#elecciónsmunicipais26m

O Partido Socialista de Vilagarcía presentou esta mañá a segunda parte do seu programa electoral no que quere seguir desenvolvendo o proxecto de cidade iniciado hai catro anos.

A estación intermodal con paradas do AVE, o centro de saúde na comandancia, o novo centro de día, a remodelación da casa de Cultura coa insonorización do Salón García, a tan demandada ampliación biblioteca habilitando un novo andar, a creación dun albergue e a ampliación do solo industrial do Pousadoiro, son algunhas das novas propostas.

Así o explicaba esta mañá o candidato socialista Alberto Varela, acompañado dos integrantes do seu equipo.

#hoxeenArousaPontevedraDíaaDía

#de12a1430

Uns quince veciños e veciñas de Cambados, maiores de 60 anos, comezaron a familiarizarse coa informática e co uso dos teléfonos intelixentes.

Fanno a través dun curso organizado pola Concellería de Servizos Sociais e Terceira Idade que se impartirá ata o 24 de maio no Centro de A Merced.

Ademáis, poderán coñecer o uso das redes sociais, cómo solicitar unha cita previa para unha consulta médica ou hospitalaria no Sergas e a tramitar calquera tipo de xestion ante as administracións publicas

Os detalles nolos contaba o Concelleiro de Servizos Sociais e Terceira Idade, Tino Cordal,

#hoxeenArousaPontevedraDíaaDía

#de12a1430

Cambados Pode lamenta o rexeitamento en pleno da súa moción reclamando ao Consello Regulador da D.O Rías Baixas o aumento dos cupos da colleita de uva albariña nos anos de excedentes e boa calidade.

O portavoz da formación e candidato á alcaldía, José Ramón Abal, non entende a posición contraria manifestada no pleno por Somos Cambados e BNG e a abstención de PSOE e PP cando no concello de Ribadumia se aprobou por unanimidade.

En todo caso, agarda que a próxima colleita poida realizarse con aumento de cupos tendo en conta o apoio que xa lle demostraron Independentes de Meaño e o PP de Vilanova, ademáis de posibles acordos en Sanxenxo e Meis tralo período electoral.

#hoxeenArousaPontevedraDíaaDía

#de12a1430

O centro Princesa Letizia celebra este sábado a séptima edición do seu festival solidario e faino nesta ocasión cun “talent show”.

Baixo o nome "Ten Moito Mérito" os usuarios da escola e do centro de día amosarán as súas aptitudes musicais e estarán acompañados dos alumnos de baile da Asociación Cultural Nydia.

Ademáis, contarán coa colaboración dos alumnos de 5º e 6º de Primaria do colexio Alfonso VII de Caldas de Reis, que tamén actuarán neste espectáculo.

A cita terá lugar este sábado 11 de maio a partir das 18 horas no Auditorio de Vilagarcía cunha entrada de 3 euros que serán destinados a financiar a actividade do centro. Tamén haberá fila 0.

Este festival solidario inclúese dentro do Programa "Inclusión á inversa" da fundación Amencer, para dar visibilidade a estes colectivos e favorecer a súa inclusión na vida cotiá.

Os detalles nolos contaba David Carreras, director do centro de día, na presentación do festival acompañado pola Concelleira de cultura, Sonia Outón, a xerente de Amencer, Mónica Touriño e representantes do centro Princesa Letizia e asociación Nydia.

#hoxeenArousaPontevedraDíaaDía

#de12a1430

Os técnicos de ambulancias e o sindicato CIG amósanse defraudados co concurso de transporte resolto pola Xunta que dota ao Salnés da tan demandada ambulancia de soporte vital avanzado.

I é que aseguran que esta incorporación leva un técnico menos que o habitual e faise a cambio da retirada da ambulancia básica de 12 horas de Vilagarcía.

Segundo os seus datos, esta eliminación supón un aforro para a Xunta duns 130.000 euros ao ano pero pérdense 30 postos de traballo e numerosos servizos en toda a comarca.

Todo elo, indican, a cambio de incorporar unha ambulancia medicalizada de segunda categoría.

Afirman que a resolución do concurso é unha farsa por parte da Xunta e, en todo caso, acusan ao alcalde de Vilanova, Gonzalo Durán, de ser o culpable de que o Salnés non contara antes co servizo de soporte vital avanzado.

Así o decían esta mañá o representante da CIG Xabier Aboy, e o dos técnicos de ambulancias do Salnés, César Rajoy.

#hoxeenArousaPontevedraDíaaDía

#de12a1430

As caricaturas de Gogue e 20 adegas formarán parte da terceira edición do Enobús que o Concello de Cambados porá en marcha nos meses de xullo e agosto, en 30 xornadas de luns a venres e con varias novidades.

A primeira, a incorporación de visitas guiadas polo casco histórico de Cambados, en sustitución da Fundación Manolo Paz.

A segunda, a realización de showcookings no entorno de San Sadurniño en colaboración coas mariscadoras de Guimatur.

Os detalles nolos contaba esta mañá o Concelleiro de Enoturismo, José Ramón Abal, durante a presentación do Enobús, acompañado de representantes de varias das adegas participantes.

#hoxeenArousaPontevedraDíaaDía

#de12a1430

O Sergas executará a reforma do Centro de Saúde de Vilanova mediante un convenio de colaboración asinado entre o alcalde, Gonzalo Durán, e o Conselleiro de Sanidade, Vázque Almuiña.

A inversión asciende a 40.382 euros que serán financiados a partes iguais por ambas administracións.

A actuación incluirá a sustitución do ascensor e do acumulador, reparación das portas interiores e exteriores, o pintado de varias dependencias e a reparación da instalación eléctrica.

Ademáis, o alcalde Gonzalo Durán, xestionou esta mañá coa Conselleira de Política Social, Fabiola García, outras actuacións para o municipio.

Entre elas, a ampliación da gardería e a creación de A Casa do Maior nas parroquias.

Serían pequenos centros de atención aos maiores para grupos de 5 persoas cun cuidador, en base o que xa está a facer a Xunta en Concellos para Concellos de menos de 5.000 habitantes.

#hoxeenArousaPontevedraDíaaDía

#de12a1430

O concello de Ribadumia presentou esta mañá a 57 edición da Festa do Viño Tinto do Salnés e as súas variedades autóctonas, que terá lugar do 30 de maio ao 2 de xuño.

Este ano o evento ten para o goberno local unha especial importancia xa que por primeira vez está en marcha o expediente de legalización da uva de folla redonda.

Asi o sinalaba o alcalde, David Castro, na presentación da Festa.

#hoxeenArousaPontevedraDíaaDía

#de12a1430

As Catas Clandestinas, organizadas dende Cambados e O Grove por Catorce Electrodomésticos e o Restaurante Villa Rolendis, comezan esta noite coa degustación de viños de Martín Codax.

A cita será a partir das 21 horas no establecemento de Cambados.

Como vos vimos contando, nesta edición, os organizadores das catas donarán os 10 euros de cada unha das entradas de cada sesión a 6 asociacións benéficas da comarca.

Concretamente, a Protectora de Cambados, Por unha sonrisa de O Grove, A Naiciña, Gotas, Ame e Amencer.

As representantes dos colectivos amósanse agradecidas con esta iniciativa, tal como sinalaron esta mañá na presentación do evento.

#hoxeenArousaPontevedraDíaaDía

#de12a1430

Os hosteleiros de Vilagarcía poñen en marcha unha nova iniciativa de dinamización.

Desta volta, trátase dunha ruta de combinados de xenebra e ron que, baixo o nome de “Combina Vilagarcía”, desenvolverase dende mañá ata o domingo 12 de maio.

Os detalles nolos explicaba esta mañá o presidente de Ahituvi, Richard Santamaría.