#hoxeenArousaPontevedraDíaaDía

#de12a1430

O concello de Cambados deu inicio esta mañá ao obradoiro de emprego "Cambados Emprendedor" no que 16 alumnos-traballadores menores de 30 anos recibirán formación en dous módulos: "Dinamización cultural infantil e xuvenil" e "Montaxe e mantemento de sistemas microinformáticos".

É o terceiro ano consecutivo que Cambados conta con esta formación para menores na que os alumnos do curso tecnolóxico se encargarán de actualizar os equipos informáticos das aulas municipais mentras que os de dinamización de ocio serán monitores nas actividades culturais que organiza o concello.

Ademáis, como novidade este ano, os alumnos poderán cotizar e ter dereito á prestación de desemprego tal e como se regula na Lei de Orzamentos do Estado.

Así o explicaba a alcaldesa de Cambados, Fátima Abal, durante a benvida aos alumnos, acompañada do tenente de alcalde, Tino Cordal, da directora do obradoiro, Beatriz Esteban e do xefe territorial de Emprego, Ignacio Rial.

#hoxeenArousaPontevedraDíaaDía

#de12a1430

A exposición itinerante "Santa Isabel, o naufraxio" chega a Cambados tras percorrer varias localidades da provincia.

A mostra, que reúne información sobre o afundimento do navío acontecido en 1921 na Illa de Sálvora, poderase contemplar do 1 ao 20 de outubro no Salón de Congresos José Peña.

Nela pódense contemplar máis de 180 fotografías da catástrofe, así como obxetos do buque, maquetas e réplicas.

Ademáis, o Concello de Cambados organizou diferentes actividades paralelas con conferencias e coloquios.

A mostra foi presentada esta mañá en Cambados por parte do Tenente de Alcalde, Tino Cordal, e o comisario da exposición, o xornalista Constantino Viéitez.

#hoxeenArousaPontevedraDíaaDía

#de12a1430

Vilagarcía acollerá un ano máis unha das etapas da Marcha Ciclista Unificada organizada por Special Olympics Galicia para persoas con e sen discapacidade intelectual.

A iniciativa chega a localidades das catro provincias galegas, cunha última proba en Vilagarcía de Arousa o 6 de outubro, que sairá ás 10 horas dende a Praza da II República

Os ciclistas percorrerán cartro etapas que comezarán o vindeiro 3 de outubro no municipio ourensá de Baños de Molgas, continuará o dia 4 en Sarria, na provincia de Lugo, o día 5 en Santiago de Compostela e rematará o día 6 de outubro en Vilagarcía de Arousa cunha etapa de 13 km.

A de Vilagarcía será a máis numerosa coa participación de 9 entidades de discapacidade intelectual, 7 galegas (CON ELES, ASPAS, AS BURGAS, ASPANAS, EU SON, ASPRONAGA e ADO) e dúas de fora de Galicia ESPORTIU, de Barcelona, e ESPURNA de Valencia.

En total, nas diferentes marchas, participarán 65 atletas com distapacidade intelectual.

O obxetivo de esta marcha Special Olympics é ofrecer unha xornada de convivencia entre entidades e clubs de Galicia para promocionar a práctica do ciclismo nas persoas con discapacidade intelectual de Galicia e achegar a súa problemática a toda a sociedade.

Os detalles da etapa de Vilagarcía coñecíamolos esta mañá na presentación da Marcha por parte do alcalde, Alberto Varela, acompañado do adestrador de Con Eles, Isidoro Canabal e o presidente de Special Olympics, Eladio Fernández.

#hoxeenArousaPontevedraDíaaDía

#de12a1430

O presidente en funcións da Mancomunidade do Salnés, Gonzalo Durán, referíase esta mañá á complicada e polémica situación da entidade comarcal.

Durán confirmaba que non optará a revalidar o cargo e aseguraba sentirse “asqueado” do acontecido.

#hoxeenArousaPontevedraDíaaDía

#de12a1430

O Concello de Vilanova seguirá apostando polo turismo de natureza e, sobre todo, pola promoción das distintas rutas do Camiño de Santiago que atravesan o municipio.

Segundo o alcalde, Gonzalo Durán, o feito ata agora está dando moi bos resultados que, ademáis, veñen amparados na solicitude de licencias de obras relacionadas co sector.

I é que nos últimos meses concedéronse as aperturas dun camping en O Terrón, un hotel urbano no centro da vila e un hostal de tres estrelas en Pontearnelas.

#hoxeenArousaPontevedraDíaaDía

#de12a1430

O ciclo de teatro de outono de Vilagarcía, en colaboración con Agadic, achega catro representacions galegas ao Auditorio municipal.

A obra teatral que abrirá este segundo semestre do ano será "Bernarda" o sábado 19 de outubro as 21 horas no auditorio. Esta escenificación aborda a vida das mulleres da casa de Bernarda Alba trala morte de Franco.

As pezas que completan este ciclo son "Anatomía dunha Serea" o 16 de novembro no Salón García, "O Electo" o 23 de novembro no auditorio e para rematar, "Arlequina" cun espectáculo de marionetas de Kukas adicado para todo o público familiar de 0 a 100 anos.

O custe das entradas será de 5 euros en Ticketea e de 3 euros a bonificada para desempregados, mozos co carné xoven, maiores de 65 anos e menores de 13 anos no caso de "Arlequina".

Así o explicaba a concelleira de cultura, Sonia Outón, na presentación do ciclo de teatro, acompañada dos representantes teatrais.

#hoxeenArousaPontevedraDíaaDía

#de12a1430

A piscina municipal de Cambados abrirá en breve, ainda que dende o goberno local non se aventuran a poñer unha data concreta.

Segundo explicaba esta mañá o Concelleiro de Obras, Samuel Lago, é cuestión de días xa que únicamente quedan pendentes os últimos axustes.

A obra está rematada, a piscina está chea e montadas todas as instalacións de spa e sauna.

A empresa concesionaria está a realizar as correspondentes desinfeccións de lexionela e os controis de parámetros medioambientais de mellora de eficiencia enerxética cos axustes de recirculación da auga quente e da auga .

Unha vez rematados estes últimos traballos a piscina quedará lista para a súa apertura.

#hoxeenArousaPontevedraDíaaDía

#de12a1430

O Concello de Cambados destina este ano 120.000 euros en axudas para entidades beneficoasistenciais, culturais deportivas, ocio e tempo libre e actividades populares.

Os colectivos xa teñen aberto o prazo para solicitalas.

Ademáis, o goberno local aprobou unha partida de 18.000 euros para as bolsas de ensino, cuxa convocatoria sairá publicada a vindeira semana.

Así o explicaban esta mañá a alcaldesa, Fátima Abal, e o Concelleiro de Economía e Facenda, Xurxo Charlín.

#hoxeenArousaPontevedraDíaaDía

#de12a1430

A Xunta de Galicia está a realizar unha mellora de seguridade no porto de San Tomé, en Cambados, coa reconstrución dun espazo de 420 metros cadrados de firme adoquinado que estaba afundido no dique do porto.

A actuación, valorada nuns 20.000 euros, inclue a retirada do adoquín afundido, a construción dunha lousa de formigón armado e a reinstalación dos adoquíns unha vez limpos.

Con esta medida mellóranse as condicións de uso desta plataforma portuaria, contribuíndo ademáis á protección do medio ambiente ao empregar nos traballos boa parte do material preexistente.

A actuación estará rematada a vindeira semana.

A presidenta de Portos de Galicia, Susana Lenguas, supervisou esta mañá os traballos acompañada do patrón maior da confraría de Cambados, Ruperto Costa, que aproveitou a ocasión para solicitarlle a reforma do edificio da lonxa.

#hoxeenArousaPontevedraDíaaDía

#de12a1430

A vendima entra na recta final. As adegas da D.O Rías Baixas levan recollidos 29,5 millóns de quilos de uva e a previsión é alcanzar os 31 millóns.

Unha cantidade menor da estimada inicialmente e moi por baixo dos 38,6 millóns do ano pasado.

I é que o rendemento por hectárea quédase nuns 7.500 quilogramos aínda que a uva é de gran calidade e parámetros excelentes.

Todo elo leva ao presidente do Consello Regulador da D.O Rías Baixas, Juan Gil de Araujo, a restar importancia a reducción da colleita xa que as produccións tenden a equilibrarse dun ano a outro.

A vendima foi un dos temas que se abordaron durante unha visita que realizou o Conselleiro de Medio Rural, José González, a adega Gran Bazán de Vilanova de Arousa, onde resaltou á importancia de aproveitar as sinerxias entre o turismo e o mundo do viño para contribuír ao desenvolvemento das áreas rurais de Galicia.