Pazo da Cultura de Pontevedra e o prazo límite para presentar a documentación remata o 27 deste mes.

Ademáis, tamén se convocan tres accésit á innovación, á creación de emprego e á responsabilidade social empresarial, e o Premio Honorífico a un empresario recoñecido da provincia de Pontevedra, cuxo nome se dará a coñecer nos próximos días.

Os detalles explicábaos esta mañá en Caldas Jesús Rey, Presidente de AJE en Pontevedra, acompañado do alcalde de Caldas, Juan Manuel Rey.

#hoxeenArousaPontevedraDíaaDía

#de12a1430

O Centro Ocupacional para Persoas con Discapacidade de Valga, desenvolverá un proxecto piloto de reparación de materiais, promovido dende a Consellería de Medio Ambiente.

Trátase da recuperación de elementos textís, de carpintería e electrónicos co fin de diminuir a acumulación de resíduos ao medio ambiente.

De dar bo resultado, o proxecto extenderíase mediante unha Rede Galega por outros municipios.

Os detalles nolos conta a directora xeral de Calidade Ambiental da Consellería de Medio Ambiente, María Cruz Ferreira, que esta mañá presentou o proxecto acompañada do alcalde, José María Bello Maneiro.

#hoxeenArousaPontevedraDíaaDía

#de12a1430

O campo de fútbol de As Canteiras en Cuntis ten agora mellor iluminación cun menor consumo despóis dunha actuación realizada pola Xunta de Galicia a través do canon eólico.

O proxecto consistiu na instalación de sete luces led en cada torre cun investimento de 38.000 euros.

Nolo explicaban esta mañá o técnico municipal, Javier García, o alcalde de Cuntis, Manuel Campos, e a Directora Xeral de Administración Local, Marta Fernández, durante unha visita de supervisión das obras.

#hoxeenArousaPontevedraDíaaDía

#de12a1430

Vilanova terá dende este mércores unha Escola de Teatro, promovida pola compañía Tatana en colaboración co Concello e aberta a calquera persoa interesada no mundo da interpretación e de calquera punto da comarca.

O lugar da Escola será o Teatro Valle Inclán e, de inicio, haberá clases tres veces á semana: mércores de 19.30 a 22.00 para ensaios da Compañía, sábados de 10.30 a 12.00 teatro infantil e sábados de 12,00 a 13.30 para maiores de 15 anos.

A matrícula será de 50 euros e de 35 euros para veciños de Vilanova máis 15 euros mensuais no primeiro caso e 12 euros no segundo.

A directora da Escola, Fátima Rey, cóntanos os contidos das clases e os beneficios de aprender técnicas de interpretación sobre todo para os máis pequenos.

#hoxeenArousaPontevedraDíaaDía

#de12a1430

A Escola de Batukada de Cambados abre o prazo de inscripción para participar no curso que comeza o vindeiro 5 de novembro.

As clases terán lugar os martes de 20 a 21:30 horas no Salón Peña, cun custe de 10 euros ao mes e 30 prazas dispoñibles.

Ademáis, como xa ven sendo costume, o obradoiro de batukada realizará a súa presentación oficial ante os veciños durante as actividades que o concello ten preparadas para o Samaín. Será o 31 de outubro ás 19 horas na Biblioteca Luis Rey.

Asímesmo, o grupo de batukada participará con exhibicións noutros eventos como o Entroido, A Festa do Albariño, o Carnavrán de A Illa ou A Feira Franca de Pontevedra.

As inscripcións deben realizarse persoalmente na Biblioteca Luis Rey.

Os detalles explicábanolos a Concelleira de Cultura, Cruz Lago, acompañada do titor do curso, Jorge Pérez, e de algúns alumnos, na presentación do mesmo.