#hoxeenArousaPontevedraDíaaDía

#de12a1430

Somos Cambados está disposto a loitar ata o último día para defender a representación política do terceiro concelleiro que lle deron as urnas o pasado domingo.

Os edís electos da formación de esquerdas Constantino Cordal e Xurxo Charlín reiteraron esta mañá que, ao igual que fará o candidato do PP Luis Aragunde, tamén eles reclamarán os votos para as eleccións europeas que foron depositados na urna das municipais.

“As reglas de xogo teñen que ser igual para todos. Esto solo se debe a supervivencia política de Luis Aragunde. Ten todo o dereito pero non ten a legalidade”, aseguraba Charlín.

Ademáis, ambos falaban tamén da necesidade de iniciar as negociacións co Partido Socialista de Fátima Abal cara un pacto de goberno de esquerdas antes da sesión de investidura.

“Non me cabe na cabeza que non podamos chegar a un entendemento. Creo que debemos apostar pola estabilidade e intentar un acordo entre as tres forzas políticas que manteñan a liña de cambio. Sí que hai algunhas cousas que hai que cambiar, erros do anterior pacto de goberno como a xestión de persoal ou no ámbito da policía local que hai que evitar”, explicaba Cordal.

#elecciónsmunicipais26m

Telmo Martín recupera a maioría absoluta en Sanxenxo e promete que gobernará "con responsabilidade e humildade".

O candidato popular interpreta o triunfo electoral como unha "recompensa" da cidadanía polo traballo desenvolto polo PP.

Agora a súa intención é "poñer Sanxenxo no estandar máis alto de calidade de vida e evitar o abandono dos mozos do municipio facilitando as empresas que se instalen aquí e abaratando o custo da vivenda.

#elecciónsmunicipais26m

O candidato á reelección a alcaldía de Vilanova, o popular Gonzalo Durán, anunciaba esta mañá a súa intención de investir 200.000 euros en mellorar os accesos de fibra óptica.

Gonzalo Durán celebrou esta mañá un almorzo informativo para valorar tamén a campaña electoral.

#elecciónsmunicipais26m

O candidato á reelección, o popular Gonzalo Durán, respondeu esta mañá á denuncia de Gañemos Vilanova sobre a política de contratación seguida polo goberno municipal no proceso de selección para a praza de técnico de administración xeral.

Segundo Durán, “hai quince anos que en ningún tribunal está ningún político, incluído o alcalde. As críticas estanse facendo aos funcionarios municipais”

#hoxeenArousaPontevedraDíaaDía

#de12a1430

A Escola de Música de Vilanova iniciará o vindeiro curso no mes de setembro estrenando as novas instalacións do Auditorio de O Esteiro, que estará rematado o 30 de xuño segundo as estimacións da empresa, ainda que o alcalde quere ser máis cauto e pon data de agosto.

A Escola de Música ubicarase na planta baixa para mellor traslado dos instrumentos, entre os que estará un gran piano de cola cuxa adquisición xestiona o Concello a través da Consellería de Cultura.

Nolo contaban esta mañá o alcalde, Gonzalo Durán, e o director da Escola, Jesús Nogueira, durante unha visita ás obras, acompañados por membros do Rockin’ Vila.

#hoxeenArousaPontevedraDíaaDía

#de12a1430

O Concello de Cambados asina hoxe un convenio de irmandade coa localidade portuguesa de Celorico de Basto nun acto que ten lugar no edificio de Exposalnés.

Trala sinatura do irmanamento colocarase unha praca conmemorativa no Paseo da Calzada.

A comitiva lusa chegaba xa esta mañá á vila do albariño, onde era recibida polo goberno municipal encabezado pola alcaldesa Fátima Abal.

O irmanamento entre ambos municipios, aprobado por unanimidade plenaria o pasado abril, tivo a súa orixe na Feira da Camelia, pero son moitos máis vínculos en común os que une a ambas localidades.

Así o manifestaban esta mañá Fátima Abal e o Presidente da Cámara de Celorico de Basto, Joaquim Mota e Silva.

#hoxeenArousaPontevedraDíaaDía

#de12a1430

O Concello de Cambados edita un novo rueiro que conta como principais novidades a publicación en idioma galego, ademáis dos existentes en castelán e inglés, e o valor engadido de ser un rueiro diferenciador, posto que ten debuxos en relieve dos principais recursos turísticos de Cambados.

A responsable do deseño do mapa é Iria Ribadomar, pintora, debuxante e deseñadora nada en Cambados e residente en Compostela.

A alcaldesa de Cambados, Fátima Abal, e a deseñadora presentaron esta mañá o novo rueiro.

#hoxeenArousaPontevedraDíaaDía

#de12a1430

O Concello de Vilanova creará Casas dos Maiores en cada unha das parroquias a través dun programa da Xunta que concede unha subvención a un particular que o solicite para o cuidado de cinco anciáns.

Os detalles explicábaos esta mañá o alcalde, Gonzalo Durán.

#hoxeenArousaPontevedraDíaaDía

#de12a1430

O Concello de Cambados quere seguir dinamizando o comercio local e faino neste caso a través da iniciativa “Quere o teu mercado” da Xunta de Galicia.

Será unha actividade dirixida aos mais pequenos que terá lugar este sábado de 11 da mañá a 13.30 horas no primeiro andar da praza de abastos.

Os nenos e nenas participantes poderán debuxar a súa idea do mercado nuns bandeiríns instalados para a ocasión na balconada da praza.

Tamén haberá agasallos de mandís e bolsas para as persoas que acudan ese día ao mercado e unha campaña en Instagram cos mesmos premios.

Nolo conta o Concelleiro de Promoción Económica, Xurxo Charlín, na presentación da iniciativa, acompañado da alcaldesa, Fátima Abal, o Concelleiro de Educación, Victor Caamaño, o edil de Servizos Sociais, Tino Cordal, e a monitora das actividades Mayte Barral.

#hoxeenArousaPontevedraDíaaDía

#de12a1430

Gañemos Vilanova denuncia a política de contratación do goberno de Gonzalo Durán xa que, segundo a formación, alteranse as bases para contratar a unha determinada persoa.

Neste caso, Gañemos Vilanova denuncia o proceso de selección para a praza de técnico de administración Xeral.

A formación acudiu ao notario unha semana antes de saber a resolución dos admitidos e rexistrou o nome que segundo os rumores ía a acceder ao posto de funcionario, concretamente un antigo traballador do concello que obtivo a segunda mellor puntuación.

Parecelle extraño que os outros dous candidatos con máis puntuación, o 1 e o 3, se retiraran.

Gañemos Vilanova esixe a Durán que anule o proceso antes de ser publicado no Boletín Oficial da Provincia, ou no caso contrario, acudirán á xustiza por falsedade documental.