#hoxeenArousaPontevedraDíaaDía

#de12a1430

O Pazo de Rubiáns, en Vilagarcía, acolle este sábado 29 de xuño a segunda edición da Tea Masters Cup Spain, a competición máis relevante do mundo do té. 

O evento está organizado polo Instituto de Investigación do Té (IITE), nunha aposta pola categoría “Tea Tasting”, cata de tés de especialidade.

Dende Vilagarcía, unha das organizadoras do evento é Laura Rodríguez, propietaria da Tetereta e socia fundadora do Instituto de Investigación do Té,

Con ela falamos para saber todos os detalles deste Tea Masters Cup falamos.

#hoxeenArousaPontevedraDíaaDía

#de12a1430

O entorno do casco histórico de Vilanova irá quedando exento dos tendidos aéreos de cableado eléctrico.

A empresa Fenosa está a soterrar as liñas eléctricas na Praza da Pastoriza a través dunha actuación que non suporá ningún custe para o Concello.

Nolo contaba o alcalde, Gonzalo Durán.

#hoxeenArousaPontevedraDíaaDía

#de12a1430

O Concello de Vilanova ten xa a autorización de Costas do Estado para realizar diversas actuacións en espazos públicos afectados polo organismo estatal.

Entre elas, a creación dunha rampa de accesibilidade no futuro edificio Socio Comunitario e a renovación do alumeado no parque Xulio Camba.

As actuacións financiaranse con cargo ao Plan Concellos, tal como nos conta a Concelleira de Urbanismo, Nuria Morgade.

#hoxeenArousaPontevedraDíaaDía

#de12a1430

O Concello de Vilagarcía pon en marcha unha nova iniciativa destinada á concienciación sobre o cuidado do medio ambiente.

Desta volta, a iniciativa está promovida pola empresa Ferrovial-Cespa, adxudicataria do servizo de limpeza municipal a través do concurso "A túa foto por un planeta mellor".

A actividade convida á veciñanza, ata o 20 de xuño, a publicar nas redes sociais de Cespa unha fotografía relacionada co cuidado do planeta. O gañador recibirá como premio un patinete eléctrico.

Pero a maiores desta concurso, o Concello seguirá promovendo iniciativas medioambientais continuando coas xa postas en marcha nos últimos catro anos.

Así o explicaba esta mañá o Concelleiro de Medio Ambiente, Lino Mouriño, acompañado do responsable de Cespa-Ferrovial en Vilagarcía, José Manuel García Freijeiro.

#hoxeenArousaPontevedraDíaaDía

#de12a1430

O Concello de Vilanova asume a custodia dos bens e fondos bibliográficos da Fundación Valle Inclán a petición da mesma.

A Fundación solicitou a colaboración do Concello ante a imposibilidade de seguir mantendo a súa sede da Pastoriza, onde se encontraban ata o de agora, debido a súa delicada situación económica.

O patrimonio cultural, que ascende a uns 30.000 euros, manterase a partir de agora no Museo Cuadrante en exposición aberta ao público ata que a Fundación decida o contrario.

Somente catro cadros de gran tamaño quedarán expostos no Auditorio de O Esteiro cando as instalacións estean rematadas dentro dun mes aproximadamente.

Así o explicaba esta mañá o alcalde en funcións, Gonzalo Durán.

#hoxeenArousaPontevedraDíaaDía

#de12a1430

A Asociación O Castro de Baión organiza a II Mostra de Oficios, Costumes e Xogos Populares que se celebrará os días 8 e 9 de xuño no campo da Igrexa de Baión.

Os detalles nolos contaba esta mañá un dos organizadores do evento.

#hoxeenArousaPontevedraDíaaDía

#de12a1430

Gonzalo Pita, candidato de Sal a alcaldía de Sanxenxo, abandona a primeira liña política e non tomará posesión da única acta de concelleiro conseguida nas eleccións municipais do 26 de maio.

No seu lugar será Jesús Sueiro o que representa á formación liberal dentro da oposición.

Pita considera que se debe abrir unha nova etapa de rexeneración do partido pero, en todo caso, amósase satisfeito co traballo realizado nos últimos catro anos

#hoxeenArousaPontevedraDíaaDía

#de12a1430

A ONG Solidaridade Galega co Pobo Saharaui organiza en Vilanova a 5ª Andaina para sufragar a viaxe dos 5 nenos e nenas que virán a pasar as Vacacións en Paz ao concello arousán.

Será este domingo 9 de xuño con saída dende o Concello ás 10 horas e un percorrido ata o Monte Lobeira.

As inscripcións teñen un custe de 5 euros e incluen o avituallamento no percorrido.

Nolo conta Rosana Morgade, responsable da ONG.

#hoxeenArousaPontevedraDíaaDía

#de12a1430

Os hosteleiros de Vilagarcía abren unha nova edición do “Destapa”, que mantén o mesmo modelo que ano pasado co fin de dar a coñecer os seus locais e desestacionalizar o turismo.

A X edición da Ruta e Concurso de Tapas comezará este venres e prolongarase ata o domingo 16 con ata doce propostas gastronómicas diferentes.

Os prezos tampouco terán cambios: a tapa sen bebida será a 2,50 euros, con botellín de Mahou 3,50 euros, e con albariño Eidosela ou con Mencía Campaza 4 euros.

Ademáis, mantéñense os dous días do tapeador, o martes 11 e o mércores 12, con prezos máis baixos.

En canto ao apartado de premios para os clientes, os que consigan encher o cupón co cuño de catro establecementos optarán a 100 euros en metálico, a cesión durante unha fin de semana do novo Volkswagen T-Cross ou estuches de albariño de diferentes marcas.

Os detalles nolos contaba o presidente de Ahituvi, Richard Santamarí, na presentación do evento.

#hoxeenArousaPontevedraDíaaDía

#de12a1430

Gardian Joyas, a nova firma dunha deseñadora de Vilagarcía, dona parte dos seus beneficios a prol da Asociación contra o cancro de Pontevedra.

I é que a súa fundadora, Silvia Mollinedo, estaba no seu momento máis emprendedor coa súa nova firma cando empezou a enfermidade do seu pai.

Pero lonxe de rendirse o apoio do seu proxenitor foi un acicate para seguir traballando.

Froito de esa situación é a colección “Lazos solidarios”, xoias que representan a loita contra o cancro.

De todo elo falamos con Silvia Mollinedo.