#hoxeenArousaPontevedraDíaaDía

#de12a1430

Cambados aproveitará o mes de maio para realizar diversas actividades que dinamicen o comercio e a hostelería locais.

Por un lado, a Campaña do Día da Nai, organizada pola Asociación Zona Centro, en colaboración co Concello, repartirá un total de 600 euros repartidos en vales compra de 200, 100 e 50 euros.

A novidade deste ano é que a partir de agora as papeletas de participación no sorteo levarán un número asignado en vez de ser nominativo co nome e teléfono.

E por outra banda, en colaboración coas depuradoras de Tragove, celebrarase unha Feira de Productos do Mar e Festa da Ostra, xestionada polo club Juventud de Cambados para recadar fondos que lles axude a continuar na seguinte fase do torneo Arosa F7.

Ubicaranse postos de marisco en diferentes zonas do centro histórico aos que se poderán unir os locais de hostelería.

Os detalles nolos contaban esta mañá os Concelleiros de Promoción Económica e Servizos Sociais, Xurxo Charlín e Tino Cordal.

#hoxeenArousaPontevedraDíaaDía

#de12a1430

O concello de Cambados sinalizará con pictogramas os pasos de peóns para facilitar a inclusión na vida cotiá das persoas con TEA (Trastorno do Espectro Autista).

Os símbolos, que explican cómo se debe cruzar a vía, pintaránse de cor azul nos pasos de peóns próximos aos centros escolares e á Praza do Concello.

Así o explicaba esta mañá a alcaldesa Fátima Abal na presentación da iniciativa promovida por Nicole Rial, veciña de Cambados afectada por esta problemática.

#hoxeenArousaPontevedraDíaaDía

#de12a1430

Indignación no Concello de Vilagarcía porque a Xunta de Galicia quere deixar fora da súa competencia a vella estrada de Bamio.

O director da Axencia Galega de Infraestruturas, Francisco Menéndez, sinalaba no Parlamento de Galicia que o vial non conta con funcionalidade na rede autonómica de estradas, xa que o tránsito principal realízase pola PO-548.

Ao seu entender, “o lóxico é que a súa xestión sexa asumida polo Concello de Vilagarcía, que debería solicitar a transferencia da súa titularidade”.

Para o alcalde de Vilagarcía, Alberto Varela, trátase dunha tomadura de pelo aos veciños de Vilagarcía e anima ao PP a explicar aos veciños da zona, durante a campaña electoral, que a estrada de Bamio é unha estrada secundaria.

Tamén reclama aos políticos populares que “se deixen de desplazar a Madrid e defendan os intereses de Vilagarcía en Santiago, xa que o maior enemigo de Vilagarcía é a Xunta”.

#hoxeenArousaPontevedraDíaaDía

#de12a1430

O BNG de Meis fixo pública esta mañá documentación oficial do Concello que, segundo sinala a formación nacionalista, corrobora que o proxecto do parque acuático anunciado polo alcalde, o popular José Luis Pérez, “é unha estafa”.

Así o explicaba o candidato á alcaldía polo BNG Xoan Manuel Vázquez.

#hoxeenArousaPontevedraDía

#de12a1430

A Fundación Manolo Paz de Cambados celebra o sábado 29 de xullo súa IV edición das Xornadas sobre arte contemporáneo que este ano galardoarán ao arquitecto portugués Álvaro Siza pola súa traxectoria profesional e o seu traballo en Galicia.

Os actos consistirán nunha serie de presentacións e conversas en torno á figura de Álvaro Siza, coñecido arquitecto que conseguiu relacionar a natureza na súa arquitectura, como no parque de Bonaval en Santiago de Compostela, un lugar que se converteu en modelo de respecto no tratamento da paisaxe urbana.

As Xornadas completaranse cunha mesa redonda sobre deseño en Galicia e o norte de Portugal, así como coa presentación da primeira edición da Porto Design Biennale, que será inaugurada no próximo mes de setembro en Oporto e Matosinhos.

As inscripcións para participar nas xornadas poden facerse xa no correo electrónico [email protected].

Os datos explicábanos está mañá o edil de cultura de Cambados, Víctor Caamaño e o artista Manolo Paz, durante a presentación destas IV Xornadas.

A Asociación de Mulleres Rurais "As Saíñas" de Cambados celebra un ano máis unha andaina solidaria.

Nesta ocasión será en favor da Asociación Española Contra o Cancro e especialmente adicada á veciña de Castrelo, Pilar Fernández Muñiz que está loitando contra esta enfermidade.

Ademáis de Pilar, a Asociación presta atención en Cambados a 10 persoas mediante axuda psicolóxica, 9 en atención social, 34 en servizo de logopedas e 55 en radioloxía.

Asimesmo, a AECC ten a disposición de cualquer persoa o número de teléfono 900100036 que é atendido por médicos e psicólogos especializados durante as 24 horas do día.

A Andaina organizada por “As Saiñas” celebrarase o vindeiro 1 de maio e contará tamén coa presencia de dous xogadores do RC Celta, que apadriña está edición, Pione Sisto e Emre Mor.

Os detalles nolos contaba esta mañá Leonor Muñiz Presidenta Asociación As Saíñas, durante a presentación da iniciativa, acompañada pola alcaldesa Fátima Abal, a Presidenta AECC Pontevedra, Marisé Crespo, e German Arteta, da Fundación RC Celta

A ruta sairá as 17 horas do campo de fútbol de Castrelo e tras 2 horas e 12km polo Sendeiro Intermareal do Umia, voltaráse ao campo onde haberá diferentes actividades amenizadas por Dj Lola.

Contarase tamén coa actuación do grupo vigués Media Punta que interpretarán a viral Muiñeira de Chantada, e ademáis os máis pequenos da parroquia amosarán as súas dotes en Zumba.

Quen queira participar nesta Andaina gratuita pode anotarse, por motivos de loxística e habituallamento, no teléfono da asociación As Saiñas, 687968888.

No campo de fútbol haberá un peto para quen desexe realizar as súas doazóns para a Asociación Española Contra o Cancro.

#hoxeenArousaPontevedraDíaaDía

#de12a1430

A parroquia de András, en Vilanova, recupera, tras 25 anos de ausencia, a Festa da Muller Labrega que se viña celebrando tradicionalmente o primeiro de maio.

Conservando a mesma data, o 1 de maio celebrarase en András unha romería con misa, xantar e música para lembrar a importancia que sempre tivo a muller nesta parroquia vilanovesa.

Nolo contaban o alcalde, Gonzalo Durán, e o representante da comisión organizadora, José Ramón Aido.

#hoxeenArousaPontevedraDíaaDía

#de12a1430

O transporte gratuito que o Concello de Vilanova ten dispoñible para trasladar aos veciños das parroquias ata o Hospital do Salnés podería ampliarse a usuarios doutros municipios.

De feito, cada vez son máis os veciños de Cambados e Ribadumia que aproveitan este transporte para acudir ao centro comarcal.

E por eso, dende estes Concellos xa se está pensando en buscar a forma de que todos os seus veciños poidan aproveitar este servizo.

Unha iniciativa que o alcalde de Vilanova, Gonzalo Durán, ve con agrado sempre e cando se colabore na financiación.

#hoxeenArousaPontevedraDíaaDía

#de12a1430

O incremento de peregrinos que realizan as Rutas do Camiño polo Salnés está derivando nun aumento dos albergues.

É o caso dun novo establecemento para peregrinos que acaba de abrir as portas en Vilanova.

O novo albergue, o terceiro de iniciativa privada existente no municipio, inaugurábase esta mañá coa presencia do alcalde, Gonzalo Durán, e a propietaria Angeles Abalo.

#hoxeenArousaPontevedraDíaaDía

#de12a1430

O Concello de Sanxenxo pon en marcha este sábado a terceira edición da Ruta Gastronómica Pincho e Raia, como parte do programa da Festa da Raia que se celebrará a fin de semana do 4 e 5 de maio.

Un total de dez locais de hostelería de Portonovo participan este ano con novidosas elaboracións do producto da vila a un prezo de dous euros.

Ademáis, as persoas que selen a tarxeta correspondente en alomenos cinco establecementos entrarán nun sorteo dunha fin de semana no Hotel Faro Isla Pancha de Ribadeo.

Os detalles nolos contaban o Concelleiro de Turismo de Sanxenxo, Jesús Sueiro, e un representante dos locais participantes.