#hoxeenArousaPontevedraDíaaDía

#de12a1430

O grupo provincial do Partido Popular presentará unha moción no vindeiro pleno ordinario sobre a apertura definitiva da piscina municipal de Cambados.

Así o avanzaban os portavoces da formación en Cambados e na Deputación, Luis Aragunde e Jorge Cubela, durante unha comparecencia esta mañá ante as instalacións de O Pombal.

#hoxeenArousaPontevedraDíaaDía

#de12a1430

A cooperativa Condes de Albarei comezou hoxe a vendima nas 22 hectáreas de viñedos do Pazo Baión. Os traballos, que realizan 50 vendimadores, prolongaranse durante dúas semanas coa previsión de acadar arredor duns 130.000 kilos de uva, uns 6.000 por hectárea.

Segundo explicaba esta mañá a enóloga da adega, Andrea Obenza, a uva se encuentra en perfecto equilibrio e cunha excelente calidade ainda que con racimos de menor tamaño: “a recollida da uva en Pazo Baión realízase a partir dunha gran selección para obter albariño de gran calidade”.

#hoxeenArousaPontevedraDíaaDía

#de12a1430

O consumo de auga potable na comarca de O Salnés aumentou este verán nun 6,48% con respecto ao mesmo período do anos pasado.

Sen embargo, en agosto houbo un descenso en concellos tradicionalmente máis turísticos, como O Grove e pola contra as cifras aumentaron en municipios menos relevantes neste aspecto como Vilanova.

O consumo de auga potable da unha idea do comportamento do turismo e ainda que non son datos directos da actividade económica, que se coñecerán nos vindeiros días, segundo o presidente en funcións da Mancomunidade, Gonzalo Durán, parece que non foi a mellor tempada, sobre todo no mes de agosto.

#hoxeenArousaPontevedraDíaaDía

#de12a1430

A Conselleira de Medio Ambiente, Ángeles Vázquez, visitou hoxe o Concello de Sanxenxo para coñecer as iniciativas en materia de sustentabilidade ambiental postas en marcha pola administración local.

Tanto o Concello como a Xunta pretenden que Sanxenxo sexa un referente nesta materia e por tal motivo a administración autonómica destinou este ano un importe de 20.000 euros para a adquisición de novos contedores de reciclaxe.

Ademáis, Sanxenxo beneficiouse dunha achega de 150.000 euros para a merca dun punto móbil de reciclaxe, cuxo contrato na actualidade está en fase de licitación ata o vindeiro 18 de setembro, data na que se pecha o prazo para a presentación de ofertas. “Un novo servizo que permitirá aumentar a recollida selectiva en eventos con gran afluencia de público”, citou como exemplo a conselleira.

Asimesmo, púxeronse en marcha campañas de sensibilización e xornadas informativas en materia de xestión de residuos e reciclaxe en centros escolares e festas populares, ao redor dunha ducia de actividades no último ano.

#hoxeenArousaPontevedraDíaaDía

#de12a1430

O Concello de Vilagarcía continúa na súa aposta por un modelo de cidade na que se lle dea prioridade ao peón.

Por elo, quere aproveitar a Semana Europea da Mobilidade, que se celebrará do 16 ao 22 de setembro, para programar numerosas actividades sobre o transporte a pé ou en bicicleta.

Concurso de Curtos sobre “O Camiñar como Transporte” dirixido ao alumnado dos Institutos, outro de fotografía en Instagram dirixido á toda a cidadanía que se desprace a pé ou en bici, taller de Educación Vial en Fexdega, Roteiros en bici e escolares son algunhas delas.

Ademáis, tampouco faltará a Marcha Ciclista Nocturna o sábado 21 e o Día Sen Coches o domingo 22.

A programación da Semana Europea da Mobilidade foi presentada esta mañá pola Concelleira desta área, Paola María, que tamén se referiu ao Plan de Transportes da Xunta.

A edil “alégrase pero non agradece” a decisión da Xunta de asumir o custe do autobús ao Hospital que agora financia o concello xa que é unha competencia que lle corresponde á administración autonómica.

Ademáis indicou que o goberno local seguirá insistindo para que a Xunta recapacite e retire o anteproxecto.

#hoxeenArousaPontevedraDíaaDía

#de12a1430

O delegado da Xunta en Pontevedra, Cores Tourís, supervisou esta mañá o resultado das inversións realizadas na empresa Conservas de Cambados a través de subvencións autonómicas.

A Xunta aportou 248.000 euros para melloras no sistema de producción que ascenderon a un total de 547.000 euros.

Deste xeito, a firma ubicada en Ribadumia puido adquirir unha nova máquina seleccionadora de mexillón que permite maior calidade ao resultado final do producto.

Así o explicaban o director de Conservas de Cambados, Xesús Alfonso e o delegado territorial da Xunta en Pontevedra, Cores Tourís, durante a visita.

#hoxeenArousaPontevedraDíaaDía

#de12a1430

Alumnos do IES Bouza Brey de Vilagarcía promoven o I Torneo EuroXacobeo U16 de Baloncesto que se celebrará este xoves, venres e sábado no pavillón de Fontecarmoa.

Este novo evento deportivo xurdiu como un proxecto de curso dos alumnos do Ciclo Técnico Deportivo de Baloncesto, que se imparte únicamente en Galicia no IES Fermín Bouza Brey de Vilagarcía.

Esta primeira edición do Torneo Euro Xacobeo. reunirá a 6 equipos de categoría cadete Sub-16.

O Obradoiro Cab, o SL Benfica de Portugal, o Baltic Stars de Londres, campión inglés, o Cajasiete Canarias, o Baloncesto Torrelodones e os Estudiantes Lugo, competirán durante tres xornadas en Fontecarmoa.

Ademáis, a competición terá tamén a súa vertente turística e cultural xa que os organizadores enseñarán aos participantes a ruta marítima Xacobea.

O evento deportivo conta coa colaboración da xerencia do Xacobeo da Xunta de Galicia e do Concello de Vilagarcía e foi presentado esta mañá coa presencia do titor do Ciclo de Baloncesto, Pablo Villaronga, e un dos alumnos, Eduardo Cadenas, acompañados do alcalde de Vilagarcía, Alberto Varela.

#hoxeenArousaPontevedraDíaaDía

#de12a1430

A Vía Verde do Salnés entre Vilagarcía, Caldas e Portas, estará rematada nuns meses pero os promotores non se atreven a concretar a data.

A presidenta da Deputación, Carmela Silva, xunto cos alcaldes de Vilagarcía e Caldas, Alberto Varela e Juan Manuel Rey, visitaron esta mañá as obras, que avanzan a bo ritmo pendentes todavía da aportación económica comprometida pola Xunta.

Nestes momentos estanse a acometer as obras de acondicionamento a cargo de Tragsa no marco do convenio entre a Deputación e os Concellos, que ascende a máis de medio millón de euros.

“As obras avanzan a bo ritmo nesta primeira vía verde en Galicia que vai ser unha referencia e terá un percorrido de 9,2 quilómetros”, indicou Silva, que lamentou profundamente “a posibilidade de que como a Xunta de Galicia non cumpra co seu compromiso non poderemos ter o trazado completo”.

Precisamente este asunto abordarase o vindeiro luns nunha reunión en Portas convocada pola Consellería de Medio Ambiente.

Un encontro que Carmela Silva calificou como “o seguinte episodio da Senda Verde do Salnés” e do que o alcalde de Vilagarcía se amosou optimista porque están preto as eleccións autonómicas.

#hoxeenArousaPontevedraDíaaDía

#de12a1430

Finalmente, Vilanova poderá celebrar as festas da Pastoriza.

A creación dunha comisión de festas a última hora fai posible que os eventos festivos poidan ter lugar mediante unha organización mixta entre a comisión e o Concello.

As festas comezarán este venres 13 de setembro, tal como nos explicaba o alcalde, Gonzalo Durán, na presentación das mesmas, acompañado de membros da comisión e o cura párroco.

#hoxeenArousaPontevedraDíaaDía

#de12a1430

As obras de renovación e mellora do campo municipal de Vilaxoán estarán rematadas nunha semana.

Así o confirmou o deputado provincial López Font que esta mañá, acompañado do alcalde de Vilagarcía, Alberto Varela, realizou unha visita para comprobar o avance dos traballos, tanto do campo de fútbol como da actuación de cambio de barandas do Rio o Con.

Proxectos, que entre ambos superan os 300.000 euros de inversión e que, segundo López Font, supoñen un exemplo de colaboración entre a Deputación e os Concellos.

Pola súa banda, o alcalde Alberto Varela aproveitou esta visita para anunciar que a Escola Infantil de Vilaxoán comezará o curso a semana que ven.