#hoxeenArousaPontevedraDíaaDía

#de12a1430

O Festival Internacional de Música Clásica “Clas Clas” de Vilagarcía bota a andar a súa segunda edición tralo gran éxito de público e crítica do ano pasado.

Do 27 de xuño ao 6 de xullo a música clásica soará por diferentes espazos públicos de Vilagarcía mediante 14 concertos.

De todos eles, só catro son de pago: os que se celebrarán no Pazo de Rubiáns e no Pazo da Golpelleira.

Para eles xa se poñen á venda 600 entradas a través de ticketea.com a un prezo de 14 euros máis gastos de xestión.

Entre as grandes novidades desta edición destaca a colaboración coa Orquestra Sinfónica de Galicia, que realizará o concerto de apertura do festival baixo a dirección de Guy Braunstein, Director Artístico do Festival.

Ademáis, refórzase o Programa de Novos Artistas - YAP- aumentando o elenco de mentores, formado por recoñecidos solistas e intérpretes internacionais de ampla traxectoria, e os días de duración do festival, que alcanza xa a decena.

Os detalles nolos contaban esta mañá o alcalde de Vilagarcía, Alberto Varela, e a directora do Conservatorio municipal, Rosina Sobrido.

#hoxeenArousaPontevedraDíaaDía

#de12a1430

As obras de transformación da Casa de Cultura de O Esteiro nun Auditorio estarán rematadas para o mes de xullo.

É o prazo dado pola nova empresa adxudicataria, Prace, que se fixo cargo dos traballos despóis de que hai tres meses a anterior firma, Ediserpo, renunciase á execución tras entrar en concurso de acreedores.

En todo caso, o alcalde, Gonzalo Durán,quere ser máis cauto e estima que será para o mes de setembro cando as novas instalacións poidan entrar en funcionamento.

#hoxeenArousaPontevedraDíaaDía

#de12a1430

As obras da Vía Verde que transcorrerá sobre a antiga vía do ferrocarril entre os Concellos de Vilagarcía, Portas e Caldas darán comezo en dúas ou tres semanas.

Así o confirmaban esta mañá os alcaldes de Vilagarcía e Caldas, Alberto Varela e Juan Manuel Rey, que se amosaban enormemente satisfeitos porque “se cumple un soño”.

Pero ademáis, ambos rexedores lanzaron duras críticas á Xunta de Galicia por non asumir o seu compromiso económico inicial de 200.00 euros, a mesma cantidade que aporta a Deputación de Pontevedra.

#hoxeenArousaPontevedraDíaaDía

#de12a1430

Uns 500 deportistas competirán este domingo más diferentes modalidades da décima edición do Tríatlon Concello de Vilagarcía.

A competición será este domingo 12 de maio e dará comezo ás 10 horas coa saída a nado dos deportistas de categoría escolar dende o Porto de Vilagarcía.

Ademáis, por terceiro ano consecutivo, tamén terá lugar a proba do Campionato Galego de Tríatlon Contrarreloxo por Equipos, na que 40 equipos masculinos e femininos loitarán por ser os primeiros en chegar á meta.

En total serán 84 equipos, 12 de escolares, 31 no Open e 40 para o Campionato Galego.

O percorrido será para os escolares de 750 metros a nado dende o Peirao de pasaxeiros, 10 km en bicicleta ata Vilaxoán e volta, e 2 km de carreira a pé polo paseo marítimo da Compostela ata Carril e volta.

No caso do Campionato Galego e do Open o percorrido será o mesmo pero as distancias ascenden a 750 metros a nado, 20 km en bicicleta e 5 km de carreira a pé.

Os datos dabaos esta mañá o director de carreira Miguel Fernández, acompañado do Concelleiro de deportes de Vilagarcía, Miro Serén, na presentación da proba.

#elecciónsmunicipais26maio

O PSOE de Cambados presentou esta mañá as liñas básicas do seu programa electoral que ten como obxectivo que a vila continúe “sempre cara adiante”, tal como expresa o seu lema de campaña.

Proxectos para todas as parroquias, a redacción dun novo PXOM, a creación dunha senda en Castrelo coa mellora da praia de Saíñas, ademáis dun Plan de accesibilidade turística de eliminaciòn de barreiras arquitectónicas son algunhas das súas propostas.

A alcaldesa e candidata á alcaldía, Fátima Abal, comparecía esta mañá acompañada dos números 2, 3 e 5 da súa candidatura, Samuel Lago, Cruz Leiro e Milagros Martínez para expoñer o seu programa.

#hoxeenArousaPontevedraDíaaDía

#de12a1430

A empresa Pérez Rumbao conta dende hoxe cun concesionario de Seat en Vilagarcía que dará cobertura á demanda da comarca de O Salnés e o Barbanza.

Está situado na Avenida de Pontevedra e é o terceiro da firma na provincia, tralos de Pontevedra e Vigo.

Segundo sinalou durante o acto de apertura o Director Xeral de Turismos de Pérez Rumbao, Ramón Seijas, o novo centro reflexa o interés que mantén Pérez Rumbao por seguir crecendo na distribución da automoción, un obxetivo polo que a empresa realizou un importante esforzo inversor durante os últimos anos para gañar presencia no mercado galego.

As novas instalacións de Vilagarcía dispoñen de máis de 1.100 metros cadrados cubertos. O centro será atendido por 6 persoas coa colaboración dos 20 empregados dos que dispón Tambo Motor, a concesionaria de Seat para a provincia.

O centro de Vilagarcía ofrecerá unha ampla gama de servizos dende a venda de vehículos novos e usados, taller de mecánica e carrocería ata venda de recambios.

O novo concesionario iniciou esta mañá a súa actividade coa presentación de Tarraco, a nova gama da marca Seat.

Ao acto de apertura asistiron o director xerente de Tambo Motor, Antonio García Losada, e o responsable das novas instalaciósn, José Luis Mouriño.

#elecciónsmunicipais26m

O Partido Socialista de A Illa de Arousa amósase orgulloso dos investimentos da Deputación de Pontevedra no municipio nesta lexislatura e así o reflexa no seu programa electoral.

O alcalde e candidato á alcaldía, Carlos Iglesias, fixo balance esta mañá das achegas provinciais dos últimos catro anos comparándoas co investimento realizado na última lexislatura do PP.

Segundo os seus datos, o goberno provincial presidido por Carmela Silva destinou á Illa de Arousa 4,6 millóns de euros, fronte aos 988.000 euros do PP.

Un novo modelo de inversións “xusto e equitativo” que permitiu á Illa a execución dunha obra histórica, a rehabilitación das Casas Modernistas de Goday, Tomasa e Campanario, que se levan a metade das achegas socialistas, cun total de 2.6 millóns de euros.

O resto repártese no acondicionamento da Escola de Pau, con 85.000 euros, a recuperación da Praza do Portiño, con 74.000 euros, actuacións de pavimentación en Chasán e Testos, 89.000 euros, o Pozo de Abilleira, 31.000 euros, apertura de viais 50.000 euros, iluminación sostible 87.000 euros, cultura 58.000 euros e contratación de 37 traballadores por 367.000 euros.

#hoxeenArousaPontevedraDíaaDía

#de12a1430

O Colexio San Bartolomé de Tremoedo, en Vilanova, celebra o seu 50 aniversario cunha xornada de convivencia.

Esta festa de reencontro de antigos alumnos será o vindeiro sábado 25 de maio a partir das 13:00 horas e ademáis dun xantar, haberá animación musical e inchables.

Unha xornada que servirá para recordar anécdotas e a historia do colexio e ver a súa evolución.

O Colexio tamén está preparando unha exposición con documentos antigos que está previsto que se amose o día 25.

Así o explicaba a directora do centro, Covadonga López, acompañada do alcalde de Vilanova, Gonzalo Durán.

#hoxeenArousaPontevedraDíaaDía

#de12a1430

Ribadumia celebra este domingo a I Romaría da Música, un encontro organizado pola Banda Municipal e que mistura estilos de música dispares con actividades lúdicas e de animación para pequenos e maiores.

A Romaria dará inicio ás 12 do mediodía coa apertura das postos de comida e as actividades lúdicas e musicais.

Previamente, haberá unha xuntanza de motos e coches clásicos que sobre as 10 horas percorrerán a localidade e arredores.

No programa musical estarán dúas bandas de música, a de Belesar e a Municipal de Ribadumia, dous grupos de rock e metal, Sufre Mamón de Ribadumia e Treboada de Cambados, un cuarteto clásico de saxofóns, o Dextrum Ensemble de A Estrada, e a charanga As de Sempre de Cambados.

Para xantar haberá churrasco e polbo a prezos populares.

E en canto as actividades lúdicas realizaranse xogos tradicionais, obradoiros de pintura e maquillaxe infantil, e exhibición de zumba.

Un Romaría da Música que tanto o Concello como os organizadores prentenden consolidar, tal como nos comentaba o alcalde, David Castro, e o representante da Banda Municipal, José Antonio Paz, na presentación do evento.

#elecciónsmunicipais26m

O PP de Cambados presentou esta mañá dous proxectos para a parroquia de Vilariño que atenden a demandas veciñais e, segundo o seu candidato á alcaldía, Luis Aragunde, son realizables e miran cara o futuro.

Por unha banda, os populares propoñen a ampliación do cemiterio cara o terreo municipal anexo.

Esta iniciativa conleva a creación dun novo aparcamento de 100 prazas nunha parcela privada que tería que mercar a administración municipal.

O segundo proxecto implica un maior desarrollo do campo da festa.

Neste caso, os populares propoñen a construcción dun pista multideportiva cuberta con laterais de cristal blindado que permitan a súa apertura durante o bo tempo.

Ademáis, plantexan a creación dun novo parque infantil na parte traseira do campo da festa, alexándoo da estrada para maior seguridade dos nenos.

Este proxecto incluiría tamén a instalación de gradas no campo da festa para facilitar o descanso de nenos e maiores.

As propostas detallábaas a número tres da candidatura, Silvia Fernández, que representa a parroquia de Vilariño.