#hoxeenArousaPontevedraDíaaDía

#de12a1430

Un total de 29 establecementos comerciais de Cambados participan na Feira de Oportunidades de Zona Centro que se prolongará durante toda a fin de semana no Paseo de A Calzada en horario ininterrumpido de 11 a 23 horas.

A maiores de roupa para muller, home e infantil, pódense encontrar gran variedade de productos como xoguetes ou xoiería ou complementos con grandes descontos.

A tenor da gran afluencia de público na primeira xornada, os comerciantes agardan boas expectativas de vendas.

Ademáis este ano o evento compleméntase cunha parte gastronómica a través da primeira Feira de Productos do Mar, coa que o Concello quere axudar a clubes e entidades locais.

Nesta ocasión, será o Club Gran Jeté de ximnasia rítimica o encargado da súa xestión.

Os detalles nolos contan o presidente de Zona Centro, Juan Rey, e a Concelleira de Promoción Económica, Carolina Laya.

#hoxeenArousaPontevedraDíaaDía

#de12a1430

O Festival Xironsa de Cambados chega a súa XIX edición coa obriga de reconverter o tradicional serán en dous días de programación para adaptarse á Lei de Espectáculos de Galicia.

O 30 e o 31 de agosto dous escenarios acotados con límite de aforo acollerán os concertos que encabezarán Sés e Os Resentidos.

En todo caso, o evento sigue sendo unha cita para disfrutar en familia na que non faltará o Xantar popular, Xogos Tradicionais e unha feira de artesanía.

Asimesmo, volverá a contar con zona de acampada e tamén se habilitará o Punto Morado de asesoramento contra posibles agresións machistas.

O Festival foi presentado esta mañá no Salón de Plenos do Concello, coa presencia da alcaldesa, Fátima Abal, a Deputada Provincial de Cultura, Victoria Alonso, representantes dos patrocinadores Paco&Lola e Porto de Cambados, e os organizadores do Festival, a Asociación Xironsa, que puxeron a nota musical á presentación.

#hoxeenArousaPontevedraDíaaDía

#de12a1430

A Ascociación de Comerciantes Cambados Zona Centro celebra un ano máis a Feira de Oportunidades os vindeiros días 15, 16 e 17 de agosto no Paseo da Calzada.

Nesta feira participarán 29 comercios, a súa maioría de Cambados, que porán á venda productos como roupa, calzado, complementos, material deportivo, fogar e mesmo alimentación con importantes descontos para impulsar o comercio local e dar a coñecer os seus productos.

A Feria de Oportunidades de Cambados estará aberta durante os 3 días en horario ininterrumpido de 11:00 da mañá a 23:00 horas da noite.

Ademáis, non faltarán inchables para os máis pequenos e como novidade, instalarase unha carpa para as I Xornadas Gastronómicas con productos do mar de Cambados para colaborar económicamente cos clubes deportivos do municipio, nesta edición co Club de Ximnasia Rítmica Grand Jeté, e amenizar as xornadas de compras.

#hoxeenArousaPontevedraDíaaDía

#de12a1430

Acabou a festa e chega o momento de balances e recontos.

A alcaldesa de Cambados, Fátima Abal, e o Tenente de Alcalde, Tino Cordal, fixeron esta mañá valoración en cifras da LXVII edición da Festa do Albariño, a primeira de Interese Turístico Internacional.

Segundo as estimacións municipais, durante os cinco días estiveron en Cambados máis de 250.000 persoas, sendo os días de maior afluencia o venres e o sábado.

A máis multitudinaria dos últimos anos pero tamén “a máis cívica” xa que “pese a gran afluencia de público todo transcurriu con normalidade e sen sobresaltos”

O goberno local celebra moi positivamente que os incidentes fosen mínimos, aínda que “todavía nos queda moito por traballar e mellorar esta festa que cada ano é máis multitudinaria”, sinalaron.

O custe total da festa sitúase en torno aos 395.000 euros, cuns ingresos de máis de 195.000 euros entre patrocinios, taxas e as subvencións doutras institucións que este ano foron maiores por ser Festa de Interes Internacional.

Concretamente, a Xunta aportou 50.000 euros, a Deputación 37.000, patrocinios 26.000 e ingresos por taxas máis de 81.000

A maior parte do gasto, 240.000 euros, foi destinado á trintena de actividades e eventos organizados, sobre todo a partida destinada aos concertos. Entre eles destacan os de Luz Casal 50.000 euros, Mala Rodríguez 42.000, Cristina Rosenvinge e Javier Mena 26.000 e Siniestro Total 18.000.

En limpeza destináronse 33.000 euros e a outros gastos 87.000.

E

n canto ao Xantar, acudiron 550 persoas, das que 240 pagaron os seus cubertos, entre eles os concelleiros de Somos Cambados, e o resto, 310, foron invitados.

Grazas ao traballo extra dos traballadores municipais, que recibirán unha compensación de productividade polo seu esforzo, o Concello reforzou os servizos hixiénicos e de limpeza con maior número de baldeos das rúas, que continuarán durante os vindeiros días ata que todas queden en perfecto estado.

E xa pensando na próxima edición, o goberno local avanza que xa está pensando en medidas que melloren diferentes aspectos, como a reciclaxe, involucrando á hostelería na venda de vasos de material reciclable, ou a barreira anticontaminación.

Así o sinalaban a alcaldesa Fátima Abal e o Tenente de Alcalde, Tino Cordal, na valoración realizada esta mañá.

#hoxeenArousaPontevedraDíaaDía

#de12a1430

Vilagarcía e Cambados celebraron esta mañá as súas respectivas Xuntas de Seguridade Local cara aos próximos eventos festivos que congregarán en ambas vilas a multitude de persoas.

No primeiro caso, as celebracións das Festas de San Roque de Vilagarcía e, sobre todo, a Festa da Agua, estarán reforzadas este ano con maior presencia policial.

As forzas de seguridade do Estado incrementan catro veces máis o número de axentes da Policía Nacional con respecto ao ano pasado mediante membros chegados dende outros municipios.

Asimesmo, Tráfico establecerá máis controis de alcohol e drogas dende a noite véspera do 16 de agosto.

Así se acordou na Xunta Local de Seguridade celebrada esta mañá en Vilagarcía para establecer a coordinación dos operativos de seguridade, presidida pola Subdelegada do Goberno, Maica Larriba, acompañado do alcalde Alberto Varela.

Igualmente, como xa avanzara o goberno local, as Festas de San Roque terán un Punto Lila instalado na Praza da Segunda República como referente para as mulleres que poidan solicitar axuda en calquera situación de inseguridade ou violencia.

Ademáis, tamén se analizou a evolución dos índices de criminalidade na vila durante os últimos seis meses, que, segundo os datos da Subdelegada, descenderon un 40% con respecto ao ano pasado.

Tamén Cambados celebrou hoxe a Xunta de Seguridade Local para abordarán os aspectos relativos a la Festa do Albariño, que empeza o vindeiro mércores.

Concretamente, analizáronse as dotaciones de medios humanos e materiais, a coordinación entre os diferentes cuerpos ou o funcionamiento do puesto de mando avanzado, que inclue videovixilancia.

A Alcaldesa Fatima Abal e o Concelleiro de Seguridade Cidadá, Tino Cordal, estiveron presentes na reunión de traballo xunto ao coronel xefe provincial da Garda Civil, Simón Venzal e outros reponsables do operativo organizativo desta edición do Albariño.

No encontro, a subdelegada do Goberno, Maica Larriba puido comprobar toda a coordinación necesaria para o bo desenvolvemento destes festexos, mantendo a súa preocupación para seguir traballando na seguridade tan necesaria nas celebracións estivais

#hoxeenArousaPontevedraDíaaDía

#de12a1430

O Concello de Vilagarcía presentou esta mañá , da man do alcalde, Alberto Varela, e a concelleira de Cultura, Sonia Outón, o programa das Festas de San Roque 2019, declaradas de Interese Turístico Nacional.

Unha ampla programación “pensada para todos” e cuxos actos centrais arrancarán o mércores 14 de agosto co pregón do escritor Marcos Calveiro e rematarán o domingo 25 co Desfile de Carrozas trala celebración da Festa da Auga o día 16.

No apartado musical, San Roque traerá este ano a Vilagarcía os concertos de Cristian Silva o día 20, Xoel López o 21, Blas Cantó o 22 e Victor Manuel o día 23.

Todos eles actuarán no Parque da Xunqueira ás 23 horas con entrada de balde.

Pero ademáis, o Concello incluiu dentro do programa o Festiclown, a Semana de Cine de Ádega, a poesía da Mesa das Verbas, a música de “As 9 na Praia” de Ahituvi, a Festa da Ameixa, e o Festival Revenidas entre as numerosas actividades previstas.

Asimesmo, un ano máis as Festas de San Roque volverán a contar cun Punto Lila en contra da violencia machista.

#hoxeenArousaPontevedraDíaaDía

#de12a1430

O Festiclown volve ás rúas de Vilagarcía do 17 ao 25 de agosto cunha programación chea de espectáculos circenses e un completo apartado social.

Este ano, os organizadores queren ensalzar a compoñente máis lúdica e divertida do xénero sen desbotar o compromiso social.

Por este motivo, renomean o evento como “Festaclown” despregando unha carteleira internacional polas rúas e prazas de Vilagarcía e desenvolvendo actividades solidarias.

O programa foi presentado este mediodía coa presencia do alcalde de Vilagarcía, Alberto Varela, a Concelleira de Cultura, Sonia Outón, o director da Axencia Galega das Industrias Culturais (Agadic), Jacobo Sutil, o portavoz da entidade organizadora, Fran Rei, e a representante de Con Eles, Loli Maneiro.

Ademáis, a presentación tamén incluíu unha conexión por videoconferencia co bufón italiano Leo Bassi, que será a estrela dunha carteleira internacional completada por Mago Teto, Vol’e Temps, Píscore, Patty Diphusa, Kanbaiota, Miguel de Lucas, Cía Vaya, Mireia Miracle, Almar&Cía, Sempre Arriba, Muu, AsSircópatas, Isla Letriska ou Kanbahiota, entre outras compañías.

O apartado social inclúe os colectivos Pallassos en Rebeldía, Amencer, Clámide, Asociación con Eles e O Soño de Lilith.

A maiores, tamén se inclue un programa formativo, o “Formaclown”, sobre a aplicación de técnicas bufonescas, e unha conferencia-coloquio que ofrecerá Leo Bassi sobre a utilización do teatro como ferramenta política.

#hoxeenArousaPontevedraDíaaDía

#de12a1430

O goberno local de Vilagarcía levará ao pleno de mañá a súa proposta de orzamentos para este ano que ascenderá a 27,6 millóns de euros, un 1,12 % máis que o ano pasado.

Para o executivo municipal é un orzamento de transición e continuista por tratarse dun ano electoral e a súa previsión é que entre en vigor a finais de agosto.

Desta volta, dada a maioría absoluta da que dispón, o grupo de goberno xa non necesitará o apoio de ningún grupo da oposición.

Dende o BNG xa anunciaban esta mañá que votarán en contra “despóis da fraude que suposo dar o seu apoio ao goberno socialista nos últimos dous anos”, segundo sinalaba a portavoz nacionalista Lucía Veloso.

“Entendemos que eles non cumpriron co seu compromiso, non só con nos, senon con todas as persoas e colectivos que nos demandaban a execución das partidas que puxemos enriba da mesa”, argumentou.

Ademáis, Lucía Veloso asegurou que o BNG “non entende esta nova actitude de falta de diálogo” do grupo de goberno e criticou a escasa documentación trasladada polo executivo socialista sobre a proposta orzamentaria.

#hoxeenArousaPontevedraDíaaDía

#de12a1430

A Festa do Albariño volverá a contar cun Punto Morado en contra da Violencia de Xénero ao que poderán acudir as mulleres que sufran unha situación de acoso

O Punto estará ubicado nunha carpa no Paseo da Calzada.

Ademáis, por segundo ano consecutivo unhas 30 voluntarias de Cambados e a comarca estarán presentes durante os cinco días do evento percorrendo diferentes lugares para informar e sensibilizar contra actitudes machistas que, en moitos casos, poden derivar en agresións sexuais.

Asimesmo, prestarán axuda a quen poida necesitalo nun momento determinado e

estarán perfectamente identificadas cun chaleco reflectante.

Como novidade, este ano súmanse á iniciativa uns 25 establecementos da hostelería e o comercio local, que servirán ao tempo como punto de acollemento.

Todos os voluntarios e voluntarias recibirán catro horas de formación seguindo un protocolo elaborado para tal fin para que sepan cómo actuar en caso de ser necesario.

Quen queira formar parte do voluntariado todavía está a tempo de inscribirse a través da Concellería de Igualdade de Cambados ou directamente en Alcaldía.

Así o explicaban esta mañá a alcaldesa, Fátima Abal, e a técnica de Igualdade, Mónica Novas, na presentación do Punto Morado.

#hoxeenArousaPontevedraDíaaDía

#de12a1430

Cambados volverá a celebrar o día da súa patrona Santa Mariña, o 18 de xullo, cun concerto de Manso e Amigos, organizado polo Concello e a Asociación de Comerciantes Zona Centro.

Tralo éxito da actuación do ano pasado, o grupo volverá coa súa música á praza de Fefiñáns, ás 22 horas con entrada gratuita.

Así nolo contaban os organizadores do evento durante a presentación celebrada esta mañá na casa consistorial, coa presencia dos Concelleiros de Somos Tino Cordal e Carolina Aragunde que se estrenou así como nova edil de Comercio.

Tamén estivo o Presidente de Zona Centro, Juan Rey, e Salvador Cores en representación de Manso e Amigos.