#hoxeenArousaPontevedraDíaaDía

#de12a1430

A alcaldesa Fátima Abal acaba de designar as delegacións do goberno bipartito que desempeñarán os sete concelleiros de Psoe e Somos durante os próximos catro anos.

Con ela falamos esta mañá en Arousa Pontevedra Día a Día.

#hoxeenArousaPontevedraDíaaDía

#de12a1430

Vilagarcía celebra o Orgullo LGTBI cunha completa programación que se desenvolverá durante o verán baixo o lema "Vilagarcía Diversa e Orgullosa".

A primeira das actividades será un ciclo de cine lgtbi+ en colaboración co Cineclub Ádega e na que se Proyectarán unha serie de películas e curtas de temática lgtbi que terán lugar no Salón García os días 11, 18 e 23 de xullo.

Ao remate das proxeccións tamén haberá coloquios sobre vivencias para visibilizar as reivindicacións deste colectivo e porá fin a este ciclo a performance "Preparados, Apunten, Flores".

A programación continúa tamén durante as fiestas de San Roque, cunha unha sesión de música a cargo de Señora Dj e un espectáculo visual o día 17 de agosto.

Os detalles explicábaos esta mañá a Concelleira de Servizos Sociais de Vilagarcía, Tania García, e a organizadora das actividades, Loli Maquieira.

#hoxeenArousaPontevedraDíaaDía

#de12a1430

Vilanova volve a acoller un ano máis o encontro da Irmandade de Lexionarios de Galicia, que terá lugar no entorno de O Terrón.

Na xuntanza, que se celebrará os días 12 e 14 de xullo, participarán uns 150 lexionarios procedentes de Galicia e tamén doutros puntos do Estado.

Os actos comezarán cunha recepción o venres para despóis proseguir co “Sábado do Lexionario”.

A xornada incluirá misa de campaña na Praza do castro, xantar con productos da comarca, como albariño e mexillóns, un paseo no Chiqui-Tren, visita ao Museo Valle Inclán e un concerto da Banda de Música da Brilat de Figueirido.

Durante a presentación do encontro esta mañá, por parte do presidente da Irmandade, Francisco Rodríguez, o alcalde de Vilanova, Gonzalo Durán, animou aos veciños a participar nos actos e amosouse encantado de acoller este tipo de eventos en recoñecemento ao labor humanitario e de paz que os lexionarios realizan en lugares como Mali.

#hoxeenArousaPontevedraDíaaDía

#de12a1430

Unhas 500 palilleiras de toda Galicia daranse cita este domingo 7 de xullo no X Encontro de Palilleiras e Labores Artesanais que se celebrará no Pabillón Multiusos de Vilanova.

Os detalles nolos contan Elda Froiz, presidenta da Asociación A Floriña, organizadora do evento, e o alcalde Gonzalo Durán.

#hoxeenArousaPontevedraDíaaDía

#de12a1430

O Concello de Cambados súmase ao programa “TEApuntas” promovido pola Asociación Familias Azuis, que integra a persoas con Trastorno de Espectro Autista.

O colectivo, con sede en Ponteareas, atende a 19 familias do sur da provincia e recentemente ampliou a súa cobertura tamén a Cambados.

O programa “TEApuntas” promove xornadas de convivencia con actividades deportivas e lúdicas para que as persoas afectadas por este trastorno poidan intercambiar vivencias co fin de avanzar e mellorar a súa relación diaria.

As actividades deportivas desenvolveranse todos os martes de xullo, en horario de 10.30 a 12.00 horas, no Campo Municipal de Cambados.

Ademáis, os participantes tamén poderán divertirse con xogos de Lego os días 2, 9 e 16 de xullo de 18.00 a 19.00 horas.

As actividades son totalmente gratuítas e están destinadas a nenos e nenas entre 6 e 15 anos.

O programa “TEApuntas” foi presentado esta mañá en Cambados pola alcaldesa, Fátima Abal, e varios membros da asociación Familias Azuis,

#hoxeenArousaPontevedraDíaaDía

#de12a1430

O Concello de Vilanova ten preparado un amplo programa das Sonatas de Verán, con actividades prácticamente todas as semanas dende este sábado, 6 de xullo, ata o 16 de setembro.

Será a trixéxima edición dun programa que este ano estará integrado nun 80% por artistas locais.

Pese a todo, non faltarán concertos de renome, como Roi Casal, o Festival “O Mundo a Dançar”, a actuación da orquesta Panorama, e a presencia do grupo De Vacas.

Así o destacaba o Concelleiro de Cultura, Javier Tourís, na presentación da programación estival, acompañado do alcalde, Gonzalo Durán.

#hoxeenArousaPontevedraDíaaDía

#de12a1430

O Concello de Vilanova xa está xestionando a localización de espazos nas parroquias para ubicar as “Casas dos Maiores”.

Trátase dun proxecto financiado pola Xunta de Galicia que concede unha subvención ao particular que o solicite para o cuidado de cinco anciáns, a xeito de Centro de Día pero no entorno de cada usuario.

Así o explicaban esta mañá o Director Xeral de Maiores e Persoas con Discapacidade da Xunta, Ildefonso de la Campa, e o alcalde Gonzalo Durán, durante unha visita ao novo Club de Xubilados que xa está listo para o seu uso.

#hoxeenArousaPontevedraDíaaDía

#de12a1430

Unha vista aérea da vila de Valle Inclán será a ilustración do billete da Lotería Nacional do xoves 4 de xullo, cunha imaxe aérea do porto vilanoves, e da Ruta Padre Sarmiento

A iniciativa está enmarcada na serie que Loterías e Apostas do Estado dedica aos Camiños de Santiago baixo o título xenérico "A orixe de todos os camiños"

O sorteo de este billete celebrarase o xoves 4 de xullo, e os décimos poranse á venta estes días nas ventanillas de todas as administracións de loterías da zona, ao igual que do resto de España.

Tamén se poden adquirir electronicamente.

Para o alcalde de Vilanova, Gonzalo Durán, é outra iniciativa que sigue favorecendo o aumento do turismo na comarca.

#hoxeenArousaPontevedraDíaaDía

#de12a1430

O CIM da Mancomunidade do Salnés quere visibilizar o papel da muller no sector vitivinícola.

Para tal fin, organíza a I Mesa de Igualdade do Viño que terá lugar o xoves 4 de xullo no Edificio de Exposalnés en Cambados, a partir das 10 horas, e que será aberto ao público en xeral.

Os detalles nolos explicaban esta mañá a directora e a técnica do CIM, acompañadas da alcaldesa de Cambados, Fátima Abal, na presentación da iniciativa.

#hoxeenArousaPontevedraDíaaDía

#de12a1430

O alumnado da Escola Infantil de Vilanova despediu hoxe o curso escolar cun percorrido pola vila no que visitaron diversos entornos, comercios locais e a sede de Protección Civil.

Os detalles nolos conta a directora do centro, Alicia Garrido.